كورىنىسى كوركەم ىلەنىڭ بار الابى اسەم كارتينا

ماقالاسىن جازعان ٴوز ٴتىلشىمىز لۋ جۇڭ، سۋرەتتەرىن تۇسىرگەن ٴوز تىلشىلەرىمىز لاي يۇينيڭ، جاڭ چيڭحۋا، ەرىكتى ٴتىلشى دوۋ شياۋچۇن

شينجياڭداعى الۋان ۇلگىدەگى كوركەم كورىنىس وڭىرلەرىنىڭ ىشىندە ىلە تىپتەن وزگەشە: اينالاسىن تاۋ قورشاعان جاسىل ٴداليز، كوزدىڭ جاۋىن الاتىن گۇلدى القاپ، جىل بويى قار قىمتانىپ جاتاتىن اسقار تاۋلار، ٴبىر - بىرىمەن جاراسىم تاپقان جىنىس ورمان، جاسىل جايلاۋ، سايىن ساحارا. مۇندا كورىنىس رايوندارى، كورىنىس تۇيىندەرى عانا ەمەس، 800 كيلومەترگە سوزىلىپ جاتقان اسەم كاريدور بار. ادامدار ىلە وزەنى اڭعارىن شينجياڭنىڭ ۇلان - بايتاق دالاسىنداعى ەڭ تاماشا جەر دەسەدى.

وسىناۋ ۇلان - بايتاق جەرگە جەر شارىنداعى بارلىق تابيعات كورىنىستەرى شوعىرلانعان: قۇمدىق، جايلاۋ، ويپات، تاۋ سىلەمى، وزەن - كول، قۇبا ٴتۇز، جاسىل القاپ، مۇزدىق، قارلى تاۋ، بىتىك ورمان... كورەم دەگەنىڭىزدىڭ ٴبارى دە وسى ارادان تابىلادى.

بۇل ارادا دۇنيە جۇزىلىك جاراتىلىستىق مۇرا ورنى قاراجون، كولدەنەڭ كورىنىس رايونى؛ بۇكىل ەلدەگى ەڭ كوركەم التى ساحارانىڭ ٴبىرى نارات؛ ”ٴجۇز شاقىرىمدىق كارتينا، تابيعي سۋرەت ٴدالىزى“ تاڭبالى جايلاۋى؛ ”كەمپىرقوساق اۋىلى . تۇلپار مەكەنى“ موڭعۇلكۇرە ساحاراسى بار. كوكتەمدە تاۋ گۇلدەرى جايقالا اشىلىپ، بار الاپ ورىك گۇلىمەن ساندەنەدى؛ جازدا سالقىن حوش ٴيىستى جۇپار ٴشوپ گۇلدى القاپقا اينالىپ، كۇلگىن رەۋىشتى رومانتيكا قالىپتاستىرادى؛ كۇزدە جۇزدەگەن شاقىرىمعا سوزىلعان قىرقالار قالىڭ ورمانمەن كومكەرىلىپ، كوزدىڭ جاۋىن الاتىن كوركەم كارتينانى كەسكىندەيدى؛ قىستا اق قارمەن قىمتانعان وزەن اڭعارى كۇمىس مونشاق تاعىنىپ، شەكارا وڭىردەگى اسەم سۋرەتتى سۇلبالايدى.

