سۇن ي - نان (ٴوز ٴتىلشىمىز)

باقىت گۇلى − ماڭداي تەرمەن جايقالادى، ارمان قايىعى − ەڭبەك ەسكەگى ارقىلى ىلگەرىلەيدى. «1 - مامىر» حالىقارالىق ەڭبەكشىلەر مەرەكەسى كەلۋ قارساڭىندا ٴبىز اپپارات كوزىن ىلە وبلىسىنىڭ ٴار سالا، ٴار كاسىبىندەگى ەڭبەكشىلەرگە تۋرالادىق، بۇل ٴبىزدىڭ جۇمىسىنا شوگەل، مايتالمان ٴاربىر ەڭبەكشىگە دەگەن قۇرمەتىمىز. 

«ەڭ تاماشا ەڭبەكشىلەر» قاتارىندا سەحتا بار ىنتا - پەيىلىمەن قىزمەت ىستەيتىن قاراپايىم جۇمىسشى - قىزمەتكەرلەر، كوشەنى كورىكتەندىرۋشى ورتا تازالىقشىلارى، جىلىجايلاردا كوكونىس ەگەتىن ديقاندار، حالىقتىڭ باس اماندىعى مەن مال - مۇلكىن قورعايتىن ورتتەن ساقتانۋ اترەتىنىڭ مۇشەلەرى جانە الەۋمەتتىك اۋماقتاردا كۇندى تۇنگە جالعاپ قالتقىسىز ۇلەس قوسىپ جاتقان نەگىزگى ساتى قىزمەتكەرلەرى بار... ولار قاراپايىم قىزمەت ورىندارىندا شوگەلدىكپەن قىزمەت ىستەپ، قۇلشىنا ۇلەس قوسىپ، ەڭبەكشىل قوس قولدارىمەن ەڭبەكشىلەردىڭ اۋەلگى ماقساتىن ايگىلەۋدە. 

ەڭبەك تاماشا تۇرمىستى، باقىتقا تولى دۇنيەنى جاراتادى. 2022 - جىل − پارتيانىڭ 20 - قۇرىلتايى اشىلاتىن، «14 - بەسجىلدىق» جوسپار اتقارىلاتىن شەشۋشى جىل، ٴاربىر ەڭبەكشى قاراپايىم قىزمەت ورىنىندا قىزمەتىنىڭ تالابىنان شىعىپ، سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، قاراپايىم قىزمەت ورىنىندا وزدەرىنىڭ بارلىق كۇش - قۋاتىن ارناپ، ماڭداي تەرلەرىمەن ەڭ داڭقتى ەڭبەك ارقىلى تاماشا ٴومىردى كەستەلەدى.  

 ىلە وبلىستىق شينحۋا شيپاحاناسى شۇعىل قۇتقارۋ ٴبولىمىنىڭ شيپاگەر - سەسترالارى 

 الەۋمەتتىك اۋماق قىزمەتكەرى كىتاپ سورەسىن رەتتەۋدە

 قۇلجا قالاسى چىڭدۇڭ كوكونىس، جەمىس - جيدەك تولايىم ساۋدا بازارىنىڭ قىزمەتكەرلەرى 

 قۇلجا (نارات، موڭعۇلكۇرە) اۋەجايىنىڭ جەر بەتى قىزمەت ەتۋ ٴبولىمىنىڭ قىزمەتكەرلەرى 

 بولات شىبىقتى تۇراقتاندىرىپ جاتقان جۇمىسكەر

 بيىكتە جۇمىس ىستەيتىن جۇمىسشى 

 ساباق ۇستىندەگى دەنە تاربيە مۇعالىمى 

 جاتتىعۋ ۇستىندەگى ٴورت ٴوشىرۋشى