جاپون تىلىنەن ەمتيحان بەرۋگە تىزىمدەلۋ تۇڭعىش رەت بايقالدى

 سۋرەتتە: ەمتيحان بەرگەن وقۋشىلار ەمتيحان مايدانىنان شىعۋدا.

    سۋرەتتى جاڭ چيڭحۋا تۇسىرگەن

  ٴتىلشىمىز جاۋ يان حابارلايدى.«10 جىل جاپالى تەر توگىپ، دارىنىن ايگىلەيتىن كەز كەلدى». 6 - ايدىڭ 7 - كۇنى قوعام حاۋىپسىزدىگى، وقۋ - اعارتۋ، دەنساۋلىق ساقتاۋ، سالاماتتىق كوميتەتى، ەلەكتر قۋاتى سياقتى تاراۋلاردىڭ بارىنشا سەلبەسۋىندە، وبلىسقا توتە قاراستى اۋدان - قالالاردان جانە بيڭتۋان 4 -، 7 - شىلارىنان 22 مىڭ 98 وقۋشى جوعارى مەكتەپ ەمتيحانىنا قاتىناستى. بيىل وبلىسقا توتە قاراستى 11 اۋدان - قالا مەن بيڭتۋان 4 - شىسىندا جالپى 12 ەمتيحان رايونى، 30 ەمتيحان ٴتۇيىنى، ٴبىر مىڭ 62 ەمتيحان مايدانى ورنالاستىرىلىپ، ٴتۇرلى قىزمەت ورنىقتى، ٴتارتىپتى جۇرگىزىلدى.

    بيىلعى جوعارى مەكتەپ ەمتيحانىنىڭ ۋاقىتى 6 - ايدىڭ 7 - كۇنىنەن 9 - كۇنىنە دەيىن، ەمتيحان الىناتىن ساباقتار ادەبيەت، ماتەماتيكا، قوعامدىق جالپى عىلىم / جاراتىلىستىق جالپى عىلىم، شەتەل ٴتىلى، سونداي - اق ەڭ سوڭعى جارىم كۇندەگى از ۇلت ادەبيەتى ەمتيحانى (ايىرىم ٴتۇر بويىنشا از ۇلت ادەبيەتىنەن ەمتيحان بەرەتىن وقۋشىلار مەن بۇرىنعى جىلدارداعىداي از ۇلت ٴتىلى تۇرىندە ەمتيحان بەرەتىن وقۋشىلارعا قاراتىلعان). شەتەل ٴتىلى ساباعىنان ەمتيحان بەرەتىن وقۋشىلار اعىلشىن ٴتىلى، ورىس ٴتىلى، جاپون ٴتىلى، نەمىس ٴتىلى، فرانسۋز ٴتىلى جانە يسپان ٴتىلى سياقتى 6 ٴتىلدىڭ ىشىنەن ٴبىر ٴتىلدى تاڭداپ ەمتيحانعا قاتىناسۋىنا بولادى، ٴار ٴتىلدىڭ ەمتيحانى تىڭداۋ قابىلەتى جانە جازباشا سياقتى ەكى بولىمنەن قۇرالادى. 2021 - جىلى ىلە وبلىسىندا 8 وقۋشى جوعارى مەكتەپ ەمتيحانىندا جاپون تىلىنەن ەمتيحان بەرۋگە تىزىمدەلدى، بۇل تۇڭعىش رەت بولىپ وتىر.

    سول كۇنى ساعات 7 دەن 45 مينۋت وتكەندە ەمتيحانعا قاتىناساتىن وقۋشىلار مەن ولاردىڭ اتا - انالارى ەمتيحان رايونى مەن مايدانىنا ەرتە كەلدى، وقىتۋشىلار وقۋشىلاردى قۇشاق جايا قارسى الىپ، ولارعا مەدەت بەردى، اتا - انالار دا قاقپا الدىندا پەرزەنتتەرىنىڭ ەمتيحاندى جاقسى تاپسىرىپ شىعۋىن تاعاتسىزدانا كۇتتى.

    ساعات 8 دەن 50 مينۋت وتكەندە اۆتونوميالى وبلىستىڭ ورىنباسار باستىعى جاڭ جۇي، اۆتونوميالى رايوندىق وقۋ - اعارتۋ مەڭگەرمەسىنىڭ 2 - دارەجەلى شارلاۋشىسى ۋاڭ ليلي باستاعان باسشىلار ىلە وبلىستىق مەملەكەت وقۋ - اعارتۋى ەمتيحانى، ەمتيحان ىستەرى قولباسشىلىق ورتالىعىنا بارىپ جوعارى مەكتەپ ەمتيحانىن ۇيىمداستىرۋ قىزمەتىنە تەكسەرىپ - زەرتتەۋ جۇرگىزدى ٴارى ناق مايداندا اۆتونوميالى وبلىستىڭ جوعارى مەكتەپ ەمتيحانى دايىندىق قىزمەتى، ەمتيحان تۇيىندەرىندەگى ىندەتتەن ساقتانۋ - تىزگىندەۋ قىزمەت جاعدايى جونىندەگى دوكلادتى تىڭدادى. بيىل وبلىستىق مەملەكەت وقۋ - اعارتۋى ەمتيحانى، ەمتيحان ىستەرى قولباسشىلىق ورتالىعى مەن مەملەكەت، اۆتونوميالى رايون، وبلىس، اۋدان، قالا، مەكتەپتەردىڭ قولباسشىلىق ورتالىقتارى 5 دارەجەلى توراپتاسۋدى جۇزەگە اسىردى، ەمتيحان ىستەرى ورتالىقتارى، ەمتيحان تۇيىندەرى مەن مايداندارى ۇلكەن ەكران ارقىلى تولىق كورسەتىلىپ وتىردى.