مادەنيەت مايەگى. ىلە جاڭ چياننىڭ باتىس وڭىرگە ەلشىلىككە بارۋى، حان اۋلەتى حانىشاسىنىڭ ۇيسىنگە ۇزاتىلۋى، ىلە گەنەرال مەكەمەسىنىڭ قۇرىلۋى، سىبە ۇلتىنىڭ باتىسقا قونىس اۋدارۋى، لين زىشۇيدىڭ تىڭ يگەرۋى، زو زۇڭتاڭنىڭ شينجياڭنىڭ جەرىن قايتارىپ الۋى سياقتى كەلەلى تاريحي ۋاقيعالارعا كۋا بولعان جەر، مۇندا كۇرە بايىرعى قالاشىعى، تەكەس سەگىز تاڭبالى قالاشىعى، قۇلجا التىشۋار كوشەسى جانە ساحاراداعى بالبالدار، جارتاس سۋرەتتەرى سياقتى باعالى تاريحي مادەنيەت مۇرالارى قالعان. ىلە تاعى ”شىعىس پەن باتىس مادەنيەتى شوعىرلانعان جەر“ دەپ اتالادى، مۇندا ۇزاقتان بەرى بىرگە جاساسىپ كەلگەن 47 ۇلت ٴوزارا ارالاسىپ، ىشتەسىپ، توعىسىپ، وزىندىك ەرەكشەلىككە يە ٴان - ٴبي، اس - سۋ، كيىم - كەشەك مادەنيەتىن ايگىلەپ، ساحاراداعى كوشپەندى تىرشىلىك كورۋ، تىڭ يگەرۋ، شەكارانى قورعاۋ، ۇلتتىق سالت - سانا ٴبىر تۇلعالانعان كوپ نەگىزدى مادەنيەتتى بىرگە قالىپتاستىرعان.

ٴدامدى تاعام ٴلاززاتى. ٴدامدى تاعامدارى بولماعان ساياحات كەمەلدى ساياحات بولمايدى، ىلە كوپ ۇلت شوعىرلى قونىستانعان ٴوڭىر. ۇزاق ۋاقىتتىق ٴوندىرىس، تۇرمىس بارىسىندا، ۇلتتاردىڭ اس - سۋ مادەنيەتى اۋىس - كۇيىس بارىسىندا بىرگە دامىپ، وزىندىك ەرەكشەلىككە يە اس - سۋ مادەنيەتىن بىرتىندەپ قالىپتاستىرعان.

قولايلى ساياحات ورتاسىنىڭ شاتتىعى. ىلەدە تاس جول، تەمىر جول، اۆياتسيا ٴبىر تۇلعالانعان جان ـ جاقتى، ستەرەولدى قاتىناس تورابى قالىپتاسقان، ەكولوگيالىق ورتاسى، قونىس ورتاسى جانعا جايلى، سايكەستى قۇرىلعىلارى قونىستانۋعا جايلى، جۇمساق قىزمەت وتەۋى جانعا جايلى، توڭىرەكتەگى وڭىرلەرى ساياحاتتاۋعا قولايلى، سونىمەن بىرگە G219، مايتاۋ ـ كۇشار تاس جولى، قۇلجا ـ موڭعۇلكۇرە تاس جولى، نارات پانلۇڭگۋ جولى سياقتى ٴوز كولىگىمەن ساياحاتتاۋداعى كوپتەگەن ەڭ كوركەم تاس جولدارى بار.

5 - ايدىڭ 5 - كۇنى 2022 − 2023 - جىلعى ”جۇڭگوداعى تۇرمىسقا قولايلى ەڭ تاماشا قالالاردىڭ“ تىزىمدىگىن جاريالاۋ سالتى چىڭدۋدا وتكىزىلدى، ىلە ”ٴسوزسىز، بارىپ كورەتىن 10 ٴىرى تارتىمدى قالا“ تىزىمىنە ەنىپ، تاعى ٴبىر جارقىراعان جاڭا تانىسقىعا يە بولدى.

ىلە وسىنشاما ۇلكەن بولسا، وسىنشاما كوركەم بولسا، قاي جەرى بارۋعا تاتيدى؟ مەن بۇعان ٴار ماۋسىمنىڭ وزىندىك ەرەكشەلىگى بار، ٴار اۋدان - قالاسىنىڭ وزىندىك كوركەم كورىنىسى بار، مۇندا كۇن سايىن جاڭالىقتار بار، قادام سايىن كوركەم كارتينا بار دەر ەدىم.

