الەۋمەتتىك اۋماق ٴونىمدى قىزمەت وتەدى، تۇرعىندار كوڭىل اشۋ ورنىنىڭ يگىلىگىن كوردى
«التىشۋار الەۋمەتتىك اۋماعىندا تۇرمىس كەشىرگەنىمدى باقىت سەزىنەمىن»
سۋرەتتە: ويىن نومىرلەرىنە دايىندالىپ جاتقان مادەنيەت - كوركەمونەر اۋەسكەرلەرى. حان شاشا فوتوسى
ٴتىلشىمىز حان شاشا حابارلايدى. پارتيا تاريحىن ۇيرەنۋ تاربيەسى ورىستەتىلگەلى بەرى قۇلجا قالاسى ازاتتىق جولى ٴمالى باسقارماسى التىشۋار الەۋمەتتىك اۋماعى حالىقتى وزەك ەتۋ قىزمەت ۇستانىمىنا ساي، پارتيا قۇرىلىسى ارقىلى الەۋمەتتىك اۋماق قۇرىلىسىنا جەتەكشىلىك ەتۋگە تاباندى بولىپ، تۇرعىندارعا ٴتىپتى دە ساپالى، اناعۇرلىم قولايلى الەۋمەتتىك قىزمەت وتەپ، قاراستى رايونداعى تۇرعىنداردىڭ باقىت سەزىمىن جوعارىلاتتى.
9 - ايدىڭ 1 - كۇنى التىشۋار الەۋمەتتىك اۋماعىنىڭ ٴبي بولمەسىندە مادەنيەت - كوركەمونەر اترەتىندەگى اۋەسكەرلەر اسەم مۋزىكامەن بۇرالا بيگە باسىپ، ايەلدەردىڭ اسەمدىگى مەن كەلبەتىن ايگىلەدى.
«الەۋمەتتىك اۋماق بىزگە وسىنشاما جاقسى ورتا ازىرلەپ بەردى، سىرتتا بوران سوعىپ، جاۋىن - شاشىن بولسادا ٴار كۇنى وسىندا كەلىپ ەكى ساعات ٴبي بيلەيمىز، ٴبىز ٴار سالا، ٴار كاسىپتەن قۇرالساق تا ٴارى كوبىمىزدىڭ ٴبي بيلەۋ نەگىزىمىز بولماسا دا، ٴبيدى وتە ۇناتىپ قالدىق. ٴبي ٴبىزدىڭ كاسىپتەن سىرتقى مادەني تۇرمىسىمىزدى بايىتتى، دەنە شىنىقتىرىپ، جەڭىلدەپ قالدىق» دەدى الەۋمەتتىك اۋماق تۇرعىنى جوۋ شياۋمين.
ۇعىسۋعا قاراعاندا، التىشۋار الەۋمەتتىك اۋماعى التىشۋار كوشەسىنىڭ ەرەكشەلىگىنە بىرلەستىرە وتىرىپ، جەرگىلىكتى ورىنداعى مادەنيەت شەبەرلەرىنەن، جەرگىلىكتى ورىن كوركەمونەرشىلەرىنەن ۇيىمداسقان ۇلتتار ىنتىماعى گارمون ۇيىرمەسى، جينچيۋ حور ۇيىرمەسى، جۇنمەي ٴبي ۇيىرمەسى سياقتى كاسىپتەن سىرتقى 13 مادەنيەت - كوركەمونەرشىلەر ۇيىرمەسىن قۇرىپ، ٴان - ٴبي، مۋزىكا، كۇلدىرگى، كومەديا سياقتى فورمالارمەن التىشۋاردىڭ سەيىل - سەرۋەن مۋزىكا ورنىندا باي مازمۇندى بۇقارالىق مادەنيەت - كوركەمونەر اۋىس - كۇيىسى قيمىلىن ورىستەتۋدى ۇدايىلاندىردى. الەۋمەتتىك اۋماقتا ٴىرى قيمىلدار وتكىزىلگەندە ادەبيەت - كوركەمونەر ۇيىرمەسىنىڭ مۇشەلەرى ىرىقتىلىقپەن قيمىلعا قاتىناسىپ، «كۇن سايىن كوڭىل اشاتىن، اپتا سايىن مەرەكە وتكىزەتىن، اي سايىن قيمىل ورنالاستىراتىن، جىل سايىن جاڭالىق اشاتىن» بۇقارالىق مادەنيەت قيمىلى جۇيەسىن قالىپتاستىردى.
التىشۋار كوشەسىندە ورتا تازالىعى قىزمەتكەرلەرى وزىنە قاراستى جول بولەكتەرىندەگى، جاسىلداندىرۋ اۋماعىنداعى قوقسىق، ارام شوپتەردى دەر كەزىندە تازالاپ، ٴبىر جاقتى ەتىپ وتىرادى.
«قاي كەزدە بولسىن الەۋمەتتىك اۋماق ٴوڭىرى ايناداي تازا بولىپ تۇرادى، التىشۋار الەۋمەتتىك اۋماعىنىڭ تۇرعىنى بولعانىمدى باقىتتى سەزىنەمىن» دەدى الەۋمەتتىك اۋماقتىڭ تازالىق جاعدايىن تىلگە العان وسى الەۋمەتتىك اۋماقتىڭ تۇرعىنى شى يىڭجيە.
«بىزدە 41 ورتا تازالىعى قىزمەتكەرى بار، ولار التىشۋار الەۋمەتتىك اۋماعىنداعى 6 نەگىزگى كوشەنىڭ، 38 جان كوشەنىڭ تازالىق قىزمەتىنە جاۋاپتى، ولار تۇرعىندارعا تازا تۇرمىس ورتاسىن جاراتتى» دەدى التىشۋار الەۋمەتتىك اۋماعى ورتا تازالىعى اترەتىنىڭ باستىعى حاليدا اباباكىرى.
التىشۋار الەۋمەتتىك اۋماعى پارتيا ياچەيكاسىنىڭ شۋجيى يۇي يانچين بىلاي دەدى: «ٴبىز پارتيا قۇرىلىسى ارقىلى جەتەكشىلىك ەتۋگە تاباندى بولىپ، حالىق تۇرمىسىمەن تىعىز جاناسىپ، تولىق قىزمەت وتەپ، تىنىشتىقتان شاشاۋ شىعارماي، ۇلتتارى ىنتىماقتى، جاراسىمدى ٴارى قونىستانۋعا قولايلى، ەكونوميكاسى گۇلدەنگەن رايون قۇرىپ، قاراستى رايونداعى تۇرعىنداردىڭ تابىس سەزىمى مەن ريزا بولۋ دارەجەسىن جوعارىلاتامىز.