باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
تاڭقۋراي قالاداعى شارۋالاردىڭ كىرىس كوزىنە اينالدى
2021-08-05 13:17:39     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

8-4.jpg

سۋرەتتە: نيعىمەت اتىزدا تاڭقۋراي تەرۋدە. لي يافىڭ فوتوسى


ٴتىلشىمىز لي يافىڭ حابارلايدى. 7 -ايدىڭ 28 - كۇنى ٴتىلشى  قۇلجا قالاسى كەبەكجۇزى اۋىلى كەبەكجۇزى قىستاعىنىڭ تۇرعىنى نيعىمەت مامەتتىڭ تاڭقۋراي اتىزىنا بارعاندا جەتىلگەن قارا تاڭقۋرايدىڭ سامسىپ تۇرعانىن، نيعىمەت وتباسىنداعىلارمەن بىرگە اتىزدا تاڭقۋراي تەرىپ ابىگەر بولىپ جاتقانىن، جۇزدەرىنەن مول ٴونىمنىڭ قۋانىشتى لەبىن بايقادى.

ۇعىسۋعا قاراعاندا، قارا تاڭقۋراي جەمىسى العاش پىسقان كەزدە قىزىل ٴتۇستى بولىپ سوڭىنان قارالتقىم بولىپ وزگەرەدى ەكەن، ٴپىشىنى بۇلدىرگەنگە ۇقسايتىندىقتان، ونىڭ ۇستىنە اعاش باسىندا وسەتىندىكتەن قارا تاڭقۋراي اتالعان. قارا تاڭقۋرايدى جاس كۇيىندە  تۇتىنۋدان سىرت، جەمىس شىرىنى، جەمىس توسابى ەتىپ مانەرلەۋگە دە بولادى.

نيعىمەت بۇرىن ٴداستۇرلى داقىل ەگۋمەن شۇعىلدانىپ كەلگەن بولاتىن. 3 جىلدىڭ الدىندا ونىڭ شىعىس سولتۇستىكتە وقيتىن نەمەرە ۇلى قارا تاڭقۋرايدىڭ شىعىس سولتۇستىكتەگى دامۋ بولاشاعى مەن بازارداعى ساتىلۋ ارناسىن تانىستىرادى، سودان ول قارا تاڭقۋرايدى ەنگىزىپ ەگىپ كورۋ ويىنا كەلەدى.

«مەن 25 مىڭ يۋان جۇمساپ، قارا تاڭقۋرايدى ەنگىزىپ، 3 جىل باپتادىم، بيىل جەمىس بەرۋ مەزگىلىنە ٴوتتى. 7 - ايدىڭ ورتا شەنىنەن قازىرگە دەيىن 400 كيلوگرام ساتىپ، 8 مىڭ يۋاننان ارتىق اقشا تاپتىم، سۇرانىستى قاناعاتتاندىرا الماي جاتىرمىن» قارا تاڭقۋرايدىڭ كىرىسى جونىندە ايالداعاندا 37 جاستاعى نيعىمەت قۋانىشىن جاسىرا المادى. ول: « وسىناۋ جىلداردا مەن ەگە ٴجۇرىپ ۇيرەندىم، بىلتىر جەمىس ٴتۇسىمى از بولدى، بيىل مۋ باسىندىق ٴتۇسىمى مىڭ كيلوگرامعا جەتتى» دەدى.

«تاڭقۋراي ەگۋ ارقىلى قىستاق تۇرعىندارىنىڭ كىرىسى ارتتى» دەدى كەبەكجۇزى اۋىلى ەكونوميكانى دامىتۋ ورتالىعىنىڭ كادرى جوۋ گۇييىڭ جۋىق جىلداردان بەرى بۇل اۋىل قىستاق تۇرعىندارىن ٴداستۇرلى ەگىمشىلىكپەن شۇعىلدانۋ كوزقاراسىن وزگەرتۋگە جۇمىلدىرىپ، قىستاق تۇرعىندارىنىڭ ەرەكشە ەكونوميكالىق داقىل ەگىپ دامۋىنا جەتەكشىلىك ەتىپ، جەردى بىرىكتىرىپ، شوعىرلى، ۇلاسپالى ەگىمشىلىكتى جولعا قويىپ، شيە، ليگور (جەمىس)، قارا تاڭقۋراي، بال قاۋىن سياقتى جوعارى ٴونىمدى اۋىل شارۋاشلىعىن دامىتىپ، ەكونوميكالىق ٴونىمدى جوعارىلاتتى.

«قالا بويىنشا 67 مىڭ 237 مۋ جەرگە ەرەكشە داقىل، ٴبىر مىڭ 658 مۋ جەرگە تۇرلىشە تاڭقۋراي ەگىلدى» دەدى قۇلجا قالالىق اۋىل شارۋاشىلىعى، اۋىل - قىستاق مەكەمەسى اۋىل شارۋاشىلىعى ٴبولىمىنىڭ كادرى لي شياۋلياڭ. جۋىق جىلداردان بەرى قۇلجا قالاسى شارۋالاردىڭ ٴداستۇرلى ەگىمشىلىكپەن شۇعىلدانۋ كوزقاراسىن وزگەرتۋىنە بەلسەنە جەتەكشىلىك ەتىپ، ەرەكشە ەگىمشىلىكتى دامىتىپ، ديقانداردىڭ بەلسەندىلىگىن قوزعادى. كەلەسى قادامدا، قۇلجا قالاسى اۋىل- قىستاقتى گۇلدەندىرىپ، ەرەكشە اۋىل شارۋاشىلىعىن كۇش سالا دامىتۋدى توڭىرەكتەي وتىرىپ، ساۋداگەر شاقىرىپ قارجى ەنگىزۋ تەبىنىن ارتتىرىپ، مانەرلەۋ كاسىپورىندارىن باۋراپ، كاسىپ تىزبەگىن كەڭەيتىپ، تاڭقۋراي كاسىبىن ەكونوميكانى ارتتىرۋدىڭ جاڭا ٴتۇيىنى ەتىپ جەتىلدىرىپ، كوپتەگەن شارۋالاردىڭ كىرىستى ارتتىرۋىنا قوزعاۋشىلىق ەتپەك.