سۋرەتتە: سالىنۋ ۇستىندەگى ىلە وزەنى 5 - كوپىرى

    جاڭ چيڭحۋا فوتوسى

 تىلشىلەرىمىز لاي يۇينيڭ، جاڭ چيڭحۋا حابارلايدى. 6 - ايدىڭ 4 - كۇنى ىلە وزەنى 5 - كوپىرى نىسانى قۇرىلىسىنىڭ جۇمىس باسىندا كوتەرگىش كران، توپىراق قازۋ ماشيناسى سياقتى ٴىرى ماشينالار 50 نەشە جۇمىس ورنىندا ارلى - بەرلى قايشالىسىپ، قۇرىلىس ورنىندا قاربالاس جۇمىس ٴجۇرىلىپ جاتتى.

    قازىر اۆتونوميالى وبلىستىڭ ٴتۇيىندى حالىق تۇرمىسى ينجەنەرياسى سانالاتىن - ىلە وزەنى 5 - كوپىرىنىڭ ەكى نەگىزگى تۇعىرى، 1.5 كيلومەترلىك كوپىر باسى قۇرىلىسى، 184 كوپىر دىڭگەگىن ورناتۋ جۇمىسى قاربالاس ىستەلىپ، قازىرگە دەيىن تاعانىن ورناتۋ مىندەتى اياقتالىپ، كوتەرگى قۇرىلىسىن جۇرگىزۋگە بەرىك نەگىز قالانىپ، ىلە وزەنى 5 - كوپىرىنىڭ قۇرىلىمى جەر استى بولەگىنەن جەر بەتى بولەگىنە ٴوتتى. قۇرىلىسشىلار جۇمىس مەرزىمىن مىقتى يگەرىپ، حاۋىپسىزدىك، ساپا وتكەلىن مىقتى يگەرىپ، قۇرىلىس تۇيىندەرىن ناقتى دايەكتىلەندىرىپ، نازاردى نەگىزگى دىڭگەكتى ورناتۋ قۇرىلىسىنىڭ تەحنيكالىق قيىن ماسەلەلەرىن شەشۋگە شوعىرلاندىردى.

    جۇڭگو تەمىر جولى 5 - مەكەمەسىنىڭ مەملەكەت تاس جولى 218 - لەنياسىنىڭ قۇلجا قالاسى وڭىرىندەگى تاسجول ينجەنەرياسى 1 - نىسان ٴبولىمىنىڭ ۇنەمىلىك ىستەرگە جاۋاپتى ورىنباسار ديرەكتورى جاڭ چيڭلياڭ بىلاي دەدى: ىلە وزەنى 5 - كوپىرى مەملەكەت تاس جولى 218 - لەنياسىنىڭ قۇلجا قالاسى وڭىرىندەگى تاسجول نىسانىنىڭ نەگىزگى مەڭگەرىلەتىن ينجەنەرياسى رەتىندە، قۇرىلىس مەرزىمى تىعىز، مىندەتى اۋىر، قۇرىلىستى سالۋ قيىندىعى جوعارى، بيىل 3 - ايدا قايتا جۇمىس باستالعاننان بەرى، نىسان قۇرىلىسىنا جاۋاپتى ورىننىڭ مۇقيات ۇيىمداستىرۋىندا، تۇتاس كوپىردىڭ 262 دىڭگەگىن ورناتۋ قۇرىلىسى تولىق تامامدالدى. كەلەسى قادامدا، ىلە وزەنى 5 - كوپىرىنىڭ نەگىزگى كوپىرى قۇرىلىسىن سالۋدى ٴتۇيىندى تۇردە يگەرىپ، نەگىزگى كوپىر ٴتۇيىنىنىڭ مەجەلى ۋاقىتتا اياقتالۋىنا كەپىلدىك ەتەدى.

    بيىل ىلە وزەنى 5 - كوپىرى قۇرىلىسى جوسپار بويىنشا 600 ميلليون يۋان ٴونىم نارقىن ورىنداپ، نەگىزىنەن جول تاعانى، كوپىر وتكەلەگى، كوپىر ٴماتشاسىن ورناتۋ، سۋاعار جانە جول تەگىستەۋ ينجەنەريالارىن ورىنداپ، 2022 - جىلدىڭ سوڭىندا سالىنىپ بولىپ، اۆتوكولىك قاتىناۋ مەجەلەنۋدە، سول كەزدە ىلە وزەنىنە تاعى ٴبىر كورىنىستىك كوپىر قوسىلادى.

    ىلە وزەنى 5 - كوپىرى مەملەكەت تاس جولى 218 - لەنياسىنىڭ قۇلجا قالاسى وڭىرىندەگى تاس جول نىسانىنىڭ ٴتۇيىندى، قيىن ينجەنەرياسى، جالپى ۇزىندىعى ٴبىر مىڭ 761 مەتر، نەگىزگى كوپىر وتكەلەگى ايقاسا ورنالاستىرىلعان شىنجىرلى كوپىر بولىپ، ەكى جاعى الاسا دىڭگەكتى ۇلكەن قيعاش اسپالى كوپىر ەتىپ سالىنادى. بۇل كوپىر سالىنىپ بولعاننان كەيىن ىلە وزەنىنىڭ وڭتۇستىك جانە سولتۇستىك ەكى جاعاسىن تۇتاستىرىپ، جەرگىلىكتى ورىننىڭ قاتىناس تاسىمال اۋىرىتپالىعىن باسەڭدەتۋمەن بىرگە، قۇلجا قالاسىنىڭ، چاپچال اۋدانىنىڭ قالا قۇرىلىسنىڭ دامۋىنا كەڭىستىك اشىپ، جەرگىلىكتى ورىن ەكونوميكاسى مەن قوعامىنىڭ دامۋىن جەبەيدى.