قۇلجا قالاسى:

جىبەك جولىنداعى گۇلىستان، كورىكتى قۇلجا

قۇلجا قالاسىندا كوپ نەگىزدى، ٴبىر تۇلعالى، كوپ ٴتۇرلى ۇلتتىق سالت ـ سانا مادەنيەتى بار، جۇڭگوداعى از ۇلت ەرەكشەلىگىنە يە ساياحات ورنى − قازانشى ۇلتتىق سالت ـ سانا ساياحات رايونى، مەملەكەت دارەجەلى ساياحات، سەيىل ـ سەرۋەن كوشەسى التىشۋار  كوشەسى سياقتى مەملەكەتتىك 4A دارەجەلى كورىنىس رايونى؛ جىبەك جولى مادەنيەت ـ ساياحات قالاشىعى، زىسۋليرىن جاڭالىق اشۋ كاسىپ باقشاسى، جىبەك جولى شۇعىلاسى ساياحات شاعىن قالاشىعى سياقتى مەملەكەتتىك 3A دارەجەلى كورىنىس رايوندارى بار، سونىمەن بىرگە، ىلە وبلىستىق مۇراجاي، لين زىشۇي ەسكەرتكىشى سارايى، حان حانىشالارى ەسكەرتكىشى سارايى، التىشۋار كوشەسى ۇلتتىق سالت ـ سانا مادەنيەت كورمە سارايى، گارمون مۇراجايى سياقتى ىقپالعا يە قالا ىشىندەگى كورىنىس تۇيىندەرى جانە حالىق باقشاسى، سازدىق باقشاسى، الما باقشاسى سياقتى ەرەكشە باۋ ـ باقشا كورىنىس رايوندارى بار.

قۇلجا قالاسى ”جۇڭگونىڭ تاڭداۋلى ساياحات قالاسى“، ”مەملەكەتتىك باۋ ـ باقشالى قالا“، ”مەملەكەتتىك تاريحي، مادەني ايگىلى قالا“، ”جۇڭگوداعى كليماتى جانعا جايلى قالا“ بولىپ قالماستان، ”جۇڭگو ساياحاتىنداعى 100 ەگەي اۋدان - قالا“،”اۆتونوميالى رايوننىڭ جالپى وڭىرلىك ساياحاتتان ۇلگى كورسەتۋ رايونى“، ”جۇڭگونىڭ حالىقتىق مادەنيەت ـ كوركەمونەر مەكەنى“ اتاقتارىنا يە.

كورىكتى قۇلجا قالاسى

كۇيتۇن قالاسى:

جىبەك جولىنداعى مەرۋەرت. كوركەم كۇيتۇن

كۇيتۇن قالاسىندا مەملەكەتتىك 4A دارەجەلى جينشيۋيۋان كورىنىس ٴوڭىرى جانە 3A دارەجەلى رۇنمين ەكولوگيالىق باقشا كورىنىس ٴوڭىرى، بۇكىل شينجياڭداعى ەڭ ۇلكەن بولمە ٴىشى سۋ الەمى − ديانياكور ارالى سايرانباعى، امبەباپ ساۋدا تۇلعاسى دوستىق ساۋدا بازارى، ٴوندىرۋ مەن ساتۋدى ٴبىر تۇلعالاندىرعان ”جينچىڭيۋان“ قاس تاسى قالاسى، دۋماندى قارعالداق الاڭى، جاستار باقشاسى، كىتاپحانا، مادەنيەت - كوركەمونەر ورتالىعى، ٴدامدى تاعامداردىڭ حوش ٴيىسى اڭقىعان شيحۋ كوشەسى، ساۋان كوشەسى سياقتىلار بار. ”مەملەكەتتىك باۋ - باقشالى قالا“، ”جۇڭگوداعى قونىستانۋعا جايلى ورتا سيلىعى“ قاتارلى داڭقتارعا يە بولعان.

