شينجياڭنان 5 ورىن مەملەكەت دارەجەلى ساياحاتتان وركەنيەتتى ۇلگى كورسەتەتىن ورىن بولىپ تاڭدالدى

نارات كورىنىس رايونى  بۇل تىزىمدىككە ەندى

شينجياڭ گازەتىنىڭ حابارى (ٴتىلشى ۋاڭ جيڭجيڭ) مادەنيەت جانە ساياحات مينيسترلىگى توراپ بەكەتىنىڭ حابارىنا قاراعاندا، تاياۋدا مەملەكەتتىك ساياحاتتى ولشەمدەندىرۋ تەحنيكاسى كوميتەتى «2 - توپتاعى مەملەكەت دارەجەلى ساياحاتتان وركەنيەتتى ۇلگى كورسەتەتىن ورىنداردى باعالاۋ ناتيجەسى جونىندەگى حابارلاندىرۋىن» جاريالاعان. مۇنىڭ ىشىندە التاي ايماعىنىڭ قاناس كورىنىس رايونى، ىلە قازاق اۆتونوميالى وبلىسىنىڭ نارات كورىنىس رايونى، سانجى حۇيزۋ اۆتونوميالى وبلىسىنىڭ تيانشان بوعدا كولى كورىنىس رايونى، بۇراتالا موڭعۇل اۆتونوميالى وبلىسىنىڭ سايرام كولى كورىنىس رايونى، شينجياڭ ٴوندىرىس ـ قۇرىلىس بيڭتۋانى 359 ـ لۇيىنىڭ تىڭ يگەرۋ ەسكەرتكىش سارايى وسى تىزىمدىككە تاڭدالىپ ەنگىزىلگەن.

ساياحاتتان وركەنيەتتى ۇلگى كورسەتەتىن ورىندار دەپ ساياحاتتى وركەنيەتتى بەلسەنە ىلگەرىلەتۋ، ساياحاتشىلارعا جەتەكشىلىك ەتۋ جانە ساياحات كاسىبىمەن شۇعىلدانۋشىلاردى وركەنيەتتى ارەكەتكە تاربيەلەۋگە ۇيىمداستىرۋ سياقتى جاقتاردا ۇلگى كورسەتەتىن ورىندار ايتىلىپ وتىر. ساياحاتتان وركەنيەتتى ۇلگى كورسەتەتىن ورىنداردى باعالاۋدا ۇيىمدىق باسقارۋ، بايلىقتى قورعاۋ، ساياحات ورتاسى سياقتى جاقتاردى باعالاۋعا باسا ٴمان بەرىلۋمەن بىرگە، وركەنيەتتى ەسكەرتۋ، وركەنيەتتى جەتەكشىلىك ەتۋ، وركەنيەتتى امالياتتا ايگىلەۋ سياقتى تۇيىندەردىڭ تياناقتاندىرىلۋى اناعۇرلىم كورنەكتىلەندىرىلەدى.

قاناس كورىنىس رايونى 2021 ـ جىلدان قازىرگە دەيىن جالپى 246 ميلليون يۋان قارجى قوسىپ، جۇمساق ورتاسىن ۇزدىكسىز ساپالىلاندىرىپ، ناقتى قۋاتىن ارتتىرىپ، ساياحات كاسىبىمەن شۇعىلدانۋشىلار مەن ساياحاتشىلاردىڭ وركەنيەت ساپاسىن ۇزدىكسىز جوعارىلاتۋدى جەبەپ، جاڭا داۋىردەگى وركەنيەتتى ساياحات سالتىنا جەتەكشىلىك ەتىپ، قوعامنىڭ جاپپاي مويىنداۋىنا يە بولدى.

