باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
قورعاس ەكونوميكالىق اشۋ رايونىنىڭ قۇلجا باقشا رايونى ادەبيەت - كوركەمونەر ساۋىق كەشىن وتكىزدى
2021-07-05 12:20:59كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

 

 

 سۋرەتتە: ادەبيەت - كوركەمونەر ساۋىق كەشىنەن كورىنىس.

    جاڭ چيڭحۋا فوتوسى

   6 - ايدىڭ 25 - كۇنى قورعاس ەكونوميكالىق اشۋ رايونىنىڭ قۇلجا باقشا رايونى پارتيا قۇرىلعاندىعىنىڭ 100 جىلدىعىن قۇتتىقتاۋ، ماداقتاۋ - سيلاۋ ادەبيەت - كوركەمونەر ساۋىق كەشىن وتكىزدى. باقشا رايونىنداعى ٴبىر توپ ۇزدىك نەگىزگى ساتى پارتيا ۇيىمى، تاڭداۋلى پارتيا مۇشەسى جانە تاڭداۋلى پارتيا قىزمەتكەرى ماجىلىستە ماداقتالىپ - سيلاندى.

    قۇلجا باقشا رايونىنىڭ ورگان كادرلارى مەن باقشا رايونىنداعى 5 كاسىپورىننىڭ نەگىزگى ساتى پارتيا ۇيىمىنان ۇيىمداسقان 12 ۋاكىل اترەت بيمەن ٴان - ٴبي، دەكلاماتسيا، تەاتر سياقتى الۋان ٴتۇرلى كوركەمونەر نومىرلەرى ارقىلى پارتيانى، وتاندى سۇيەتىن جالىنداعان سۇيىسپەنشىلىگىن بەينەلەپ، باقشا رايونىنىڭ ىنتىماقتاسا سەلبەسەتىن، كوتەرىڭكى رۋحپەن اتويلاپ العا ۇمتىلاتىن وبرازى مەن ماڭگى پارتياعا ىلەسىپ، جاڭا ٴداۋىر قۇرۋ جونىندەگى وراسان زور سەنىمىن ايگىلەدى.

    «تاڭداۋلى پارتيا ىستەرى قىزمەتكەرى بولدىم ٴارى ماراپاتتالىپ - سيلاندىم، توتەنشە داڭق سانايمىن. بۇدان كەيىن قىزمەت بارىسىندا پارتيا مۇشەسىنىڭ اۆانگارد، ۇلگىلىك رولىن ۇزدىكسىز ساۋلەلەندىرىپ، ٴوز قىزمەتىمدى تياناق ەتىپ، كاسىپورىننىڭ دامۋى ٴۇشىن ۇلەس قوسامىن» دەدى ىلە تيانلۋ قالا اكىمشىلىگى قۇرىلىسى شەكتى جاۋاپكەرلىك سەرىكتىگىنىڭ پارتيا قۇرىلىسىنا جاۋاپتى كادرى ۋاڭ جيانپيڭ.

    قورعاس ەكونوميكالىق اشۋ رايونىنداعى ىلە باقشا رايونى ادام كۇشى بايلىعى جانە كاسىپتەنۋدى جەبەۋ مەكەمەسىنىڭ باستىعى چي فەي بىلاي دەدى: «جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى بايلانىسىمەن قۇلجا باقشا رايونىمىز <1 - شىلدە> ماداقتاپ - سيلاۋ ٴماجىلىسى مەن كوركەمونەر ساۋىق كەشىن وتكىزدى. نەگىزگى ماقساتىمىز − پارتيانىڭ تولاعاي تابىستارىن جىرلاپ، باقشا رايونىنداعى كادر - جۇمىسشىلاردىڭ رۋحاني بەت - بەينەسى مەن كاسىپورىننىڭ دامۋىن ايگىلەۋ. سونىمەن بىرگە، بارلىق كادرلار مەن كاسىپورىندى باقشا رايونىنىڭ جوعارى ساپالى دامۋى ٴۇشىن قۇلشىنا كۇرەس جاساۋعا شابىتتاندىرۋ».