ٴتىلشىمىز ليۋ چۇنشيڭ حابارلايدى. 1 - ايدىڭ 4 - كۇنى جۇڭگو ەرەن دارەجەلى فۋتبول بىرلەسپە جارىسىنىڭ 2023 - جىلعى ەڭ ۇزدىكتەردى باعالاۋ ناتيجەسى جاريالاندى، شاحزات قوجاحىمەت ەڭ ۇزدىك جاس فۋتبولشى، مامەتجان احىمەت جۇڭگو ەرەن دارەجەلى فۋتبول بىرلەسپە جارىسىنىڭ كۇمىس مەدالدى تورەشىسى بولىپ باعالاندى.

شاحزات بيىل 17 جاستا، U17 مەملەكەتتىك جاستار قۇراماسىنىڭ فۋتبولشىسى، قۇلجا قالاسىنان كەلگەن، شىنجىن قالالىق فۋتبول كلوبىنىڭ 2006 - جىلدىق جاس قۇرالپىنداعىلار مۇشەسى، كوپ رەت جۇڭگو U16، U17 مەملەكەتتىك وسپىرىمدەر كومانداسىنا تالدانعان. 2023 - جىلى 4 - ايدىڭ 16 - كۇنى، 2023 - جىلدىق جارىس ماۋسىمى جۇڭگو ەرەن دارەجەلى فۋتبول بىرلەسپە جارىسىنىڭ تۇڭعىش كەزدەسۋىندە، شاحزات دۇركىن - دۇركىن شابۋىل جاساپ، شىنجىن كومانداسىنىڭ 1 گە قارسى 2 ۇپايمەن چيڭحاي حاينيۋ كومانداسىن جەڭۋىنە ۇلەس قوسقان. سول كەزدە 16 جاستان 283 كۇن اسقان شاحزات حۋاڭ بوۋىننىڭ (16 جاستان 317 كۇن اسقان) جۇڭگو ەرەن دارەجەلى فۋتبول بىرلەسپە جارىسىنداعى ەڭ جاس دوپ كىرگىزۋشى رەكوردىن بۇزعان. 

2023 - جىلعى جارىس ماۋسىمىندا جاپ - جاس شاحزات نەگىزگى اتويشى ورنىنان مىزعىماي، 4 رەت دوپ كىرگىزىپ، ٴبىر رەت دەمەۋشى بولىپ، كوپ رەت شالىمدى، ورنىقتى رولىن ساۋلەلەندىرىپ، جۇڭگو فۋتبول سالاسىنداعى كوزگە تۇسە باستاعان جاڭا شولپانعا اينالدى. 

سۋرەتتى شاحزات قامداعان