نارات كورىنىس رايونى كورىنىس رايونىنىڭ جاڭا داۋىردەگى وركەنيەت امالياتى ورنىن، 3 ەرىكتى قىزمەت وتەۋ پۋنكتىن، 160 تان استام ادامنان قۇرالعان ەرىكتى قىزمەت وتەۋ اترەتىن قۇرىپ، ٴتۇرلى ەرىكتى قىزمەت وتەۋ قيمىلىن ورىستەتىپ، زاڭ ـ ەرەجەنى، وركەنيەتتى ساياحاتتاۋدى ۇگىتتەۋ، جەتەكتەۋ قىزمەتىن جان ـ جاقتى ورىستەتتى.

تيانشان بوعدا كولى كورىنىس رايونى ”ەڭ تاڭداۋلى بوعدالىق“، ”ەڭ تاڭداۋلى بەلەت قىزمەتكەرى“، ”ەڭ تاڭداۋلى تەكسەرۋشى“، ”ەڭ تاڭداۋلى تيجاراتشى وتباسى“ سياقتى 50 دەن استام مادەنيەت ۇلگىلەرىن سيلاۋ - ماداقتاۋ ارقىلى بارلىق قىزمەتكەر وركەنيەتتى ورىن قۇرۋعا ات سالىساتىن، كورىنىس رايونى مەن كاسىپورىن بىرلەسىپ وركەنيەتتى ورىن قۇراتىن تاماشا جاعداي قالىپتاستىرىپ، كورىنىس ٴوڭىرىنىڭ تازا، جاسىل، كورىكتى، وركەنيەتتى بولۋىنا مۇمكىندىك جاسادى. 

سايرام كولى كورىنىس رايونى وركەنيەتتى ورىن قۇرۋدى ٴتۇرلى قىزمەتتەرگە ٴسىڭىرىپ، كۇندەلىكتى تۇرمىس بارىسىندا يگەرىپ، ۇنەمى مىقتى يگەرىپ، وركەنيەتتى ساياحاتقا كەپىلدىك ەتىپ، ساپالى قىزمەت وتەۋدەن جازباي، وركەنيەتتى ساياحات وبرازىن سومداپ، وركەنيەت پەن كوركەم كورىنىستى ساباقتاستىرۋعا مۇمكىندىك جاسادى. 

شينجياڭ ٴوندىرىس ـ قۇرىلىس بيڭتۋانى 359 ـ لۇيىنىڭ تىڭ يگەرۋ ەسكەرتكىش سارايى ٴتۇزىم قۇرىلىسى، قىزمەت وتەۋ ساپاسى، ۇگىت ارقىلى جەتەكشىلىك ەتۋگە جانە امالياتتىق قيمىل سياقتى جاقتاردان ىسكە كىرىسىپ، وركەنيەتتى ورىن قۇرۋ قىزمەتىن تىڭعىلىقتى ىلگەرىلەتىپ، ەسكەرتكىش سارايىنىڭ وركەنيەتتى ساياحاتقا قىزمەت وتەۋ تانىمى مەن قىزمەت وتەۋ ساپاسىن بارىنشا جوعارىلاتتى.

”ٴبىز وركەنيەتتى ساياحات جاعىندا ەرەكشەلىك كورسەتىپ، بۇقارالىق ساياحات داۋىرىندە حالىق بۇقاراسىنىڭ ساياحاتقا قىزمەت وتەۋ جانە ساياحاتتى ٴتۇسىنۋى جونىندەگى جاڭا تىلەگىن، جاڭا قاجەتىن اناعۇرلىم ويداعىداي قاناعاتتاندىرىپ، ’وركەنيەتتى ساياحاتتى‘ جالپىلاستىرۋدىڭ ەڭ جاقسى جەرىنە، امالياتتا ايگىلەۋ ورنىنا جانە ۇلگى كورسەتۋ ورنىنا اينالدىرۋعا قۇلشىنامىز“ دەدى شينجياڭ بوعدا كولى باسقارۋ كوميتەتى ۇگىت ـ تاربيە، زاڭ ـ ەرەجە باسقارماسىنىڭ ورىنباسار باستىعى باي ليميڭ.

كورىكتى نارات          (ماتەريال سۋرەت)