سۋرەتتە: ىلە گازەتى مەكەمەسىنىڭ كادرلارى مەن جۇپ قۇراعان تۋىستارى قۇلجا قالاسى جينليڭ بۇقارالىق مادەنيەت قيمىل ورتالىعىندا قويان جىلعى كوكتەم مەرەكەسىن قارسى الۋ اسەمونەر حاتكەرلىك كورمەسىن ەكسكۋرسيالاۋدا. حان شاشا فوتوسى
تىلشىلەرىمىز حان شاشا، ٴپاتيما، پراكتيكانت باۋ چينحو حابارلايدى. كوكتەم مەرەكەسى قارساڭىندا ىلە گازەتى مەكەمەسى قۇلجا قالاسى ٴپانجىم قالاشىعى ورتا ٴپانجىم قىستاعىمەن بىرلەسىپ، «كوكتەم مەرەكەسىن قارسى الىپ، ىنتىماقتى اڭگىمەلەپ، تىلەك تىلەۋ»، «ۇلتتار ىنتىماعىنىڭ بەرەكەلى شاڭىراعى» بىرلەسپە دوستىق قيمىلىن ورىستەتىپ، ۇلتتار ىنتىماعى گۇلىن ٴار ۇلت بۇقاراسىنىڭ كوكەيىندە شەشەك اتتىردى.
1 - ايدىڭ 19 - كۇنى ىلە گازەتى مەكەمەسىنىڭ جيىن زالىندا كوپشىلىك اقتارىلا اڭگىمەلەسىپ، ۇلتتار ىنتىماعى قىزمەتىن ونان ارى جاقسى ىستەۋ جونىندە اسەرلەرىن ايتىپ، ۇسىنىستار قويدى، ٴماجىلىس الاڭى قىزۋ مەرەيگە شومدى.
«بۇگىنگى قيمىلعا قاتىناسىپ ەرەكشە تەبىرەندىم، كوپشىلىك بىرگە شاتتىققا شومىپ، ارامىزداعى سۇيىسپەنشىلىك ونان ارى تەرەڭدەدى. قىزمەت اترەتىنىڭ مۇشەسى رەتىندە، بۇدان كەيىن قىستاق تۇرعىندارىنا پارتيانىڭ حالىققا تيىمدىلىك جاساۋ ساياساتتارىن ويداعىداي ۇگىتتەپ، ٴىس جۇزىندىك ارەكەتىم ارقىلى ۇلتتار ىنتىماعى سۇيىسپەنشىلىگىن جەتكىزەمىن» دەدى قۇلجا قالالىق مادەنيەت - ساياحات مەكەمەسىنىڭ ورتا ٴپانجىم قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى شاھاربان قايرات.
ىلە ـ شالا ىلە گازەتى مەكەمەسىنىڭ تۋىستاسقان كادرلارى مەن قيمىلعا قاتىناسقان جۇپ قۇراعان تۋىستار قۇلجا قالاسى التىشۋار سالت ـ سانا مادەنيەت كورمە سارايىنا، قۇلجا قالاسى جينليڭ بۇقارالىق مادەنيەت قيمىل ورتالىعىنا بارىپ ەكسكۋرسيالادى. كوپشىلىك تۇسىندىرمەنى مۇقيات تىڭداپ، قاتىستى جاعدايلاردى ەگجەي ـ تەگجەيلى ۇعىسىپ، سۋرەت كورمەسىن تاماشالاپ، مادەنيەتتىڭ قۇدىرەتىن سەزىندى.
«بۇگىن التىشۋار سالت - سانا مادەنيەت كورمە سارايىن ەكسكۋرسيالاپ، التىشۋاردىڭ تاريحي مادەنيەتىن ٴتۇسىنىپ، كوپ نارسەنى ۇيرەندىم. ۇيرەنۋ ارقىلى كوز ايامىزدى كەڭەيتىپ، ٴبىلىمىمىزدى مولايتتىق» دەدى ورتا ٴپانجىم قىستاعىنىڭ تۇرعىنى رايحانگۇل مويدىن.
«بۇگىنگى قيمىل توتەنشە تارتىمدى بولدى، ۇلتتار اراسىنداعى سۇيىسپەنشىلىكتى تەرەڭدەتتى. كوكتەم مەرەكەسى تاياپ قالدى، ٴبىز وتاننىڭ گۇلدەنىپ - كوركەيۋىن، قۇدىرەتتەنۋىن، بۇقارا تۇرمىسىنىڭ بارعان سايىن باقىتتى بولۋىن تىلەيمىز» دەدى ورتا ٴپانجىم قىستاعىنىڭ تۇرعىنى ٴدىلدار ٴدىلمۇرات.
ىلە گازەتى مەكەمەسى پارتكومىنىڭ مۇشەسى، ورىنباسار باس رەداكتور نۇردۇن مۇنۇر مىنانى ٴبىلدىردى: «ۇلتتار ىنتىماعىنىڭ بەرەكەلى شاڭىراعى» بىرلەسپە دوستىق قيمىلىندا ٴار ۇلت كادر - جۇرتشىلىعى ٴبىر اراعا باس قوسىپ، ۇلتتار اراسىنداعى ارالاسۋ، ىشتەسۋ، توعىسۋ جەبەلدى. بۇدان كەيىن «ۇلتتار ىنتىماعىنىڭ بەرەكەلى شاڭىراعى» بىرلەسپە دوستىق قيمىلىن ۇزدىكسىز ويداعىداي ورىستەتىپ، ٴار ۇلت بۇقاراسىن جۇڭحۋا ۇلتى ورتاق تۇلعا تانىمىن بەكەمدەۋگە تاربيەلەپ، جەتەكتەپ، بارلىق ادام ۇلتتار ىنتىماعىن قاستەرلەيتىن، ۇلتتار ىنتىماعىن قورعايتىن قويۋ راي قالىپتاستىرامىز.