شينجياڭ گازەتىنىڭ حابارى (ٴتىلشى بارشا تەگىس قىزى). قازىر نارات كورىنىس رايونىنىڭ ەڭ كوركەم مەزگىلى. نارات كورىنىس رايونى كورىنىس تاماشالاۋ تەكشەسى اسپالى جول نىسانىنىڭ قۇرىلىس ورنىنان جۇمىسشىلاردىڭ قاۋىرت جۇمىس جۇرگىزىپ، اسپالى جول تىرەۋىشى، قوزعالتقىش قۇرىلعى سياقتىلاردى ورناتىپ بولعاندىعىن، ٴارقايسى قۇرىلعى بولمەلەرىنىڭ نەگىزگى تۇلعاسىنىڭ سالىنىپ بولعانىن، جەتەكشى رەلىس قۇرىلعىسىنىڭ قۇراستىرىلىپ جاتقانىن كورگەن.

اسپالى جول نىسانىنىڭ جاۋاپتىسى شينجياڭ حۋاتۇڭ تايكى سەيىل - سەرۋەن جابدىقتارى شەكتى سەرىكتەستىگىنىڭ باس ديرەكتورى جوۋ تاۋ بىلاي دەپ تانىستىردى: نىسان جاپپاي سىناقتان وتكىزۋ كەزەڭىنە ٴوتتى، سالىنىپ بولعاننان كەيىن شينجياڭداعى ەڭ ٴىرى جىل بويى جۇمىس جۇرگىزىلەتىن اسپالى جول ەسەپتەلىنەدى، بۇل مەجەمەن بيىل 6 ـ ايدا پايدالانۋعا بەرىلەدى.

كورىنىس تاماشالاۋ تۇعىرى اسپالى جولى − جان - جاعى تۇيىقتالعان 8 ادامدىق اسپالى اينەك ساندىق بولىپ، جالپى ۇزىندىعى 6200 مەتر، تەڭىز دەڭگەيىنەن بيىكتىگى 580 مەتر، بىرەۋىنە 8 ادام وتىرۋعا بولاتىن جالپى 79 اسپالى ساندىق ورناتىلعان.

نارات كورىنىس رايونىنىڭ سالىنۋ ۇستىندەگى ساياحاتشىلارعا قىزمەت وتەۋ ورتالىعى نىسانى اياقتاۋ كەزەڭىنە ٴوتتى. بۇل نىسان قۇرىلىسى 4 قاباتتى نەگىزگى تۇلعالىق عيمارات سۋمەن قامداۋ، ەلەكترمەن قامداۋ، سۋ ىعىستىرۋ، حابارلاسۋ، اۆتوكولىك توقتاتۋ الاڭى جانە جاسىلداندىرۋ، زەردەلى قىزمەت وتەۋ قۇرىلعىلارىمەن قوسا، تاريحي مادەنيەت كورمە مۇراجايى سياقتىلاردى دا ٴوز ىشىنە الادى. قازىر جالپى تۇلعالىق ينجەنەريانىڭ %95 تەن استامى سالىنىپ بولدى، مەجەمەن ساياحاتتىڭ قاۋىرت مەزگىلىنەن بۇرىن پايدالانۋعا بەرىلمەك، پايدالانۋعا بەرىلگەننەن كەيىن كورىنىس رايونىنداعى ساياحاتشىلاردى ىڭعايلى ورنالاستىرۋ، اۆتوكولىك توقتاتۋ، زەردەلى قىزمەت وتەۋ، كاسىپ كۇيىن رەتتەۋ سياقتى جاقتارداعى سيىمدىلىعى ارتتىرىلىپ، ونىمدىلىگىنىڭ كۇشەيتىلۋىنە مۇمكىندىك جاسالادى؛ بەلەت ساتۋ، بەلەت تەكسەرۋ، ارالىقتا كولىك اۋىستىرۋ، ارىز ـ شاعىم قابىلداۋ، مەديتسينالىق قۇتقارۋ، دەمالۋ جانە زات ساتىپ الۋ سياقتى يقۋات جاقتارىندا ساپاسى مەن دارەجەسى جوعارىلاتىلادى.

ساياحاتشىلاردى جانعا جايلى، قولايلى تاماقتانۋ ورتاسىمەن، جاتىن ورىنمەن قامداۋ ٴۇشىن، نارات كورىنىس رايونى كورىنىس تاماشالاۋ تۇعىرى اسپالى جولى سياقتى ٴتۇيىندى نىسانداردىڭ ىسكە قوسىلۋ اياق الىسىن جەدەلدەتۋمەن بىرگە، جينليڭ قوناق ٴۇيى، ياڭزىجياڭ يەچۇن، «سۇيىكتى شينجياڭ» سياقتى قوناقجايلاردىڭ اس - سۋ ماركاسىن ەنگىزىپ، ٴداستۇرلى تاريحي مادەنيەتكە مۇراگەرلىك ەتۋمەن بىرگە، شىت جاڭا داۋىرلىك مازمۇنداردى ۇزدىكسىز ۇستەپ، مادەنيەت - ساياحات نەگىزدىك قۇرىلعىلارىن، ونىمدەردىڭ كاسىپ كۇيىن جانە قىزمەت وتەۋ جۇيەسىن قالىپتاستىردى. «اس - سۋ، جاتىن ورىن، ٴجۇرىس - تۇرىس، ساياحات، زات ساتىپ الۋ، كوڭىل اشۋ» ونىمدەرىنىڭ ساپاسىن، دارەجەسىن، كولەمىن جاپپاي جوعارىلاتۋدى جۇزەگە اسىردى.

سۋرەتتە: نارات كورىنىس رايونىنىڭ سالىنۋ ۇستىندەگى ساياحاتشىلارعا قىزمەت وتەۋ ورتالىعى. 

نارات كورىنىس رايونى باسقارۋ كوميتەتى سۋرەتپەن قامداعان

4 - ايدىڭ 3 - كۇنى نارات كورىنىس رايونىنىڭ سالىنۋ ۇستىندەگى ساياحاتشىلارعا قىزمەت وتەۋ ورتالىعى نىسانى اياقتاۋ كەزەڭىنە ٴوتتى.

سۋرەتتى بارشا تەگىس قىزى تۇسىرگەن