سۋرەتتە: قيمىل ناق مايدانى. جاڭ جينفىڭ فوتوسى 

ٴتىلشىمىز جاڭ جينفىڭ حابارلايدى. بيىل 5 - ايدىڭ 15 - كۇنىنەن  21 - كۇنىنە دەيىن ەلىمىزدىڭ 31 - رەتكى مەملەكەتتىك قالالاردىڭ سۋدى ۇنەمدەپ پايدالانۋ ۇگىت اپتالىعى. 5 - ايدىڭ 15 - كۇنى قۇلجا قالالىق سۋدى ۇنەمدەپ پايدالانۋعا قىزمەت وتەۋ ورتالىعى ىلە تيانباي حالىقارالىق زات ساتىپ الۋ ورتالىعىندا ۇگىت قيمىلىن ورىستەتتى.

قيمىل مايدانىندا قىزمەتكەرلەر سۋ ۇنەمدەۋگە قاتىستى ۇگىت تاقتاسىن قويىپ، «سۋ ۇنەمدەيتىن قالا قۇرىپ، جاسىل، تومەن كومىرتەكتى دامۋدى ىلگەرىلەتۋ» نەگىزگى تاقىرىبىن توڭىرەكتەپ، تۇرعىندارعا ۇگىت قاعازىن تاراتىپ، ساياسات، زاڭ - ەرەجە جالپىلاستىرىپ، جەر استى سۋىن باسقارۋ ەرەجەسىن، سۋ ۇنەمدەۋ بىلىمدەرىن جانە سۋ ۇنەمدەگىش قوعام قۇرۋدىڭ ماڭىزدىلىعىن ۇگىتتەدى. 

قۇلجا قالالىق 28 - باستاۋىش مەكتەپ 3 - جىلدىعىنىڭ وقۋشىسى ۋاڭ ياياڭ بىلاي دەدى: «ٴبىز سۋ بايلىعىن قاستەرلەۋىمىز كەرەك. مەكتەپتە سۋ ۇنەمدەۋ قابىرعا گازەتىن جاسادىم؛ ۇيدە كوكونىس جۋعان سۋمەن گۇلدەردى سۋارىپ، كىر جۋعان سۋمەن شەشەمە كومەكتەسىپ، ەدەن سۇرتىپ، قارشادايىمنان سۋدى ۇنەمدەپ پايدالانۋداي جاقسى ادەتتى جەتىلدىردىم».

قۇلجا قالالىق سۋدى ۇنەمدەپ پايدالانۋعا قىزمەت وتەۋ ورتالىعى تاعى بۇكىل قالاداعى ورتا، باستاۋىش مەكتەپتەردە سۋدى ۇنەمدەپ پايدالانۋدى نەگىزگى تاقىرىپ ەتكەن ماقالا جازۋ،  سۋرەت سىزۋ جارىسن ورىستەتتى. نەگىزگى تاقىرىپتىق ماقالا  جازۋ جارىسىندا 1 - دارەجەلى سيلىقتى ەنشىلەگەن قۇلجا قالالىق 23 - باستاۋىش مەكتەپ 8 - جىلدىعىنىڭ وقۋشىسى لي شينجۇن بىلاي دەدى: «قيمىلدىڭ ٴمانى زور، مەن وزىمنەن باستاپ سۋ بايلىعىن ۇنەمدەپ، سۋدى ۇنەمدەپ پايدالاناتىن تاماشا ادەتتى جەتىلدىرەمىن».

قۇلجا قالاسى بۇل رەتكى قيمىلدا شوعىرلى ۇگىت جۇرگىزۋدەن تىس، شاعىن جىلجىمالى ۇگىت اۆتوكولىگى، LED كەڭ ەكراندا  قايتالامالى ۇگىت كەسكىنىن قويۋ سياقتى فورمالارمەن مەكەمە، كاسىپورىن، تۇسەلحانا، اس - سۋ ورىندارىندا كەڭ كولەمدە ۇگىت جۇرگىزدى. سونىمەن بىرگە، مەكتەپتەردە «سۋ ۇنەمدەۋدى مەكتەپتەرگە ەنگىزۋ» قيمىلىن، سۋ ۇنەمدەگىش ورگان، تۇرعىندار رايونىن قۇرۋ قىزمەتىنەن ۇلگى الىپ تەكسەرۋ قيمىلىن ورىستەتىپ، «جەر - جەر سۋ ۇنەمدەۋدى مىقتى يگەرۋ، بارلىق ادام سۋ ۇنەمدەۋدەي» تاماشا اۋقىم قالىپتاستىرىپ، سۋ ۇنەمدەگىش قوعام قۇرۋعا  كۇش سالدى.