شينجياڭ گازەتىنىڭ حابارى (ٴتىلشى رىن جياڭ). 10 - ايدىڭ 6 - كۇنى تۇستەن بۇرىن حاڭجوۋدىڭ فۋياڭىنداعى يىنحۋ دەنە تاربيە ورتالىعىندا جاڭبىر سەبەزگىلەپ تۇر، ٴالسىن - ٴالى سۋىق جەل سوعادى، حاڭجوۋ ازيا سپورت جارىسى ساداق اتۋ ٴتۇرى تەرىس يمەكتى ساداق ايەلدەر توپتىق جارىسى وسىنداي اۋا رايىندا وتكىزىلدى. جۇڭگو كومانداسى ىلگەرىندى - كەيىندى يران كومانداسىن، ۆيەتنام كومانداسىن جەڭگەننەن كەيىن شەشۋشى جارىسقا كىرىپ، ەڭ سوڭىندا 3: 5 ۇپايمەن كورەيا كومانداسىنان جەڭىلىپ، كۇمىس مەدال الدى.

جۇڭگو كومانداسى حاي ليگىن، لي جيامان، ان چيشۋاننان قۇرالعان، بۇلاردىڭ ىشىندە ”2000 - جىلداردىڭ“ تۇلەگى جاس شەبەر ان چيشۋان شينجياڭنان كەلگەن. ولاردىڭ شەشۋشى جارىستاعى ارىپتەسى كورەيا كومانداسىنىڭ ازيا سپورت جارىسىندا وسى تۇردە اعا جۇلدەگەر بولۋ مۇمكىندىگى ەڭ كۇشتى، كۇشى ەرەكشە مىعىم ەدى.

شەشۋشى جارىستا بەلدى ارىپتەسكە كەزدەسكەندە جۇڭگو كومانداسى تيتتەي دە جاسقانباي سابىرلىلىقپەن شايقاستى. 1 - كەزەكتە جۇڭگو كومانداسى 58 شەڭبەرمەن كورەيا كومانداسىمەن تەڭ ٴتۇستى؛ 2 - كەزەكتە كورەيا كومانداسى جەڭىپ، 2 ۇپاي الدى؛ 3 - كەزەكتە جۇڭگو كومانداسى 56 شەڭبەرمەن كورەيا كومانداسىنان ٴبىر شەڭبەر وزىپ، 2 ۇپاي الدى؛ 3 كەزەك وتكەننەن كەيىن ەكى كوماندا تەپە - تەڭ ٴتۇستى. شەشۋشى شايقاستىڭ 4 - كەزەگىندە جۇڭگو كومانداسى وكىنىشكە وراي 3 شەڭبەرمەن جەڭىلىپ، ەڭ سوڭىندا 3: 5 ۇپايمەن كورەيا كومانداسىنان جەڭىلدى.

ان چيشۋان جارىس العاش باستالعاندا تىم جاقسى بەينە بايقاتا المادى. سەرىكتەرىنىڭ جانە جاتتىقتىرۋشىنىڭ شابىتتاندىرۋىندا ول تالاي رەت 10 شەڭبەر اتىپ، سەرىكتەرى وعان قايتا - قايتا باس بارماقتارىن كورسەتتى.

”العاش باستالعاندا مەنىڭ بەينەم تىم ويداعىداي بولمادى، سوڭىنان دەر كەزىندە تۇزەتتىم، جاتتىقتىرۋشىنىڭ، سەرىكتەرىمنىڭ ماعان كومەكتەسكەندەرىنە العىس ايتامىن“، - دەدى ان چيشۋان جارىستان كەيىن، - ازيا سپورت جارىسىندا كۇمىس مەدالعا يە بولعانىما ەرەكشە تەبىرەندىم، ”ٴوز ەڭبەگىمنىڭ از دا بولسا قارىمجىسى قايتقانداي بولدى“.

ايتسەدە قازىر ٴالى دەمالاتىن كەز ەمەس. 11 - ايدا ان چيشۋان سەرىكتەرىمەن بىرگە ازيا جۇلدەلى جارىسىنا قاتىناسادى، بۇل دا پاريج وليمپيادا سپورت جارىسىنا قاتىناسۋ ورنىنا تالاسۋ جارىسى، ”سيلىق مىنبەسىنەن تۇسكەن ساتتە، ازيا سپورت جارىسىنىڭ كۇمىس مەدالى وتكەن شاق بولىپ قالا بەردى، ٴبىز ازيا جۇلدەلى جارىسىنا بۇكىل ىنتا - پەيىلىمىزبەن دايىندالىپ، پاريج وليمپيادا سپورت جارىسىنا قاتىناساتىن اناعۇرلىم كوپ ورىنعا قول جەتكىزۋگە قۇلشىنامىز“، - دەدى ان چيشۋان.