سۋرەتتە: مال ايداۋدان كورىنىس.

    ۋاڭ ليلي فوتوسى

   6 ـ ايدىڭ 10 ـ كۇنى چاپچال سىبە اۆتونوميالى اۋدانى ۇلكەنبۋرا قالاشىعى سوپۇنبۇلاق قىستاعىنىڭ مالشىسى ارعىنبەك ارىبەك ۇلى ٴوزىنىڭ 350 تۇياق قويىن ۆانناعا سالۋعا دايىندالدى. 6 ـ ايدىڭ 11 ـ كۇنى ۆاننالانعان قويلار كۇزەۋلىككە ۋاقىتشا تىنىعادى، وسىدان سوڭ 15 كيلومەتر قاشىقتىقتاعى ۇلكەنبۋرا كوكساي جايلاۋىنا قاراي جولعا شىعادى.

    6 ـ ايدىڭ 10 ـ كۇنىنەن باستاپ چاپچال اۋدانىنداعى ٴبىر مىڭ 70 مالشى وتباسى مال تۇلىكتەرىن جايلاۋعا كوشىرە باستادى، بۇل رەتكى كوش ون نەشە كۇنگە جالعاسادى.

    چاپچال اۋداندىق ورمان جانە جايىلىم مەكەمەسى پارتگرۋپپاسىنىڭ مۇشەسى، مەكەمە باستىعى جارىلقاسىن تاۋبالدى ۇلىنىڭ ايتۋىنشا، بۇل اۋداننىڭ جايىلىمى 3 ميلليون 510 مىڭ مۋ، مۇندا جايلاۋ ٴبىر ميلليون 27 مىڭ 500 مۋ، مال سيىمدىلىعى 336 مىڭ باس (تۇياق) ەكەن، اۋدان ىشىندە اۋليە شوقى ساز جايلاۋى، سۋاسۋ جايلاۋى، ۇلكەنبۋرا كوكساي جايلاۋى، قوناقاي اڭگىرتى جايلاۋى سياقتىلار بار ەكەن. جايلاۋداعى مال باعۋ ۋاقىتى 9 ـ ايدىڭ سوڭىنا دەيىن جالعاسپاق.