كۇيتۇن ۇلكەن شاتقالى

قورعاس قالاسى:

مىڭ جىلدىق بەكەت . عاسىرلىق وتكەل

سوناۋ سۇي، تاڭ داۋىرلەرىندە قورعاس بايىرعى ”جىبەك جولىنىڭ“ جاڭا سولتۇستىك جولىنداعى ماڭىزدى بەكەت بولعان. كەدەننەن ٴوتۋدىڭ ۇزاق تاريحى مەن ەرەكشە وڭىرلىك شارت ـ جاعدايى مەملەكەتتىك 4A دارەجەلى كورىنىس رايونى قورعاس جۇڭگو ـ قازاقستان حالىقارالىق مادەنيەت ـ ساياحات رايونى، مەملەكەتتىك 3A دارەجەلى كورىنىس رايونى كوكدالا ساحاراسىنىڭ كەشكى سالت ـ سانا باقشاسى كورىنىس رايونىن قالىپتاستىرعان. بۇل ارادا دۇنيە ٴجۇزى بويىنشا تۇڭعىش ”ٴبىر رايون، ەكى ەل“ ابزالدىلىعىنا يە تاماشالاۋ، سەيىل - سەرۋەن، دەمالۋ، باجىسىز زات ساتىپ الۋ ٴبىر تۇلعالانعان جۇڭگو - قازاقستان قورعاس حالىقارالىق شەكارالىق سەلبەستىك ورتالىعى، ”جۇڭگونىڭ باتىس بولىگىندەگى ٴبىرىنشى مەملەكەت قاقپاسى“ اتالعان قورعاستىڭ 6 - ۇرپاق مەملەكەت قاقپاسى بار، بۇل شەكارا اتتاعان ساياحاتتا ەڭ الدىمەن تاڭدايتىن جەر.

جۇڭگو ـ قازاقستان قورعاس حالىقارالىق شەكارالىق سەلبەستىك ورتالىعى

قۇلجا اۋدانى:

ىرىستى . بەرەكەلى ورىك مەكەنى

قۇلجا اۋدانىندا مەملەكەتتىك 4A دارەجەلى كورىنىس رايونى تۋراسۋ جايلاۋى، تيانشان گۇل تەڭىزى جانە مەملەكەتتىك 3A دارەجەلى كورىنىس رايونى ٴۇشۇن حۇيزۋ حۋا ـ ار ۇلتتىق سالت ـ سانا ساياحات رايونى، جۇڭگوداعى ەڭ ۇلكەن سىبىزعى تۇمسىق اققۋدىڭ قىستايتىن مەكەنى − اققۋ بۇلاق سازدىق باقشاسى، سونداي ـ اق بايىرعى جىبەك جولىنىڭ سولتۇستىك جولىنداعى ماڭىزدى قالاشىقتاردىڭ ٴبىرى بولعان گۇڭيۋە قالاشىعى، ۇلت قاھارمانى لين زىشۇي قارجى قوسىپ سالدىرعان قاس وزەنى لۇڭكوۋ ەسكى جۇرتى، مەملەكەت دارەجەلى ۇساق جاپىراقتى ەرەن اعاشى جاراتىلىستىق قورىعى بار.

اققۋ كولى

قورعاس اۋدانى:

كۇرە بايىرعى قالاسى . جۇپار ٴشوپ مەكەنى

قورعاس اۋدانىنىڭ جاعراپيالىق جەر بەدەرى الۋان ٴتۇرلى، تابيعي كوركەم كورىنىستەرگە تولى، ورمان، وزەن، جايىلىم، قۇمدى ٴشول ٴبارى تابىلادى، مۇندا مەملەكەتتىك تاريحي مادەنيەتتە ايگىلى كۇرە قالاشىعى، مەملەكەتتىك 4A دارەجەلى كورىنىس رايونى جيەيوۋ حانىشا جۇپار ٴشوپ باقشاسى، تۇكەي قۇمدىعى كورىنىس رايونى، داشيگۋ جۇڭحۋا فۋشوۋشان تاۋى، مەملەكەتتىك 3A دارەجەلى كورىنىس رايونى - كەڭساي ـ سايرام كولى كورىنىس رايونى، جىبەك جولى نۇڭساڭ باقشاسى سياقتىلار. قورعاس اۋدانى فرانسيانىڭ پروۆەنسىمەن جاعراپيالىق ورنى، كليمات شارت - جاعدايى جانە توپىراعى جاعىنان توتەنشە ۇقساس بولعاندىقتان جۇپار ٴشوپ وسىرۋگە توتەنشە ۇيلەسەدى.

