汉文 ىلە اقپارات تورابىنا حوش كەلدىڭىزدەر!
وبلىستىق مادەنيەت سارايى «حان اۋلەتى حانشاسى» تاقىرىبىنداعى ولەڭ وقۋ جينالىسىن وتكىزدى
2022-04-15 11:24:06     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

州文化馆举办“汉家公主”诗歌朗诵会_1005.JPG

سۋرەتتە: قيمىلدان كورىنىس.

حۋاڭ يان فوتوسى


ٴتىلشىمىز حۋاڭ يان حابارلايدى. 4 - ايدىڭ 9 - كۇنى «حان اۋلەتى حانشاسى» تاقىرىبىنداعى ولەڭدى مانەرلەپ وقۋ جينالىسى قۇلجا قالاسىنداعى حان اۋلەتى حانشاسى ەسكەرتكىش سارايىندا وتكىزىلدى. مانەرلەپ وقۋ جينالىسىن ىلە وبلىستىق مادەنيەت سارايى ۇيىمداستىرىپ، ىلە وبلىستىق مانەرلەپ وقۋ قوعامى، قۇلجا قالالىق 19 - باستاۋىش مەكتەپ مىندەتىنە الىپ وتكىزدى. قۇلجا قالالىق 19 - باستاۋىش مەكتەپتىڭ وقىتۋشى - وقۋشىلارىنىڭ ۋاكىلدەرى، ىلە وبلىستىق مانەرلەپ وقۋ قوعامىنىڭ مۇشەلەرى جانە داۋىستاپ وقۋ اۋەسكەرلەرى قيمىلعا قاتىناستى.

وسى رەتكى ولەڭدى مانەرلەپ وقۋ جينالىسى وتكەن داۋىردەگى شي جۇن حانشا مەن جيەيۋ حانشانى ەسكە ٴتۇسىرۋ ولەڭدەرىن مازمۇن ەتىپ، جينالىستا تارتىمدى ولەڭدەر وقىپ، كورەرمەندەردىڭ قىزۋ قارسى الۋىنا يە بولدى.

«بۇگىن حان اۋلەتى حانشاسى ەسكەرتكىش سارايىندا ولەڭدى مانەرلەپ وقۋ جينالىسىنا قاتىناسىپ، ەرەكشە تەبىرەنىپ وتىرمىن، بۇل وتە ماعىنالى ٴىس بولدى. مانەرلەپ وقۋ ارقىلى ەكى حانشانىڭ مەملەكەتتىڭ تىنىشتىعىنا، ۇلتتار ىنتىماعىنا جانە مادەنيەت اۋىس ـ كۇيىسىنە قوسقان ۇلەسىن ەسكە ٴتۇسىرىپ، ٴبىزدى تاريحتى ەستە بەرىك ساقتاۋعا، قازىرگىنى قاستەرلەۋگە شابىتتاندىردى» دەدى قۇلجا قالالىق 19 ـ باستاۋىش مەكتەپتىڭ 5 ـ جىلدىق وقۋشسى شياۋ چىڭىن.

ولەڭ وقىپ، مادەنيەتتى سەزىنىپ، رۋحقا مۇراگەرلىك ەتىپ، ٴومىرىمىزدى نۇرلاندىرايىق. ىلە وبلىستىق مانەرلەپ وقۋ قوعامىنىڭ ورىنباسار باس حاتشىسى دۋان حۋامين بىلاي دەدى: «مادەنيەت ەرىكتىسى رەتىندە، جۇڭحۋانىڭ ٴداستۇرلى مادەنيەتىن تاراتىپ، قوعامدا وڭ ەنەرگيانى اسقاقتاتىپ، ٴار ۇلت بۇقاراسىن اناعۇرلىم كوپ، اناعۇرلىم ٴنارلى رۋحاني ازىقپەن قامداۋ ٴبىزدىڭ بۇلتارتپاس جاۋاپكەرشىلىگىمىز».

ۇعىسۋعا قاراعاندا، 2018 ـ جىلى 5 ـ ايدان باستاپ، ىلە وبلىستىق مانەرلەپ وقۋ قوعامىنىڭ مادەنيەت ەرىكتىلەرى اۆتونوميالى وبلىستىڭ حالىقتىق كوركەمونەرلىك كوكتەم مەرەكەسى ساۋىق كەشى، حال سۇراۋ كونسەرتى سياقتى الۋان ٴتۇرلى مادەنيەت قيمىلدارىنا بەلسەنە قاتىناسىپ، قالىڭ حالىق بۇقاراسىنىڭ رۋحاني مادەنيەت تۇرمىسىن بايىتقان.

«داۋىستاپ وقۋ ارقىلى ٴبىلىم قۇرىلىمىن كەڭەيتىپ، مادەنيەت ساپاسىن جوعارىلاتىپ، مادەنيەت ەرىكتىلەرىنىڭ كەلبەتىن ايگىلەيمىز. بۇدان بىلاي ٴبىز حيكاياداعى ىلە اتتى ىلەنىڭ بايىرعى حيكايالارىنان بىرگە ٴلاززاتتانۋ سياقتى تاقىرىپتىق باي مازمۇندى قيمىلداردى ۇزدىكسىز ورىستەتىپ، مادەنيەت سارايىنىڭ قازىرگى بار بايلىعىنان تولىق پايدالانىپ، ٴار ۇلت بۇقاراسىنا اناعۇرلىم باي مازمۇندى الەۋمەتتىك مادەنيەت جاعىنان قىزمەت وتەيمىز» دەدى وبلىستىق مادەنيەت سارايى پارتيا ياچەيكاسىنىڭ شۋجيى، ورىنباسار ساراي باستىعى تاڭ جىچۇن.