− ناق مايدانداعى كورەرمەندەر، شەتەلدىك تىلشىلەر حاڭجوۋ ازيا سپورت جارىسىنىڭ باستالۋ سالتىنا القاۋ ايتتى

شينحۋا اگەنتتىگىنىڭ 9 ـ ايدىڭ 23 ـ كۇنى حاڭجوۋدان بەرگەن حابارى (تىلشىلەر ياۋ يوۋميڭ، لي ديان، ۋاڭ حاۋميڭ، حۋاڭ ياۋمان). 9 ـ ايدىڭ 23 ـ كۇنى كەشتە حاڭجوۋداعى وليمپيادا دەنە تاربيە ورتالىعىنىڭ دەنە تاربيە الاڭىندا بايىرعى سالت - سانا وسى زامان فاكتورلارمەن ٴوزارا ىقپالداسىپ، «سيفرلى وتشاشۋ» شۇعىلا شاشىپ، ”سيفرلى الاۋ“ تاماشا بەينەمەن بوي كورسەتتى. يتاليالىق ساياحاتشى ماركو پولو ”دۇنيە جۇزىندەگى ەڭ كوركەم، ەڭ باعالى شىعىس قالاسى“ دەپ اتاعان بۇل قالا ازيانىڭ، ٴتىپتى، دۇنيە ٴجۇزىنىڭ نازارىن اۋدارعان تۇيىنگە اينالدى.

حاڭجوۋ ازيا سپورت جارىسىنىڭ اشىلۋ سالتىندا حاڭجوۋدىڭ تاۋ - وزەندەرى جىرلانىپ، كورەرمەندەر مەن تىلشىلەرگە تەرەڭ اسەر قالدىردى. كۆەيت «الاۋ گازەتىنىڭ» ٴتىلشىسى حايات بىلاي دەدى: مەن «مەملەكەت كەلبەتى» اتتى ادەبيەت - كوركەمونەر كونسەرتىن ەرەكشە ۇناتتىم. ارتيستەر بايىرعى كيىمدەرىن كيىپ، بايىرعى كەمەدە وتىرعاندا، سول كورىنىستىڭ كوركەمدىگىن تىلمەن بەينەلەۋ قيىن ەدى.

حاڭجوۋ قالاسىنىڭ 37 جاستاعى تۇرعىنى ۋاڭ شين وتباسىنداعى 4 جانمەن بىرگە اشىلۋ سالتىن تاماشالادى. ول بىلاي دەدى: اشىلۋ سالتىنداعى ويىن نومىرلەرى كوركەم دە سالتاناتتى بولىپ، بايىرعى استانا حاڭجوۋدىڭ تاريحي استارى مەن جاستىق كوكتەمنىڭ ومىرشەڭدىك كۇشىن تولىق ايگىلەدى.

قازاقستاننان كەلگەن ٴتىلشى احمەتوۆ بىلاي دەپ باعا بەردى: اشىلۋ سالتىندا عىلىم ـ تەحنيكا اسەرى جەتكىلىكتى بولدى، بۇل حاڭجوۋدىڭ بولاشاقتىڭ قالاسى ەكەنىن تۇسىندىرەدى. حاڭجوۋ قالاسى كورىكتى، قالا تۇرعىندارى تاتۋ ـ ٴتاتتى ەكەن.

«جوڭكىلگەن چيانتاڭجياڭ» ساڭلاقتاردىڭ ٴداۋىر تولقىنىنىڭ الدىڭعى لەگىنە ۇمتىلعانىن بەينەلەپ، ازيا حالقىنىڭ ٴبىر نيەت، ٴبىر تىلەكتە بولىپ، قول ۇستاسا العا باسۋىمەن ۇندەستىك تاپتى. وزبەكستان 24 تەلەۆيزياسىنىڭ ٴتىلشىسى نوربەك نيازوۆ بىلاي دەدى: بۇل كاسىپتىك، ايبىندى، قيالعا باي اشىلۋ سالتى بولدى. ٴوز ەلىمنىڭ ساڭلاقتارىنا دەم بەرەمىن، سونداي - اق جۇڭگو ساڭلاقتارىنىڭ تابىستى بولۋىن تىلەيمىن.

