تۇڭعىش حالىقتىق اۆياتسيا جولاۋشىلار ۇشاعى قاتىنادى 

موڭعۇلكۇرە تۇلپار اۋەجايىنا سىناق رەتىندە ۇشاق ۇشىرۋ ٴساتتى بولدى

سۋرەتتە： موڭعۇلكۇرە تۇلپار اۋەجايىنا تۇڭعىش حالىقتىق اۆياتسيا جولاۋشىلار ۇشاعى قونۋدا. 

لي يافىڭ فوتوسى

ٴتىلشىمىز لي يافىڭ موڭعۇلكۇرەدەن حابارلايدى. 9 - ايدىڭ 24 - كۇنى موڭعۇلكۇرە تۇلپار اۋەجايىنا ۇشاق ۇشىرۋدى تەكسەرۋ سىناعى اياقتاعاننان كەيىن، ٴتارتىپ بويىنشا ناق مايداندا سىناق رەتىندە ۇشىرۋ قىزمەتىنىڭ تابىستى بولعانى دالەلدەنىپ، اۆياتسيالىق تاسىمالدا تاعى ٴبىر ارشىندى قادام تاستالدى، مۇنىمەن موڭعۇلكۇرە «اۋە پورتى» ٴداۋىرىن قارسى الاتىن بولدى. 

وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى تاۋ چيڭسۇڭ جانە حالىقتىق اۆياتسيا شينجياڭ باسقارۋ مەكەمەسى، حالىقتىق اۆياتسيا شينجياڭ اۋە قاتىناسىن باسقارۋ مەكەمەسى، حالىقتىق اۆياتسيا ٴۇرىمجى باقىلاۋ - باسقارۋ مەكەمەسى، شينجياڭ اۋەجايى (توبى) سەرىكتەستىگى سياقتى ورىنداردىڭ قاتىستى باسشىلارى سىناق رەتىندە ۇشىرۋ سالتىنا قاتىناستى.

سول كۇنى ساعات 10 نان 10 مينۋت وتكەندە وڭتۇستىك اۆياتسيا سەرىكتەستىگىنىڭ بوين 800 - 737 تۇرپاتتى ۇشاعى ٴۇرىمجى دي - ۋوپۋ حالىقارالىق اۋەجايىنان ۇشتى. ساعات 11 دەن 15 مينۋت وتكەندە موڭعۇلكۇرە تۇلپار اۋەجايىنىڭ قولباسشىلىق مۇناراسى مىنبەسىنەن بەرىلگەن قونۋ بۇيرىعىنا ساي، ۇشاق اۋەجايدىڭ سىرعىما جولىنا ورنىقتى قوندى، وسىلايشا موڭعۇلكۇرە تۇلپار اۋەجايى حالىقتىق اۆياتسيا جولاۋشىلار ۇشاعىنىڭ تۇڭعىش ۇشىپ - قونۋىن قارسى الدى. 

قىسقا عانا دەمالىستان سوڭ، ساعات 12 دەن 30 مينۋت وتكەندە، ۇشاق موڭعۇلكۇرە تۇلپار اۋەجايىنىڭ سىرعىما جولىندا قارقىنىن ۇزدىكسىز جىلدامداتىپ اسپانعا كوتەرىلدى. ەكى جارىم ساعاتقا جۋىق سىناق رەتىندە ۇشۋ ارقىلى سىناق رەتىندە ۇشاتىن ۇشاق گرۋپپاسىنداعىلار تالاپ بويىنشا اۋەجايدىڭ سىناق رەتىندە ۇشۋداعى بارلىق ٴتارتىبىن تولىق ورىنداپ، ۇشاق اۋەجايدىڭ سىرعىما جولىنا ورنىقتى قوندى، بۇل موڭعۇلكۇرە تۇلپار اۋەجايىنداعى ۇشۋ ٴتارتىبى بويىنشا سىناق رەتىندە ۇشۋدىڭ تابىستى بولعانىن تۇسىندىرەدى.

