سۋرەتتە: 8 - ايدىڭ 17 - كۇنى جول شەتىندەگى موڭعۇلكۇرە اۋدانىنا كۇزگى جيىن - تەرىن جۇمىسىنا اتتانۋ الدىنداعى ٴىرى تيپتى اۋىل شارۋاشىلىق ماشينالارى.

جاڭ جىڭبين فوتوسى

ٴتىلشىمىز جاڭ جينفىڭ، ەرىكتى ٴتىلشى جاڭ جىڭبين تەكەستەن حابارلايدى. قازىر ٴبيداي سياقتى ەگىس داقىلدارىنان ٴونىم الاتىن مەزگىل. جۋىردا تەكەس اۋدانى 30 دان استام ٴىرى تيپتى كومبايىندى ٴوڭىر اتتاپ موڭعۇلكۇرەگە جۇمىس جۇرگىزۋگە ۇيىمداستىرىپ، كۇزگى استىقتىڭ تۇگەل قامبالانۋىنا كەپىلدىك ەتتى.

اتتانۋ ناق مايدانىندا، 30 دان استام ٴىرى تيپتى كومبايىن جول شەتىنە رەتتى ٴتىزىلىپ، شوفەرلەر موڭعۇلكۇرە اۋدانىنا كۇزگى جيىن - تەرىن جۇمىىسنا اتسالىسۋعا ساقاداي سايلاندى. 

سۇن گوپيڭ تاجىريبەسى مول اۋىل شارۋاشىلىق ماشينالارى تەحنيگى ٴارى وسى جولعى ٴوڭىر اتتاپ جۇمىس جۇرگىزەتىن كومبايىن شوفەرى. ول بىلاي دەدى: «تەكەس اۋداندىق اۋىل شارۋاشىلىعى، اۋىل - قىستاق مەكەمەسى وسى جولعى موڭعۇلكۇرەگە استىق ورۋعا بارۋىمىزعا <جاسىل ارنا> اشىپ، ەگىس ماشينالارىنىڭ قالىپتى دا ٴتارتىپتى جۇمىس جۇرگىزۋىنە كەپىلدىك ەتتى. ٴبىز ىندەتتەن ساقتانۋ - تىزگىندەۋ شاراسىن، ٴسوزسىز، قاتاڭ تياناقتاندىرىپ، موڭعۇلكۇرە اۋدانىنىڭ استىق ورۋ مىندەتىن ورىنداۋعا كەپىلدىك ەتەمىز».

بيىل تەكەس اۋدانى اۋىل شارۋاشىلىق ماشينالارىنىڭ ٴوڭىر اتتاپ جۇمىس جۇرگىزۋىن ٴبىر تۇتاس باسقاردى. اۋىل شارۋاشىلىق ماشينالارىن ٴوڭىر اتتاپ جۇمىس جۇرگىزۋگە ۇيىمداستىرۋدان بۇرىن، بۇل اۋدان ىندەتتەن ساقتانۋ - تىزگىندەۋ تالابىنا ساي، ٴارقايسى اۋدان - قالالارعا بارىپ جۇمىس جۇرگىزەتىن اۋىل شارۋاشىلىق ماشينالارى قىزمەتكەرلەرىنە حىسۋان، انتيگەن تەكسەرۋىن جۇرگىزىپ، ولارعا ٴوندىرىس حاۋىپسىزدىگى جانە ىندەتتەن ساقتانۋ - تىزگىندەۋ جونىندە ۇگىت - تاربيەنى كۇشەيتىپ، ولاردىڭ ٴبىر جاعىنان ىندەتتەن ساقتانۋ - تىزگىندەۋ، ەندى ٴبىر جاعىنان ٴوندىرىس حاۋىپسىزدىگىن مىقتى يگەرۋ تانىمىن ارتتىردى. وتە - موتە، ٴوڭىر اتتاپ جۇمىس جۇرگىزۋ ورەسىن قايتكەندە جوعارىلاتۋ جونىندە اۋداندىق اۋىل شارۋاشىلىعى، اۋىل - قىستاق مەكەمەسى كاسىپتىك تەحنيكتەردى ناق مايداندا جەتەكشىلىك ەتۋگە ۇسىنىس ەتىپ، ٴتۇرلى ٴىرى تيپتى اۋىل شارۋاشىلىق ماشينالارىنا قورعاۋ، كۇتۋ، رەمونتتاۋ جۇمىستارىن جۇرگىزىپ، ٴوڭىر اتتاپ جۇمىس جۇرگىزۋدىڭ حاۋىپسىز، ٴساتتى بولۋىنا كەپىلدىك ەتتى.

تەكەس اۋداندىق اۋىل شارۋاشىلىعى، اۋىل - قىستاق مەكەمەسىنىڭ ورىنباسار باستىعى پاڭ يۇڭ بىلاي دەدى: «ٴوڭىر اتتاپ جۇمىس جۇرگىزۋدى ورىستەتۋ − ٴبىر جاعىنان تەكەس اۋدانىنىڭ اۋىل شارۋاشىلىق ماشينالارى قىزمەتكەرلەرىنىڭ كىرىسىن ارتتىرۋ ٴۇشىن، ەندى ٴبىر جاعىنان موڭعۇلكۇرە اۋدانىنىڭ قازىرگى اۋىل شارۋاشىلىق ماشينالارىنىڭ تاپشى بولۋ ماسەلەسن شەشۋ ٴۇشىن كەزەكتە ٴبىز سىرتقا جىبەرگەن اۋىل شارۋاشىلىق ماشينالارى قىزمەتكەرلەرىنە وڭشەلەي قىزمەت وتەپ، ولاردىڭ جۇمىس بارىسىندا جەرگىلىكتى ورىننىڭ ىندەتتەن ساقتانۋ جانە اۋىل شارۋاشىلىق ماشينالارىن حاۋىپسىز ىستەتۋ بەلگىلەمەسىنە بويسۇنۋىنا كەپىلدىك ەتەمىز».