سۋرەتتە: الەۋمەتتىك اۋماق ساقشىسى الدامشىلىققا قارسى تۇرۋ بىلىمدەرىن ۇگىتتەۋدە. دۋلەي فوتوسى.

ٴتىلشىمىز دۋلەي حابارلايدى. 5 - ايدىڭ 13 - كۇنى تاڭەرتەڭ قۇلجا قالاسى نيڭيۋان جولى ٴمالى باسقارماسى ياجيڭيۋان الەۋمەتتىك اۋماعىنىڭ تۇرعىنى رەنات نۇراحمەتتىڭ ۇيىنە «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرىنەن، الەۋمەتتىك اۋماق حالىق ساقشىلارىنان ۇيىمداسقان زاڭ جالپىلاستىرۋ ەرىكتىلەرىنىڭ قىزمەت ەتۋ اترەتى كەلىپ، ولارعا ازاماتتىق زاڭنامانى بەتپە - بەت ۇگىتتەدى ٴارى الدامشىلىققا قارسى تۇرۋ جونىندە ۇگىت جۇرگىزدى.

جاقىن كۇندەردەن بەرى، ياجيڭيۋان الەۋمەتتىك اۋماعى «تاماشا تۇرمىسقا ازماتتىق زاڭنامانى سەرىك ەتەيىك» نەگىزگى تاقىرىبىندا زاڭمەن جونگە سالۋ شاعىن ساباقحاناسىن اشىپ، الەۋمەتتىك اۋماقتاعى زاڭ جالپىلاستىرۋ ەرىكتىلەرى قىزمەت وتەۋ اترەتى مادەنيەت اۋلالارىنا، تۇرعىندار  وتباسىنا بارىپ، زاڭ - ەرەجە بىلىمدەرىنەن ۇگىت - لەكسيا جاساپ، بۇقارانى زاڭ بويىنشا جۇمىس بىتىرۋگە، بىرەر ىسكە تاپ بولعاندا زاڭنان پايدالانۋعا باستادى.

ياجيڭيۋان الەۋمەتتىك اۋماعىنىڭ 1 - شۋجيى گاۋ زىگاڭنىڭ تانىستىرۋىنشا، الەۋمەتتىك اۋماق تىرەكتىك ورگان ارقىلى، تانىمال لەكتورلاردى زاڭ جالپىلاستىرۋ تاربيەسىن جۇرگىزۋگە ۇسىنىس ەتىپ، كادرلار تۇرعىنداردىڭ وتباسىنا بارىپ، قاتىستى زاڭ - ەرەجەلەردى ۇگىتتەپ، الدامشىلىققا قارسى تۇرۋ ۇگىتىن ورىستەتىپ، قارتتاردى الدانۋدان ساقتاندىرىپ، الەۋمەتتىك اۋماق قاراستىلىعىندا زاڭدى قۇرمەتتەيتىن، زاڭ ۇيرەنەتىن، زاڭعا سانالى بويسۇناتىن، زاڭنان ويداعىداي پايدالاناتىن تاماشا اۋقىم قالىپتاستىرعان.

 الەۋمەتتىك اۋماق تۇرعىنى رەنات نۇراحمەت بىلاي دەدى: «زاڭ جالپىلاستىرۋ ەرىكتىلەرى قىزمەت وتەۋ اترەتىنىڭ ۇگىتىن تىڭداعاننان كەيىن زاڭ جونىندەگى تانىمىم كۇشەيىپ، مەملەكەتتىك الدامشىلىققا قارسى تۇرۋ ورتالىعىنىڭ APP دەتالىنىڭ ماڭىزدى رولىن ٴتۇسىندىم. بۇدان بىلاي زاڭ بىلىمدەرىن جالعاستى قۇلشىنا ۇيرەنىپ، زاڭ ارقىلى ٴوزىمدى قورعايمىن».

 قۇلجا قالالىق قوعام حاۋىپسىزدىگى مەكەمەسى نيڭيۋان جولى ساقشى بولىمشەسىنىڭ الەۋمەتتىك اۋماقتا تۇراتىن حالىق ساقشىسى جۋ بيننىڭ تانىستىرۋىنشا، قاراستى تۇرعىندار رايوندارىندا سىرتتان كەلىپ جۇمىس ىستەيتىندەر، قارتتار، وقۋشىلار شوعىرى ٴبىرشاما كوپ بولۋداي ٴىس جۇزىندىك جاعدايعا قاراي، حالىق ساقشىلارى وتباسىلاردى ارالاپ جاعداي ۇعىسۋ فورماسىمەن بۇقاراعا زاڭ بىلىمدەرىن ۇگىتتەگەن ٴارى ولاردىڭ مەملەكەتتىك الدامشىلىققا قارسى تۇرۋ ورتالىعىنىڭ APP دەتالىن قولفونىنا ٴتۇسىرىپ الۋىنا كومەكتەسكەن. ٴتۇرلى فورمادا ۇگىت جۇرگىزۋ جانە تۇرعىنداردىڭ  قولفونىنا مەملەكەتتىك الدامشىلىققا قارسى تۇرۋ ورتالىعىنىڭ APP دەتالىن ورناتۋ ارقىلى الەۋمەتتىك اۋماق قاراستىلىعىنداعى تۇرعىنداردىڭ تەلەگراف الدامشىلىعىنان ساقتانۋ قىراعىلىعىن جوعارىلاتقان، بۇل تۇرعىنداردىڭ  الدامشىلىق ينفورماتسيالارىن تاپسىرىپ السا، ەڭ الدىمەن دەلو مالىمدەۋىنە، قوعام حاۋىپسىزدىگى ورگاندارىنىڭ تەز ارادا دەلونى ٴبىر جاقتى ەتۋىنە ٴتيىمدى ەكەن.