ٴۇندىستان ٴتىلشىسى ديپانكەر بىلاي دەپ قارادى: حاڭجوۋ ازيا سپورت جارىسىنىڭ اشىلۋ سالتى ازيا مەن دۇنيە جۇزىنە عىلىم - تەحنيكا جانە ورتانى قورعاۋ تانىمىن جەتكىزدى.

9 - ايدىڭ 23 - كۇنى جۇڭحۋا حالىق رەسپۋبليكاسىنىڭ مەملەكەت تۋى الاڭعا كىردى. 

شينحۋا اگەنتتىگىنىڭ ٴتىلشىسى چىن ي - چىن فوتوسى

9 - ايدىڭ 23 - كۇنى جۇڭگو ۋاكىلدەر ۇيىرمەسىندەگى تۋ ۇستاۋشى چين حايياڭ (الدىڭعى جاق وڭدا)، ياڭ لي - ۋي (الدىڭعى جاق سولدا) اشىلۋ سالتىندا مايدانعا كىردى.       

شينحۋا اگەنتتىگىنىڭ ٴتىلشىسى دۋ يۇي فوتوسى

9 - ايدىڭ 23 - كۇنى جۇڭگو ۋاكىلدەر ۇيىرمەسى اشىلۋ سالتىندا الاڭعا كىردى.

شينحۋا اگەنتتىگىنىڭ ٴتىلشىسى دۋ يۇي فوتوسى

9 - ايدىڭ 23 - كۇنى حاڭجوۋ ازيا سپورت جارىسىنىڭ قۇت بەلگىسى ليانليان اشىلۋ سالتىندا سپورتشىلاردى قارسى الدى.

شينحۋا اگەنتتىگىنىڭ ٴتىلشىسى مىڭ يۇڭمين فوتوسى

9 - ايدىڭ 23 - كۇنى ارتيستەر اشىلۋ سالتىندا ونەر كورسەتۋدە. شينحۋا اگەنتتىگىنىڭ ٴتىلشىسى لي ي - بو فوتوسى

 9 - ايدىڭ 23 - كۇنى ارتيستەر اشىلۋ سالتىندا ويىن قويۋدا. شينحۋا اگەنتتىگىنىڭ ٴتىلشىسى ليۋ شۇي فوتوسى

9 - ايدىڭ 23 - كۇنى ارتيستەر اشىلۋ سالتىندا ونەر كورسەتتى.   شينحۋا اگەنتتىگىنىڭ ٴتىلشىسى حۋاڭ زۇڭجى فوتوسى

9 - ايدىڭ 23 - كۇنى تۇسىرىلگەن اشىلۋ سالتىنىڭ ناق مايدانى.   شينحۋا اگەنتتىگىنىڭ ٴتىلشىسى پان يۇيلۇڭ فوتوسى

9 - ايدىڭ 23 - كۇنى جۇڭحۋا حالىق رەسپۋبليكاسىنىڭ مەملەكەت تۋى مەن ازيا وليمپيادا القالار كەڭەسىنىڭ تۋى اشىلۋ سالتىندا جەلبىرەدى.      

شينحۋا اگەنتتىگىنىڭ ٴتىلشىسى گۇڭ بيڭ فوتوسى

 9 - ايدىڭ 23 - كۇنى ەڭ سوڭعى الاۋشى ۋاڭ شۇن مەن سيفرلى الاۋشى اشىلۋ سالتىندا نەگىزگى الاۋدى تۇتاندىردى.    

 شينحۋا اگەنتتىگىنىڭ ٴتىلشىسى جياڭ حان فوتوسى

9 - ايدىڭ 23 - كۇنى ارتيستەر اشىلۋ سالتىندا ونەر كورسەتتى.  شينحۋا اگەنتتىگىنىڭ ٴتىلشىسى جياڭ ۋىنياۋ فوتوسى

 9 - ايدىڭ 23 - كۇنى تۇسىرىلگەن حاڭجوۋ وليمپيادا دەنە تاربيە ورتالىعىنىڭ دەنە تاربيە الاڭى.

 شينحۋا اگەنتتىگىنىڭ ٴتىلشىسى چىن يەحۋا فوتوسى