汉文 ىلە اقپارات تورابىنا حوش كەلدىڭىزدەر!
ىلە وزەنى 3 - كوپىرى قۇرىلىسى تارتىپپەن ىلگەرىلەتىلۋدە
2023-04-25 10:52:31     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

ەرىكتى ٴتىلشى ما يۇي حابارلايدى. كەزەكتە ىلە وبلىسىنىڭ ٴتۇيىندى نىسانى - ىلە وزەنى 3 - كوپىرى ينجەنەرياسى قۇرىلىسى تارتىپپەن ىلگەرىلەتىلىپ، قۇرىلىسشىلار تۇعىر دىڭگەك ورناتۋ، ىرگەتاس تۇرعىزۋ، كوتەرگى ورناتۋ قۇرىلىسى اياق الىسىن بار كۇشپەن ىلگەرىلەتۋدە.

جۇڭگو تەمىر جولى 3 ـ مەكەمەسى توبى شەكتى سەرىكتەستىگى قۇرىلىستى ۇستىنە العان ىلە وزەنى 3 ـ كوپىرى نىسانىنا جالپى 624 ميلليون يۋان قارجى قوسىلعان، جالپى ۇزىندىعى 2.86 كيلومەتر، مۇنىڭ ىشىندە 2023 مەترلىك ەرەكشە كوپىردى دە قامتيدى، كوپىردىڭ كەڭدىگى 23.5 مەتر. نىسان قوس باعىتتا 4 اۆتوموبيل ٴبىر ۋاقىتتا قاتىناي الاتىن 1 - دارەجەلى تاس جول ٴارى قالا نەگىزگى جولى ولشەمى بويىنشا سالىنعان، ساعاتتىق جىلدامدىعى 60 كيلومەتر ەتىپ جوبالانعان.

قازىر بۇل كوپىر قۇرىلىسىنىڭ سولتۇستىك كىرە بەرىسىندەگى 30 ـ ٴنومىرلى تۇعىر دىڭگەگىنىڭ وڭ جاق تاعانىنداعى بولات شىبىق توقىلىپ بولىپ، ارقالىق قاڭقاسىن ورناتىپ بولعاننان كەيىن بەتون قۇيىپ، كەلەسى قادامداعى جۇمىستارعا دايىندىق جاسالۋدا. كوپىردىڭ 37 - ٴنومىرلى تۇعىر دىڭگەگى تاعانىن بۇرعىلاۋ جۇمىسى جۇرىلۋدە.

ۇعىسۋعا قاراعاندا نىسان 11 ـ ايدىڭ ورتا شەنىنە دەيىن نەگىزگى كوپىردىڭ %30 ىن، كوپىر كىرە بەرىسى قۇرىلىسىنىڭ %50 ىن ورىنداۋ جوسپارلانعان. ينجەنەريا قۇرىلىسى تارتىپپەن ىلگەرىلەتىلىپ، 2025 - جىلى ۋاعىندا ٴبىتىرىپ، كولىك قاتىناۋىنا كەپىلدىك ەتىلەدى ەكەن.

ىلە وزەنى 3 - كوپىرىن چۇڭچيڭ قاتىناس عىلمي زەرتتەۋ جوبالاۋ مەكەمەسى شەكتى سەرىكتىگى جوبالاعان، ٴپىشىن جوبالاۋىنىڭ كورنەۋ ٴتۇيىنى − الاسا مۇنارالى قيعاش اسپالى كوپىر، الاسا مۇنارا ”O“ فورمالى بولات ارالاسپا قۇرىلىم بويىنشا جوبالانعان، ىلە وزەنى كورىنىس بەلدەۋىندەگى ٴبىر كوپىر − ٴبىر كورىنىستى ايگىلەگەن ەرەكشە تاماشالاۋ سيپاتىنا يە.

نىساننىڭ سولتۇستىك جاعالاۋى قۇلجا باقشا رايونىنىڭ ٴۇشىنشى كوپىر جولىمەن، وڭتۇستىك جاعالاۋى چاپچال سىبە اۆتونوميالى اۋدانىنىڭ سازدىق باقشا قاقپاسى X718 لەنياسىمەن تۇتاسادى، قۇلجا قالاسىنىڭ <جەتى بويلىق، ٴۇش ەندىك، ٴبىر اينالما> جول جوباسى تورابىنىڭ 5 - بويلىعىندا بولىپ، قۇلجا قالاسى مەن چاپچال اۋدانىن تۇتاستىراتىن وتكەل، بۇل كوپىر سالىنىپ بولعاننان كەيىن ىلە وزەنىنىڭ وڭتۇستىگى مەن سولتۇستىگىندەگى تۇرعىنداردىڭ ٴجۇرىس - تۇرىسنا ٴتىپتى دە قولايلى بولادى، ”ەكى قورعاس، ەكى قۇلجانى“ ٴبىر تۇلعالاندىرىپ دامىتۋدى ىلگەرىلەتۋدە كەلەلى ٴمان الادى.

bf36fc242ad810e8ac7c47639aec3ed.jpg

سالىنۋ ۇستىندەگى ىلە وزەنى 3 - كوپىرى 

fae393a8895127d2a9f735a6c8c9091.jpg

قۇرىلىس مايدانى 

ما يۇي فوتوسى