汉文 ىلە اقپارات تورابىنا حوش كەلدىڭىزدەر!
ىلە . قورعاس 11 - كەزەكتى جۇپار ٴشوپ مادەنيەتى حالىقارالىق ساياحات مەرەكەسى باستالدى
2022-06-24 11:06:53     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

جۇپار ٴشوپ گۇلدى القابىندا گۇلگىن گۇل جايقالدى

ىلە . قورعاس 11 - كەزەكتى جۇپار ٴشوپ مادەنيەتى حالىقارالىق ساياحات مەرەكەسى باستالدى


ٴتىلشىمىز مىڭ شيا حابارلايدى. «كۇرە كونە قالاسى . حوش ٴيىستى قورعاس» اتىنداعى 2022 - جىلعى ىلە . حالىقارالىق ساياحات اڭعارى قورعاس 11 - كەزەكتى جۇپار ٴشوپ مادەنيەتى حالىقارالىق ساياحات مەرەكەسى قيمىلى 6 - ايدىڭ 21 - كۇنى ساعات 21 دە قورعاس اۋدانى چيڭشۇيحى قالاشىعىنىڭ جان - دى الاڭىندا سالتاناتپەن باستالدى. 

بۇل رەتكى قيمىلدى ىلە وبلىستىق حالىق ۇكىمەتى، جياڭسۋ ولكەلىك ىلەگە باعىتتامالى كومەك بەرۋ الدىڭعى شەپ قولباسشىلىق شتابى، ىلە وبلىستىق مادەنيەت - ساياحات مەكەمەسى، ىلە وبلىستىق دەنەتاربيە مەكەمەسى، قورعاس اۋداندىق حالىق ۇكىمەتى سياقتى ورىندار بىرگە وتكىزگەن. گۋاڭدۇڭ، جياڭسۋ، جىجياڭ، حۋنان جانە اۆتونوميالى رايون سياقتى جەرلەردەن كەلگەن كاسىپتىك قايراتكەرلەرى، بەزەنۋ، حوش ٴيىستى بۇيىمدار كاسىبىنىڭ، جۇڭگو جازۋشىلار قوعامىنىڭ مامان - وقىمىستىلارى، ساياحات كاسىپكەرلەرى، قورعاس اۋدانىنىڭ ٴارقايسى اۋىل - قالاشىق، الاڭ، فەرماسىنىڭ كادر - جۇرتشىلىعى ۋاكىلدەرى، سونداي - اق كوپتەگەن اقپارات تىلشىلەرى، توراپ جۇلدىزدارى وسى رەتكى سالتاناتتى كەشكە قاتىناستى. ىلە وبلىستىق پارتكومنىڭ تۇراقتى مۇشەسى قايرات اشىك ۇلى باستالۋ ٴسوزىن سويلەدى.

قورعاس اۋدانى − اۋىل شارۋاشىلىعىنداعى ٴىرى اۋدان بولىپ، جۇپار ٴشوپ ەگىلگەن جەر اۋماعى 56 مىڭ مۋعا جەتىپ، «جۇڭگونىڭ جۇپار ٴشوپ مەكەنى» دەگەن  داڭققا يە، فرانسيانىڭ پروۆەنسى، جاپونيانىڭ بەيحايداۋىمەن بىرگە دۇنيەدەگى ٴۇش ٴىرى جۇپار ٴشوپ وندىرەتىن جەردىڭ ٴبىرى، 60 جىلدىق دامۋ تاريحى بار. 2021 - جىلى قورعاس اۋدانى اۆتونوميالى رايوننىڭ تۇتاس وڭىرلىك ساياحاتتان ۇلگى كورسەتەتىن رايون بولىپ قۇرىلىپ، جۇپار ٴشوپ ەگۋ، ٴوندىرۋ، مانەرلەۋ، مادەنيەت - ساياحات ٴبىر تۇلعالانعان لەنيا قالىپتاسۋدا. بۇل كاسىپتىك لەنيا − قورعاس اۋدانىنداعى 330 مىڭ شارۋانى اۋقاتتاندىرۋداعى سارا جولعا اينالدى. 

باستالۋ سالتىندا كوپتەگەن اقپارات تىلشىلەرى، توراپ جۇلدىزدارى ناق مايداندا تىكە تاراتۋ تاسىلىمەن جەلىدە جانە جەلىدەن تىس قيمىلدى ۇگىتتەۋگە اتسالىستى. 

چيڭشۇيحى قالاشىعى گۋاڭميڭ جولى 1 - كوشەسىندە تۇراتىن 63 جاستاعى ۋاڭ ۋىنلۋ باستالۋ سالتىنىڭ جالپى بارىسىن توراپتا تىكە تاراتتى، ول بىلاي دەدى:  «قۋانىشتى ٴساتتى ەلىمىزدىڭ جەر - جەرىندەگى دوستارىما جولداپ بەرىپ، كوپشىلىكپەن بىرگە جۇپار ٴشوپتىڭ گۇل اشقان كوركەم كورىنىسىنەن ٴلاززاتتاندىم».  