جۇپار  ٴشوپ  گۇلدى القابى

چاپچال اۋدانى:

جۇڭگونىڭ ساداق مەكەنى . سىبەلەردىڭ تۇراعى

چاپچال اۋدانى جۇڭگوداعى سىبە ۇلتىن نەگىزگى تۇلعا ەتكەن كوپ ۇلت شوعىرلى قونىستانعان بىردەن - ٴبىر اۆتونوميالى اۋدان،  بۇل ارا تەرەڭ تاريحي مادەنيەتكە يە، مەملەكەتتىك 4A دارەجەلى كورىنىس رايونى - سىبە بايىرعى قالاسى، مەملەكەتتىك 3A دارەجەلى كورىنىس رايونى  اۋليە شوقى مەملەكەتتىك ورمان باقشاسى، 1764 مادەنيەت، دەنە تاربيە باقشاسى، ىلە وزەنى اڭعارىنداعى 10 مىڭ مۋلىق جۇپار ٴشوپ تاقىرىپتىق باقشاسى قاتارلىلار بار، تاعى سىبە ۇلتىنىڭ باتىسقا كوشۋى، بيلون ٴبيى، ساداق جاساۋ، ساداق اتۋ سياقتى مەملەكەت دارەجەلى 7 بەيزاتتىق مادەني مۇرا نىسانى، مەملەكەت بويىنشا تۇڭعىش ساداق مۇراجايى بار. جۇڭگونىڭ ٴداستۇرلى ساداقشىلىعى مەن جاساۋ ونەرىن تولىق ساقتاعان ٴارى جالعاستىرعان.

سىبە بايىرعى  قالاشىعى

تەكەس اۋدانى:

دۇنيەنىڭ قاراجونى . جۇڭگونىڭ سەگىز تاڭبالى قالاسى

باي مازمۇندى ورتا جازىق مادەنيەتى، باعى زاماننان بىزگە جەتكەن ٴۇيسىن مادەنيەتى، ۇلانعايىر باتىس ٴوڭىردىڭ سالت - ساناسى تەكەستە توعىسقان، مۇندا ”مەملەكەتتىك تاريحي، مادەني ايگىلى قالا“ −  سەگىز تاڭبالى قالا، ”جۇڭگو تاريحي، مادەني ايگىلى قىستاق“ − شوڭقۇشتاي قىستاعى، ”دۇنيە جۇزىلىك جاراتىلىستىق مۇراعاتتار مەكەنى“ − قاراجون ساحاراسى، قىساڭ ۇڭگىرى مەملەكەت دارەجەلى ورمان باقشاسى، ٴۇيسىن بايىرعى جولى سياقتى ايگىلى كورىنىس رايوندارى بار. ”مەملەكەت بويىنشا جالپى وڭىرلىك ساياحاتتان ۇلگى كورسەتەتىن ٴوڭىر“، ”مەملەكەت بويىنشا ەكولوگيالىق قونىسقا جايلى ەڭ ايگىلى اۋدان“، ”مەملەكەت بويىنشا ەرەكشە ساياحاتتاعى ايگىلى اۋدان“، ”جۇڭگوداعى تابيعي وتتەگى بازاسى“، ”جۇڭگوداعى ىستىقتان ساقتانۋ ساياحاتىنداعى 10 مىقتى قالا“ جانە ”جۇڭگوداعى كليمات ارقىلى كۇتىنەتىن جەر“ سياقتى اتاقتارعا يە.

