汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندارداعى پارتيالى كادرلار «چيڭميڭدە قاھارمان قۇرباندارعا ازا ٴبىلدىرىپ، ماڭگى پارتياعا ىلەسەمىز» نەگىزگى تاقىرىپتىق پارتيا كۇنى قيمىلىن ورىستەتتى
2022-04-07 18:21:00     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

20220402000298_0397103d724096d25791da60829c617527cdfc99.JPG

سۋرەتتە: پارتيالى كادرلار قاھارماندار ەسكەرتكىشىنە رەتپەن قۇرمەت ٴبىلدىردى جانە گۇل قويدى.

لي يافىڭ فوتوسى


ٴتىلشىمىز لي يافىڭ حابارلايدى. چيڭميڭ  كەلۋ قارساڭىندا 4 - ايدىڭ 1 - كۇنى وبلىستىق پارتكوم ۇگىت ٴبولىمى ورگان پارتكومى، وبلىستىق پارتكومعا توتە قاراستى ورگاندار قىزمەت كوميتەتى پارتيا ياچەيكاسى، وبلىستىق قوعام حاۋىپسىزدىگى مەكەمەسى ورگان پارتكومى، وبلىستىق راديو - تەلەۆيزيا مەكەمەسى پارتيا باس ياچەيكاسىنداعى پارتيالى كادرلار قۇلجا قالاسىندا «چيڭميڭدە قاھارمان قۇرباندارعا ازا ٴبىلدىرىپ، ماڭگى پارتياعا ىلەسەمىز» نەگىزگى تاقىرىپتىق پارتيا كۇنى قيمىلىن بىرگە ورىستەتىپ، توڭكەرىستىك اعا بۋىن قۇربانداردىڭ وشپەس ۇلەسىن تەرەڭ ساعىنىشپەن ەسكە الىپ، توڭكەرىستىك اعا بۋىن قۇرباندارعا وسكەلەڭ قۇرمەت ٴبىلدىردى.

وبلىستىق قوعام حاۋىپسىزدىگى مەكەمەسىنىڭ لاڭكەستىككە قارسى تۇرۋ تاربيە بازاسىندا 50 دەن استام پارتيالى كادر توڭكەرىستىك اعابۋىن قۇرباندار جونىندەگى اڭگىمەنى دەن قويا تىڭداپ، توڭكەرىستىك اعابۋىن قۇربانداردىڭ ونەگەلى ٴىس - ارەكەتى جونىندەگى كەسكىندى كورىپ،«جۇڭحۋا حالىق رەسپۋبليكاسىنىڭ قاھارمان قۇربانداردى قورعاۋ زاڭىنىڭ» قاتىستى مازمۇندارىن ۇيرەنىپ، پارتيا تۋى الدىندا پارتياعا كىرۋ سەرتىن قايتالاپ، توڭكەرىستىك سوعىس كەزىندە ەرلىكپەن ٴوزىن ارناعان قاھارمان ۇلگىلەردى ساعىنا ەسكە الىپ، ٴبىر رەتكى تەرەڭ وتانشىلدىق تاربيەگە يە بولدى.

قۇلجا ەسكە ٴتۇسىرۋ باقشاسىندا پارتيالى كادرلار ايبىندى مەملەكەت گيمنىنىڭ اسقاق اۋەنى ىشىندە كەزەكپەن قاھارماندار ەسكەرتكىشىنە قۇرمەت ٴبىلدىردى ٴارى قۇرمەتپەن گۇل قويدى. ىلە - شالا كوپشىلىك جوعارى داۋىسپەن «بۇگىنگى ايبىندى ٴمۇسىن، كەشەگى قاجىرلى كۇرەستىڭ ايعاعى» دەگەن ولەڭدى مانەرلەپ وقىدى.

«قاھارمانداردى ەستەن شىعارماي، اعابۋىن قۇربانداردى ەسكە الىپ، بۇگىنگى باقىتتى تۇرمىستى قاستەرلەپ، تاريحتان ۇلى رۋحاني كۇش قابىلدايمىز» دەدى وبلىستىق پارتكوم ۇگىت ٴبولىمىنىڭ كادرى جاڭ تۇڭجيڭ. ول تاعى بىلاي دەدى: «جۇڭگو حالقىنىڭ قاجىرلىلىقپەن شايقاس جاساۋ بارىسىن ماڭگى ەستە ساقتاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتياعا ماڭگى ىلەسىپ، كورىكتى ىلە قۇرۋ جورىعىندا ٴوز ۇلەسىمىزدى قوسامىز».

وبلىستىق پارتكوم توتە قاراستى ورگاندار قىزمەت كوميتەتى پارتيا ياچەيكاسىنىڭ پارتيا مۇشەسى گۋ شياۋشياڭ بىلاي دەدى: «نەگىزگى تاقىرىپتىق پارتيا كۇنى قيمىلى ارقىلى ٴبىز تەرەڭ تاربيەگە يە بولدىق. ٴبىز توڭكەرىستىك اعابۋىن قۇربانداردى ماڭگى ەسكە الىپ، ولاردىڭ ەسەلى ەڭبەگىن ەستە بەرىك ساقتاپ، قىزىل بيلىكتى ۇرپاقتان - ۇرپاققا جالعاستىرامىز. پارتيا قۇرۋ ۇلى رۋحىن اسقاقتاتىپ، توڭكەرىستىك ٴداستۇرلى تاربيەنى سانالى قابىلداپ، توڭكەرىستىك گەننەن كۇش - قۋات قابىلداپ، ۇنەمى ۇيرەنىپ، ۇنەمى جاڭالاپ، مۇرات - سەنىمدى ۇزدىكسىز بەكەمدەپ جانە كەمەلدەندىرىپ، پارتيا تاريحىن ۇيرەنۋ تاربيەسىنىڭ ٴىس جۇزىندىك ونىمدىلىگىن كورنەكتىلەندىرىپ، ٴىس جۇزىندىك ارەكەتىمىز ارقىلى حالىق ٴۇشىن قىزمەت ەتۋ ماقساتىن امالياتتا ايگىلەپ، جاڭا داۋىردەگى جاڭا جورىقتا جاڭا ىسكەرلىك كورسەتەمىز».