«وسى كەزەكتى جۇپار ٴشوپ ساياحات مەرەكەسى ساحنا جوبالاۋدان ٴبي دايىنداۋعا دەيىن وتە تارتىمدى بولعان، اسىرەسە،  ارتيستەر اۋىلىمىزدىڭ وزگەرىسىن تاقپاقپەن جەتكىزىپ ادامدى قاتتى اسەرلەندىردى. وسى جەردە تۋىلعانمىن، جۇپار ٴشوپتى كورىپ ەسەيدىم، قازىر مەكەنىمىز جۇپار ٴشوپ ەگۋمەن بۇكىل ەلگە تانىلدى، قىستاعىمىزدىڭ جۇپار ٴشوپ ەگىمشىلىگى كۇننەن كۇنگە كوركەيۋدە، اۋىلداستارىمىز دا جۇپار ٴشوپ ەگۋ ارقىلى اۋقاتتاندى، وسى جەردە تۋىلعانىمدى ماقتانىش تۇتامىن» دەدى لۋساۋگوۋ قالاشىعى ٴدوڭمالى قىستاعىنىڭ كادرى جياڭ ليڭليڭ. 

شينجياڭ يحۇڭحاۋ اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ زاڭدى ۋاكىلى لي جيڭ بىلاي دەدى: «ٴبىز وسى رەتكى سالتاناتتى قيمىلدى ۇيىمداستىرۋ ارقىلى ٴتىپتى دە كوپتەگەن ادامنىڭ قورعاستى ٴتۇسىنۋىن، جۇپار ٴشوپتى ۇناتۋىن، اۋدانىمىزدىڭ جۇپار ٴشوبىنىڭ شينجياڭعا، ٴتىپتى بۇكىل جۇڭگوعا بەتالۋىن ٴۇمىت ەتەمىز. سەرىكتەستىگىمىز مەيمان ساراي سياقتى ساياحاتپەن قاتىستى كاسىپتەرمەن شۇعىلدانادى، وسىنداي كولەمدى ۇگىتتەۋ - تانىستىرۋ قيمىلى جەرگىلىكتى ورىنداعى كاسىپورىندارعا تىڭ وراي الا كەلەتىندىگىنە سەنەمىز».   

ىلە ديڭتو قورا - جاي اشۋ سەكتى سەرىكتەستىگىنىڭ باس ديرەكتورى ما چاۋ بىلاي دەدى: «قورعاس اۋداندىق سانداۋحىزى اۋىلىنىڭ اۋەجاي قۇرىلىسى نىسانى مەن سۋ قويماسى ينجەنەرياسىن تايانىش ەتىپ، سەرىكتەستىگىمىز ساياحات اشۋعا كۇش سالۋدا. وسى رەتكى جۇپار ٴشوپ ساياحات مەرەكەسىنىڭ باستالۋ سالتى قورعاس ساياحات كاسىبىنىڭ دامۋىن تىڭ جورىققا اتتانۋعا جەبەيدى». 

ۇعىسۋىمىزشا، وسى رەتكى جۇپار ٴشوپ ساياحات مەرەكەسى كەزىندە ٴتۇرلى ەرەكشە قيمىلدار ورىستەتىلەدى ەكەن، ياعني جۇپار ٴشوپ بازاسىنداعى گۇل پەرىشتەسىنەن باقىت تىلەۋ، ارۋدىڭ گۇل تەرۋى، كاسىپورىنداردىڭ جۇپار ٴشۇپ مانەرلەۋى، قورعاس اۋدانىنىڭ ەرەكشەلىككە يە كورىنىس تۇيىندەرىندەگى ٴان - ٴبي كونسەرتى جانە توراپتان تىكە زات ساتۋ، توراپ جۇلدىزدارى ساياحاتتاۋ سياقتىلار قيمىلدىڭ سالتاناتىن اسىرىپ، جۇرتشىلىقتى تاماشا ساياحاتتاۋ - سەيىلدەۋ ورتاسىمەن قامداماق ەكەن. 

سىچۋان تەاترىنىڭ بەت قۇبىلتۋى      سۇن ي - نان فوتوسى 

ٴان اۋەنى اسقاقتادى       سۇن ي - نان فوتوسى

ساياحاتشىلار جۇپار ٴشوپ باقشاسىندا سۋرەتكە ٴتۇسىپ ەستەلىك قالدىرۋدا  سۇن ي - نان فوتوسى 

تارتىمدى مۇقام كونسەرتى         سۇن ي - نان فوتوسى