    ەمتيحان مايدانىن شارلاۋ گرۋپپالارى بەينە ەكران ارقىلى ٴبىر ٴبولىم ەمتيحان مايداندارىنداعى ناقتى جاعدايدى باقىلاپ وتىردى، ەمتيحان ىستەرى قىزمەتىنىڭ ۇيىمداستىرىلۋى پارمەندى، ەمتيحان تۇيىندەرىندە وقۋشىلاردىڭ ەمتيحان مايداندارىنا كىرۋى ٴتارتىپتى جۇرگىزىلدى. ىندەتتەن ساقتانۋ - تىزگىندەۋ تالابى بويىنشا، ەمتيحان بەرەتىن وقۋشىلار ەمتيحان مايدانىنا كىرۋدىڭ الدىنداعى، ەمتيحان بەرىپ بولىپ مايداننان شىققاننان كەيىنگى جالپى بارىستا ماسكا تاعۋى كەرەك. وبلىستىق وقۋ - اعارتۋ مەكەمەسىنىڭ ەمتيحان ورتالىعى «ىلە وبلىسىنىڭ ىندەتتەن ساقتانۋ - تىزگىندەۋ قىزمەتىن اتقارۋ جوباسىن» بەلگىلەپ، ەمتيحان تۇيىندەرىنە ىندەتتەن ساقتانۋ بويىنشا 30 ورىنباسار ەمتيحان باسقارۋشى سەپتەپ، ەمتيحان مايداندارىنا 117 اۋاشالاۋ ورنىن ورنالاستىرىپ، 73 دەنساۋلىق ساقتاۋ، اۋرۋدى تەجەۋ قىزمەتكەرىن ەمتيحان تۇيىندەرىنە تاڭداپ جىبەرىپ، ىندەتتەن ساقتانۋ قىزمەتىن كۇش سالا ويداعىداي ىستەپ، 4 مىڭ 177 ەمتيحان قىزمەتكەرىن ۇيىمداستىرىپ تولىق ۆاكسينا سالدىرىپ، ەمتيحان قىزمەتكەرلەرى مەن ەميتحان بەرەتىن وقۋشىلاردىڭ اقاۋسىزدىعىن تۇراقتاندىرۋدى %100 كە جەتكىزىپ، ادام، زات، ورتانىڭ ىندەتتەن ساقتانۋ تالابىنا جەتۋىن تولىق جۇزەگە اسىردى.

    مۇنان تىس، قاتىناس تاراۋى ەمتيحان تۇيىندەرىنىڭ ماڭايىنداعى الەۋمەتتىك اۆتوبۋز، كىرە كولىكتەرىنىڭ اينالىمىنا رەتتەۋ جۇرگىزدى، بازار باقىلاۋ - باسقارۋ تاراۋى ەمتيحان تۇيىندەرىندەگى مەكتەپ اسحاناسى، ەمتيحان بەرەتىن وقۋشىلار تاماقتاناتىن، جاتاتىن مەيمانحانالارعا باقىلاۋ - تەكسەرۋ ورىستەتتى، وقۋ - اعارتۋ تاراۋى ەمتيحان قاعازىنىڭ جەتكىزىلۋى، ونى ساقتاۋ سياقتى قۇپيالىق تارتىپتەرىن قاتاڭ تياناقتاندىرىپ، ەمتيحان قۇپيالىعىنىڭ اشكەرەلەنىپ كەتۋ جاعدايىنىڭ تۋىلماۋىنا كەپىلدىك ەتتى.

    وبلىستىق وقۋ - اعارتۋ ەمتيحانى ورتالىعى وقۋشى قابىلداۋ كەڭسەسىنىڭ مەڭگەرۋشىسى ما ۋيمين تانىستىرىپ بىلاي دەدى: «وبلىستىق وقۋ - اعارتۋ مەكەمەسى قازىنالىق قولداۋعا بەلسەنە قول جەتكىزىپ، كوكدالا قالاسىندا تىڭنان ەمتيحان رايونىن ورنالاستىرۋ جانە اۆتونوميالى وبلىستىڭ ەمتيحان ىستەرىنە قولباسشىلىق ەتۋ تەكشەسىن قۇرۋ، 7 اۋدان - قالانىڭ ولشەمدەنگەن ەمتيحان ٴتۇيىنى جۇيەسىنىڭ دارەجەسىن جوعارىلاتۋ، جاڭالاۋ، ٴتۇرلى جابدىقتاردىڭ اينالىمىنىڭ حاۋىپسىز دە ورنىقتى بولۋىنا كەپىلدىك ەتۋ مىندەتىن ورىندادى. ەميتحان كەزىندە وبلىستىق وقۋ - اعارتۋ ەمتيحانى ورتالىعى ارناۋلى قىزمەتكەردى قولباسشىلىق ورتالىعىندا ەمتيحان تۇيىندەرى مەن مايداندارىنا توراپتا شارلاپ تەكسەرۋ جۇرگىزۋگە ورنالاستىردى. ەمتيحان كەزىندە تۋىلۋ مۇمكىندىگى بار ەمتيحان جابدىقتارى كىناراتى، تارتىپكە قايشى قارالىق ىستەۋ، جۇقپالى اۋرۋدىڭ تارالۋى سياقتى توسىن ۋاقيعالار جونىندە ورنالاستىرۋ جاساپ، ويداعىداي تياناقتاندىرىپ، حاۋىپ - قاتەرلەر مەن كومەسكى حاۋىپتەن ساقتانۋ جانە ونى ٴبىر جاقتى ەتۋدى تىڭعىلىقتى ىستەپ، توسىن جاعدايدى شۇعىل ٴبىر جاقتى ەتۋدى مۇقيات ورنالاستىردى».