ىلە گازەتى مەكەمەسى:

توڭكەرىستىك اعا بۋىن قۇربانداردى ەسكە الىپ، قىزىل گەندى جالعاستىردى

 سۋرەتتە: ىلە گازەتى مەكەمەسىنىڭ پارتيالى كادرلارى ەكسكۋرسيالاۋدا.

 لي يافىڭ فوتوسى

 ٴتىلشىمىز لي يافىڭ حابارلايدى. 4 - ايدىڭ 2 - كۇنى چيڭميڭ كەلۋ قارساڭىندا ىلە گازەتى مەكەمەسى پارتيالى كادرلاردى ۇيىمداستىرىپ، قورعاس اۋدانى كۇرە قۇرباندار قابىرىستاندىعىنا بارىپ، «اعا بۋىن قۇربانداردى ەسكە الۋ، پارتياعا العىس ايتۋ، قاھارماندارعا ازا ٴبىلدىرۋ» نەگىزگى تاقىرىبىنداعى پارتيا كۇنى قيمىلىن وتكىزدى.

 قيمىلدا پارتيالى كادرلار ىلگەرىندى - كەيىن توڭكەرىستىك قۇرباندار ەسكەرتكىشى، گەنەرال سامالدىعى، ەسكەرتكىش سارايى سياقتىلاردى ارالاپ كوردى. مول تاريحي سۋرەتتەر، قۇندى توڭكەرىستىك مادەني مۇرالار توڭكەرىستىك اعا بۋىن قۇربانداردىڭ ەرلىكپەن قاجىماي - تالماي كۇرەس جاساۋ بارىسىن ايگىلەگەن. ٴتۇسىندىرۋشى قۇربانداردىڭ ەسەلى ەڭبەكتەرىن تانىستىرىپ، كوپشىلىككە كوممۋنيستەردىڭ تەڭدەسسىز بەرىك سەنىمى مەن ەرجۇرەك توڭكەرىستىك رۋحىن تەرەڭ سەزىندىرىپ، كوپشىلىكتىڭ پارتيانى، وتاندى ٴسۇيىپ، كاسىپتى قادىرلەۋ ىنتاسىن اناعۇرلىم تاسقىنداتتى.

 ەسكەرتكىش الدىندا پارتيالى كادرلار ٴۇنسىز ازا ٴبىلدىردى ٴارى توڭكەرىستىك اعا بۋىن قۇرباندارعا گۇل شەربەك قويدى. نارت قىزىل پارتيا تۋى الدىندا پارتيالى كادرلار بايسالدى تۇردە وڭ قولدارىن كوتەرىپ، جۇدىرىعىن ٴتۇيىپ، پارتياعا كىرۋ سەرتىن قايتادان بەردى، پارتياعا جاڭادان قابىلدانعان پارتيا مۇشەلەرىنىڭ ۋاكىلى ٴوز اسەرىن سويلەدى،  ىلە گازەتى مەكەمەسىنىڭ نەگىزگى باسشىسى قورىتىندى ٴسوزىن سويلەدى. كوپشىلىك ٴبىر اۋىزدان: مۇرات - سەنىمدى بەكەمدەپ، قىزىل گەندى جالعاستىرىپ، توڭكەرىستىك رۋح ارقىلى اۋەلگى ماقسات پەن بورىشتى نارلەندىرىپ، ەكپىندەي ىلگەرىلەۋ كۇشىن ارتتىرىپ، ٴتۇرلى قىزمەتتەرگە بار كۇشپەن كىرىسەتىندىكتەرىن ٴبىلدىردى.