ۇشاقتى «جۋۋ وتكەلىنەن» وتكىزىپ شاڭ - توزاڭىن كەتىرگەننەن  كەيىن، ۇشاق توقتاۋ ورنىنا باياۋ كەلىپ توقتادى. وبلىستىڭ، اۋداننىڭ باسشىلارى جانە اۋەجايداعى قاتىستى قىزمەتكەرلەر، سىناق رەتىندە ۇشۋعا قاتىناسقان ۇشاق قىزمەتكەرلەرىن قارسى الىپ، ولارعا گۇل شوقتارىن ۇسىندى، موڭعۇلكۇرە اۋداندىق ٴان - ٴبي ۇيىرمەسىنىڭ ارتيستەرى تەبىرەنىستى كوڭىل كۇيلەرىن ٴان - بيمەن بەينەلەدى. سىناق رەتىندە ۇشۋدى ەندى عانا ورىنداعان ۇشاق باستىعى يىن ۋي بىلاي دەدى: «بۇل رەتكى سىناق رەتىندە ۇشۋ بارىسىندا ۇشاقتاردىڭ اۋەجايعا جاقىنداۋ جانە كەلۋ - كەتۋ تارتىپتەرى تۇگەلدەي تەكسەرىلىپ، بۇدان كەيىنگى قالىپتى جۇمىس جۇرگىزۋگە كەپىلدىك ەتىلدى». 

ۇعىسۋعا قاراعاندا، جاڭادان سالىنعان اۋەجاي، ٴسوزسىز،  ۇشۋدى تەكسەرۋ، ٴتارتىپ بويىنشا ناق مايداندا سىناق رەتىندە ۇشۋ، كاسىپتىك تەكسەرىپ وتكىزىپ الۋ سياقتى تارتىپتەردەن وتكەننەن كەيىن عانا اۋەجايدى پايدالانۋ رۇحسات كۋالىگىن الۋعا بولادى ەكەن. 9 - ايدىڭ 6 - كۇنىنەن 10 - كۇنىنە دەيىن، موڭعۇلكۇرە تۇلپار اۋەجايىندا ۇشاقتىڭ ۇشۋىن تەكسەرۋ جۇمىسى جۇرگىزىلىپ، اۋەجاي سالىنىپ بولىپ، ۇشاق ۇشۋدىڭ تىڭ كەزەڭىنە قادام تاستادى. وسى رەتكى ٴتارتىپ بويىنشا ناق مايداندا سىناق رەتىندە ۇشۋ مەن ۇشۋدى تەكسەرۋ سىناعىنىڭ وزگەشەلىگى حالىقتىق اۆياتسيانىڭ ٴىرى تۇرپاتتى جولاۋشىلار ۇشاعى، اۋەجايدان ۇشۋ ٴتارتىبى، حابارلاسۋ، جول نۇسقاۋ جابدىقتارى، سىرعىما جول جانە ۇشاق توقتاتۋ الاڭى سياقتى جاقتارداعى قامتاماسىزداندىرۋ قۋاتىن تەكسەرىپ، دالەلدەپ، اۋەجايدىڭ ۇشۋ ٴتارتىبىنىڭ ٴساتتى بەكىتىلۋىنە جانە قاتىستى سالالاردىڭ تەكسەرىپ وتكىزىپ الۋىنىڭ ٴساتتى ورىندالۋىنا كەپىلدىك ەتۋ بولىپ تابىلادى. 

موڭعۇلكۇرە اۋداندىق پارتكومنىڭ شۋجيى حوۋ تاۋ ارناۋ سوزىندە بىلاي دەدى: «تۇڭعىش رەت ناق مايداندا سىناق رەتىندە ۇشۋدى تەكسەرۋ كەزەڭدىك مانگە يە. اۋەجاي سالىنىپ، ىسكە قوسىلعاننان كەيىن، موڭعۇلكۇرەدە جوعارى دەڭگەيلى سىرتقا ەسىك اشۋدىڭ اۋە كوپىرى سالىنىپ، موڭعۇلكۇرەنىڭ گۇلدەنۋى مەن دامۋىنا «قانات» بىتىرەدى. كەلەسى قادامدا موڭعۇلكۇرە اۋەجاي اينالىمىن باسقارۋدى بار كۇشپەن قولداپ، قىزمەت وتەۋدى قامتاماسىز ەتۋدى جان - جاقتى ويداعىداي ىستەپ، «ٴبىر بەلدەۋ، ٴبىر جول» جانە ىلە وبلىسىنىڭ «ٴبىر ساعاتتىق جۇمىس شەڭبەرىمەن» بەلسەنە توعىسىپ، «اۋە پورتى+» دامۋ ستراتەگياسىن جۇزەگە اسىرىپ، اۋە كەڭىستىگى كاسىبىنىڭ شوعىرلى دامۋىن جەبەپ، ىلەنىڭ ەكونوميكالىق، قوعامدىق دامۋىنا تىڭ، اناعۇرلىم زور ۇلەس قوسادى».