ىلەدەگى 3D ەرەن كۇرىش اتىزى سۋرەتىنە بيىكتەن كوز سالعاندا
حابارىن جازىپ، سۋرەتىن تۇسىرگەن ٴتىلشىمىز ليۋ چۇنشيڭ
كەيدە ماڭايىڭىزداعى كوركەم كورىنىستىڭ ساۋلەتتى كورىنە بەرمەيتىنى، كورۋ تۇرعىڭىزدىڭ جالاڭدىعىنان بولسا كەرەك. باسقا تۇرعىدان كوز سالساڭىز كۇندە كورىپ جۇرگەن جەرىڭىز دە وزگەشە كورىنەدى. ٴتۇرلى كورىنىستەردى كەڭىستىكتەن سۋرەتكە ٴتۇسىرۋ سىزگە تۇرلىشە تۇيسىك جانە ٴلاززات باعىشتايدى. ٴتىلشى كەڭىستىكتەن سۋرەتكە ٴتۇسىرۋ تۇرعىسىنان ىلەدەگى 3D ەرەن كۇرىش اتىزى سۋرەتىنىڭ حيكىمەتىن كورسەتتى.
ىلە كۇرىش اتىزى سۋرەت بازاسى (كورىنىس رايونى) نەگىزىنەن چاپچال سىبە اۆتونوميالى اۋدانىنا ورنالاسقان بولىپ، شينجياڭ جوۋيىڭ ينفورماتسيا عىلىم - تەحنيكا شەكتى جاۋاپكەرلىك سەرىكتىگى قارجى قوسىپ، ىسكە قوسقان جەتىسۇمىن اۋىلى جەتىسۇمىن قىستاعىنداعى كۇرىش اتىزى سۋرەتى كورىنىس رايونىن، شينجياڭ نۇڭفىڭ اۋىل شارۋاشىلىعىن كوركەيتۋ توبى شەكتى جارنا سەرىكتىگى قارجى قوسىپ، ىسكە قوسقان بەسسۇمىن قالاشىعى شولپان قىستاعىنداعى شينجياڭ اۋىل شارۋاشىلىعىن زەرتتەۋ اكادەمياسى چاپچال كۇرىش ەگۋ سىناق پۋنكتىن، سونداي -اق بيڭتۋان 4 -ديۆيزياسى 68 - تۋانىنداعى چاڭفىڭ كۇرىش مادەنيەت كورمەسى كورىنىس رايونىن قامتيدى. ىلەدەگى كۇرىش اتىزى سۋرەتى ەڭ العاش 2015 - جىلى جەتىسۇمىن قىستاعىنداعى «جاسىل ارمان ۇشقىنى» كۇرىش اتىزى سۋرەتى كاسىپ سالاسىنان ۇلگى كورسەتۋ بازاسىندا جارىققا شىققان، كەيىن مۇنىڭ اتى رۋ - ي كۇرىش اتىزى سۋرەت كورىنىس رايونى دەپ وزگەرتىلگەن.
قازىر رۋ - ي كۇرىش اتىزى سۋرەت كورىنىس رايونىندا 30 يۋان ەسىك بەلەتى الىنادى دا، باسقا ەكى ورىندى اقىسىز ەكسكۋرسيالاي الاسىز.
بيىل 3 ورىنداعى كۇرىش اتىزى سۋرەت بازاسىنا (كورىنىس رايونى) «پارتيا قۇرىلعاندىعىنىڭ 100 جىلدىعىن قۇتتىقتاۋ» اتىنداعى نەگىزگى تاقىرىپتىق تۋىندىلار تۇسىرىلۋمەن بىرگە، اۋىل - قىستاقتى گۇلدەندىرۋ سياقتى كەلەلى تاقىرىپتارعا دا ٴمان بەرىلگەن. بۇدان سىرت، تاعى دا تاريحي وقيعا، كينو - تەلەۆيزيا كەيىپكەرلەرى، قاتىناس - تاسىمال قۇرالدارى سياقتى ارناۋلى تاقىرىپتىق تۋىندىلار دا تۇسىرىلگەن. ماسەلەن، «پارتيا قۇرىلعاندىعىنىڭ 100 جىلدىعىن قۇتتىقتاۋ»، «ۇلتتى كوركەيتەمىز دەسەك، اۋىل - قىستاقتى گۇلدەندىرۋىمىز كەرەك»، «سىبە ۇلتىنىڭ باتىسقا كوشۋى»، «<ٴۇش وگىز> رۋحى»، «كوركەيۋ اتتى پويەز»، «نوجا»، «عاشىقتار مەرەكەسى»، «پەريزات»، «موناليزا» سياقتىلار.
«نوجا» جانە «پەريزات»
عاشىقتار مەرەكەسى