 ىلە گازەتى مەكەمەسى پارتيا كوميتەتىنىڭ ورىنباسار شۋجيى، ورىنباسار باس رەداكتورى لي گىڭيۇن بىلاي دەدى: توڭكەرىستىك اعا بۋىن قۇرباندارعا ازا بىلدىرۋدە قۇربانداردى قاستەرلەپ، قۇربانداردىڭ توڭكەرىستىك رۋحىنان ۇيرەنىپ، پارتيا قۇرۋ ۇلى رۋحىن اسقاقتاتىپ، قىزىل گەندى جالعاستىرىپ، قىزىل بيلىكتى ۇرپاقتان ۇرپاققا جالعاستىرۋ كەرەك. اقپارات قىزمەتكەرلەرى «ەكىنى تۇراقتاندىرۋدىڭ» شەشۋشى ٴمانىن تەرەڭ تانىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا 20 - قۇرىلتايىن قارسى الۋ، ۇگىتتەۋ، دايەكتىلەندىرۋ سىندى وسى نەگىزگى جەلىنى تىعىز توڭىرەكتەپ، اقپارات - ۇگىت قىزمەتىن تىڭعىلىقتى جاقسى ىستەۋىن، پارتيانىڭ اقپاراتتىق قوعامدىق پىكىرىنىڭ تاراتۋ كۇشىن، جەتەكشىلىك كۇشىن، ىقپال كۇشىن، الەۋمەتتىك بەدەلىن شىنايى جوعارىلاتىپ، جاڭا ساپاردا اتويلاي العا ۇمتىلىپ، جاڭا داۋىرگە ۇلەس قوسۋدى بەرىك يدەيالىق كەپىلمەن جانە كۇشتى رۋحاني قۋاتپەن قامداۋى كەرەك. 

   وبلىستىق قوعام حاۋىپسىزدىگى مەكەمەسى: 

قوعام حاۋىپسىزدىگى قاھارماندارىنا ازا ٴبىلدىرىپ، قاھارماندار مەن ۇلگىلەردىڭ رۋحىن ساۋلەلەندىردى 

ەرىكتى ٴتىلشى ۋ شياۋفىڭ حابارلايدى. قوعام حاۋىپسىزدىگى قاھارماندارىن شىنايى ەسكە الىپ، قاھارماندار رۋحىن بارىنشا ساۋلەلەندىرۋ ٴۇشىن، جۋىردا ىلە وبلىستىق قوعام حاۋىپسىزدىگى مەكەمەسى 3 - ايداعى «قۇرمەت ٴبىلدىرۋ . 2022 - جىلعى چيڭميڭدا قاھارماندارعا ازا ٴبىلدىرۋ» نەگىزگى تاقىرىپتىق پارتيا كۇنى قيمىلىمەن ۇشتاستىرىپ، بارلىق پارتيا مۇشەلەرىن، پارتياعا كىرەتىن بەلسەندىلەردىڭ ۋاكىلدەرىن قوعام حاۋىپسىزدىگى قاھارماندارىنا ازا ٴبىلدىرۋ قيمىلىن ورىستەتۋگە ۇيىمداستىردى. 

قۇلجا قالالىق قۇرباندار قابىرىن قورعاۋ رايونىندا وبلىستىق قوعام حاۋىپسىزدىگى مەكەمەسىنىڭ ساياسي قىزمەت جانە باقىلاۋ - تەكسەرۋ بىرلەسپە پارتيا ياچەيكاسىنداعى پارتيا مۇشەلەرى لۇڭ فەي، كۇڭ يۇڭچياڭ، نۇرتاي انۋاربەك ۇلى، جاڭ ليشان قاتارلى قوعام حاۋىپسىزدىگى قاھارماندارىنا ازا ٴبىلدىرۋ قيمىلىن ورىستەتتى. حالىق ساقشىلارىنىڭ ۋاكىلدەرى قوعام حاۋىپسىزدىگى قاھارماندارى قابىرىنا گۇل شوقتارىن قويدى. كوپشىلىك 4 قوعام حاۋىپسىزدىگى قاھارمانىنىڭ قاھارماندىق ىزگى ىستەرىن مۇقيات تىڭداپ، قوعام حاۋىپسىزدىگى اعا بۋىن قاھارماندارىنىڭ قۇربان بولۋدان قورىقپاي، ەرجۇرەكتىلىكپەن شايقاس جۇرگىزگەن كورىنىسىن قايتالاي ەسكە الدى، قيمىلعا قاتىناسقان پارتيا مۇشەلەرى بۇگىنگى تاماشا تۇرمىستىڭ وڭايلىقپەن قولعا كەلمەگەنىن شىنايى سەزىندى. 

