حابارىن جازىپ، سۋرەتتەردى تۇسىرگەن ٴتىلشى ليۋ چۇنشيڭ

 1 - ايدىڭ 27 - كۇنى تۇستەن بۇرىن ىلە وبلىسىنىڭ 2024 ـ جىلعى 8 ـ كەزەكتى جالپى حالىقتىق دەنە شىنىقتىرۋ اتىنداعى تاۋ شاڭعى جارىسى كۇنەس اۋدانى نارات حالىقارالىق قار شاڭعى الاڭىندا وتكىزىلدى. جارتى كۇندىك جارىستا، 44 شەبەر سيلىققا يە بولدى.

بۇل رەتكى جارىستى ىلە وبلىستىق دەنەتاربيە مەكەمەسى مەن كۇنەس اۋداندىق حالىق ۇكىمەتى ۇيىمداستىردى، كۇنەس اۋداندىق مادەنيەت، دەنەتاربيە، راديو ـ تەلەۆيزيا جانە ساياحات مەكەمەسى، كۇنەس اۋدانى نارات ۋانحىيۋان ەكولوگيالىق ساياحات شەكتى سەرىكتەستىگى ۇستىنە الىپ وتكىزدى.

قيان - كەسكى سايىس ارقىلى ەڭ سوڭىندا 8 گرۋپپادان 44 شەبەر سيلىققا يە بولدى. ”بۇگىن اعا جۇلدەگەر بولعانىما وتە قۋاندىم، بۇدان كەيىن وسىنداي شاڭعى جارىسىنا ۇنەمى قاتىناسىپ تۇرامىن“ دەدى بيىل 31 جاستاعى تاۋ شاڭعى شەبەرى، 1600 مەترلىك ۇلكەن اينالما جارىسى ەرلەر A گرۋپپاسىنىڭ اعا جۇلدەگەرى اسان ەركىن ۇلى.

وسى رەتكى جارىستا باسەكەگە تۇسكەن شەبەرلەر از بولمادى، ەرزات ٴابدىلقان ۇلى تاۋ شاڭعى تەبۋدىڭ 1600 مەترلىك ۇلكەن اينالما جارىسى ەرلەر A گرۋپپاسىندا 4 ـ بولدى، وسىدان بۇرىن ول شينجياڭ تاۋ شاڭعى كومانداسىنىڭ مۇشەسى بولاتىن. بيڭتۋان 4 ـ شىسى 65 ـ تۋانىنان كەلگەن جاڭ چيۋۋىن شينجياڭدا وتكىزىلگەن كوپتەگەن تاۋ شاڭعى جارىستارىندا 8 رەت اعا جۇلدەگەر بولعان، سونداي ـ اق شينجياڭ تاۋ شاڭعى كومانداسىنا تاڭدالعان، كەيىن جارالانعاندىقتان ولكەلىك كوماندادان شەگىنىپ شىققان. ول: ”دەنەمدەگى جاراقات پەن اۋرۋ دەنساۋلعىما ٴالى دە اسەر ەتىپ كەلەدى، بۇل رەتكى جارىستا شەكتەن تىس كۇش سالۋعا باتىلدىق ەتە المادىم، جۇلدەگەر بولعانىم دا جەتەدى“ دەدى.