الەۋمەتتىك اۋماق پراندىك پىسىرۋدى ۇيرەتتى، جۇمىستانۋعا قىزمەت وتەپ، جۇرت جۇرەگىن جىلىتتى

ىلە وزەنى جولى ٴمالى باسقارماسى بۇقاراعا ىقىلاستى قىزمەت وتەدى

سۋرەتتە: تۇرعىندار پراندىك جاساۋدى ۇيرەنۋدە.

حۋاڭ يان فوتوسى

ٴتىلشىمىز حۋاڭ يان حابارلايدى. 8 - ايدىڭ 10 - كۇنى ىلە وزەنى جولى ٴمالى باسقارماسى ۇيىمداستىرعان جۇڭگوشا پراندىك پىسىرۋ كۋرسى 9 - رايون الەۋمەتتىك اۋماعىنىڭ پارتيا مەن بۇقاراعا قىزمەت وتەۋ ورتالىعىندا اشىلدى. 

قيمىلعا مول تاجىريبەلى پراندىك پىسىراتىن ۇستازدار ۇسىنىس ەتىلىپ، الەۋمەتتىك اۋماق تۇرعىندارىنا ساباق ٴوتتى. ساباقحانادا پراندىك پىسىرۋشى ۇستاز تۇرعىندارعا  ٴتۇرلى جۇڭگوشا پراندىك پىسىرۋدىڭ جۇمىس باسقىشتارىن مۇقياتتىلىقپەن ۇيرەتىپ، كوپشىلىك گرۋپپاعا ٴبولىنىپ امالياتتىق جۇمىس بارىسىن ورىندادى. ۇستازدىڭ جەتەكشىلىگىندە تۇرعىندار دايىنداعان پراندىكتەر لەزدە دايىن بولدى. 

الەۋمەتتىك اۋماق تۇرعىنى كاۋسار اسقارجان «پارتيانىڭ ساياساتى جاقسى، ٴبىز ٴۇي ماڭىندا اقىسىز ونەر ۇيرەندىك، بار زەيىنىمىزبەن ۇيرەنسەك، ٴسوزسىز، تابىسقا جەتەتىنىمىزگە سەنىمدىمىز. بۇل تاربيەلەۋ ورايىن قاستەرلەپ، ونەردى ويداعىداي يگەرسەم وتباسىمداعىلارعا ٴدامدى تاعام ازىرلەۋىمە، ونەرىم ارقىلى كۋالىك الىپ، جۇمىستانۋىما، تاعى سىرتقا شىعىپ جۇمىس ىستەپ اقشا تابۋىما زور مۇمكىندىك بولادى» دەدى. 

بۇل رەتكى كۋرس ۋاقىتى 45 كۇن، جالپى 29 تۇرعىن قاتىناستى. الەۋمەتتىك اۋماق تۇرعىندارى كۋرس بارىسىندا تۇرمىس شەبەرلىكتەرىن ۇيرەنىپ، ٴوزارا تۇسىنىكتەرى ارتىپ، كوڭىلدەرى جايلانىپ، قۋانىشقا بولەندى. 

ىلە وزەنى جولى ٴمالى باسقارماسىنىڭ «بۇقارا ٴۇشىن ناقتى ٴىس ىستەيمىن» امالياتتىق قيمىلى ورىستەتىلگەننەن بەرى قىزمەت امالياتىن تياناق ەتىپ، قىزمەت تانىمىندا ۇزدىكسىز جاڭالىق اشىپ، جۇمىستانۋ ارناسىن كەڭەيتىپ، پارتيا تاريحىن ۇيرەنۋ تاربيەسىن ۇزدىكسىز تەرەڭدەتۋدى، ناقتىلاندىرۋدى ىلگەرىلەتىپ، حالىق بۇقاراسىنىڭ الاڭداعان، قينالعان، ۋايىمداعان، كوكسەگەن ماسەلەلەرىن كۇش سالا شەشتى. 

ىلە وزەنى ٴمالى باسقارماسى ەڭبەكپەن قامتاماسىزداندىرۋ ورنىنىڭ باستىعى تيان حۇڭيۇي: «شەبەرلىككە باۋلۋ كۋرسى بۇقارانىڭ جۇمىستانۋ ارناسىن كەڭەيتتى. كەلەسى قادامدا قاراستىلىعىمىزداعى بۇقارانىڭ جۇمىستانۋ قاجەتىن ۇزدىكسىز ۇعىسىپ، جۇمىستانۋ تەكشەسىن بەلسەنە قۇرىپ، تاربيەلەۋ ارقىلى جۇمىستاندىرۋدى جەبەۋ پرينسيبىنە تاباندى بولىپ، قاراستىلىعىمىزداعى تۇرعىنداردى شەبەرلىككە باۋلۋ ارقىلى ولاردىڭ جۇمىستانۋ قابىلەتىن كۇشەيتەمىز» دەدى.