قاھارماندار ەسكەرتكىشى الدىندا بارلىق پارتيا مۇشەلەرى باس كيىمدەرىن الىپ، قۇرمەت ٴبىلدىرىپ، ٴۇنسىز ازا ٴبىلدىردى. پارتيا مۇشەلەرى پارتياعا كىرۋ سەرتىن قايتالاۋ ارقىلى يدەيالىق جاقتان تاعى ٴبىر رەت سىننان ٴوتىپ،  قىزمەت ىستەۋ، كاسىپ جاراتۋ، حالىق ٴۇشىن قىزمەت ەتۋ سىندى كۇرەسكەرلىك رۋحى دارەجەدە تاسقىندادى. 

پارتيا مۇشەلەرى ٴبىر اۋىزدان مىنانى ٴبىلدىردى: ناقتى ارەكەتىمىز ارقىلى حالىق ساقشىسىنىڭ ايبىندى ۋادەسىن ورىندايمىز. پارتيا مەن حالىق جۇكتەگەن جاڭا داۋىردەگى تىڭ بورىشتى باتىل اتقارىپ، اۋەلگى ماقساتتى ەستە بەرىك ساقتاپ، جاۋاپكەرلىك ارقالاۋدى ۇزدىكسىز كۇشەيتىپ، حاۋىپ - قاتەردەن ساقتانۋدىڭ، حاۋىپسىزدىكتى ساقتاۋدىڭ، ورنىقتىلىقتى قورعاۋدىڭ، دامۋدى جەبەۋدىڭ ٴتۇرلى قىزمەتىن جوعارى ولشەمدى، جوعارى ساپالى جۇرگىزۋدى مىقتى يگەرەمىز. 

4 ـ ايدىڭ 1 ـ كۇنى وبلىستىق پارتكوم وقۋ ـ اعارتۋ قىزمەتى كوميتەتى پارتيا ياچەيكاسى، وبلىستىق قىزىلتۋ بالا باقشاسى پارتيا ياچەيكاسى، قۇلجا قالاسى چوڭكورىك ٴمالى باسقارماسى باقىت الەۋمەتتىك اۋماعى پارتيا ياچەيكاسى بىرگە «اعا بۋىن ارداگەرلەردى ەسكە ٴتۇسىرىپ، اعا بۋىن قۇربانداردى ساعىنا ەسكە الىپ، ۇستازدىق رۋحتى سومداۋ» تاقىرىبىندا پارتيا كۇنى قيمىلىن ورىستەتتى. قۇلجا قۇربانداردى ەسكە ٴتۇسىرۋ باقشاسىنداعى قاھارماندار ەسكەرتكىشىنىڭ الدىندا، بالا باقشاسىنىڭ وقىتۋشىلارى «قۇرباندار جىرىن» وقىدى ٴارى بالالارعا توڭكەرىستىك اعا بۋىن قۇربانداردىڭ قاھارماندىق ىزگى ىستەرىن باياندادى. بايسالدى ٴۇنسىز قۇرمەت بىلدىرۋدەن كەيىن بالالار وقىتۋشىلارىنا، اتا ـ انالارىنا ىلەسىپ قاھارماندار ەسكەرتكىشىنە گۇل قويىپ، اعا بۋىن قۇرباندارعا دەگەن قۇرمەت سەزىمىن ٴبىلدىردى. 

سۋرەتتى ٴتىلشىمىز كاميلا حالمۇرات تۇسىرگەن 

  3 - ايدىڭ 31 - كۇنى وبلىستىق دوستىق شيپاحاناسىنداعى پارتيالى كادرلار مەن ەمدەۋ قىزمەتكەرلەرى قۇلجا قۇربانداردى ەسكە ٴتۇسىرۋ باقشاسىنداعى قاھارماندار ەسكەرتكىشى الدىندا قاھارمان - قۇرباندارعا ازا ٴبىلدىردى. «پارتيا تۋى تيانشاندى نۇرلاندىردى» نەگىزگى تاقىرىبىنداعى پارتيا كۇنى قيمىلىن ورىستەتىپ، بارلىق پارتيالى كادرلاردى تاريحتى ەستە بەرىك ساقتاپ، قۇربانداردى ساعىنا ەسكە الىپ، توڭكەرىستىك قۇرباندار مەن كوممۋنيستەردىڭ الدىڭعىلاردىڭ ٴىزىن سوڭعىلار باساتىن، ەرلىكپەن ٴوزىن ارنايتىن توڭكەرىستىك رۋحىن ۇيرەنۋگە تاربيەلەدى.

  ان نا فوتوسى