سەگىز تاڭبالى قالانىڭ تۇتاس كورىنىسى

توعىزتاراۋ اۋدانى:

ەكولوگيالىق جاسىل قالا . كوبەلەك كولى قالاسى

توعىزتاراۋ اۋدانىندا دۇنيە جۇزىلىك جاراتىلىستىق مۇراعاتقا ەنگىزىلگەن جەر − كولدەنەڭ كورىنىس رايونى، مەملەكەتتىك 4A دارەجەلى كورىنىس رايونى جابايى جاڭعاق سايى، مەملەكەتتىك 3A دارەجەلى كورىنىس رايونى كوبەلەك كولى باقشاسى، شاشى - ٴتالىم كورىنىس رايونى، سونداي - اق قاپشاعاي، ۇلكەن - كىشى مۇقىر سياقتى ساياحات كورىنىس تۇيىندەرى بار؛ ٴۇيسىن قابىرلارى شوعىرى، شىنار قىستاعىنداعى اۋليە ۇڭگىرى، لاماجاۋ بايىرعى جۇرتى جانە جارتاس سۋرەتتەرى سياقتى تاريحي مادەني مۇرالار، ”اقىندار مەكەنى“، ”ٴماشىراپ مەكەنى“، ”گۇل مەكەنى“، ”قارلى تاۋ شىرشا مەكەنى“ دەگەن اتى بار. توعىزتاراۋ اۋدانىنىڭ سۋ بايلىعى مول، اۋاسى ىلعالدى، كليماتى جانعا جايلى، ”جۇڭگونىڭ تابيعي وتتەگى بازاسى“، ”مەملەكەتتىڭ ەكولوگيالىق وركەنيەت قۇرىلىسىنان ۇلگى كورسەتەتىن اۋدان“، ”مەملەكەتتىك باۋ ـ باقشالى اۋدان قالاشىعى“ قاتارىنان ورىن العان.

كوبەلەك كولىنىڭ  كەشكى كورىنىسى

موڭعۇلكۇرە اۋدانى:

تۇلپار مەكەنى − موڭعۇلكۇرەنى جىرلاۋ

موڭعۇلكۇرەنىڭ ەجەلدەن ”جۇڭگو تۇلپار مەكەنى“، ”جۇڭگو قوڭىر سيىر مەكەنى“، ”جۇڭگو قىشى مەكەنى“، ”جۇڭگو كەمپىرقوساق مەكەنى“ دەگەن تاماشا اتى بار، تۇڭعىش توپتاعى مەملەكەتتىك جالپى وڭىرلىك ساياحاتتان ۇلگى كورسەتۋ رايونى، مۇندا شينجياڭدا قازىرگە دەيىن ساقتالعان ەڭ كەمەلدى زاڭزۋ بۇددا ٴدىنى بۇتحاناسى − شىنيوۋ بۇتحاناسى، ”ەلىمىزدەگى 10 ٴىرى ەكسپەديتسيالىق ٴتۇيىننىڭ“ ٴبىرى − شاتى كورىنىس ٴوڭىرى، زيالى جاستار ساياحات شاعىن قالاشىعى، تۇلپار ساياحات - مادەنيەت باقشاسى، ىلە جىلقىسى، سونداي ـ اق تەكەس وزەنى مەملەكەتتىك سازدىق باقشاسى، يۇيحۋ كولى، تۇلپار مۇراجايى، كەدەن ەسكەرتكىشى سياقتى كورىنىس وڭىرلەرىن ( ٴتۇيىنى)  قامتيدى. قازىرگە دەيىن موڭعۇلكۇرە اۋدانى ٴۇرتىس 30 كەزەك ىلە تۇلپارى حالىقارالىق مادەنيەت ـ ساياحات مەرەكەسىن وتكىزدى.

تەكەس وزەنى مەملەكەتتىك  سازدىق باقشاسى

نىلقى اۋدانى:

ٴشاربات نىلقى . قونىستانۋعا جايلى كۇتىنۋ قالاسى

نىلقى اۋدانى ىلە وزەنى اڭعارىنداعى كەن بايلىعى، سۋ ەنەرگياسى بايلىعى، ساياحات بايلىعى، ەكولوگيالىق بايلىق جانە مال شارۋاشىلىق بايلىعى مول شوعىرلانعان جەر، سونداي - اق شينجياڭ قارا اراسى قورىق رايونى جانە ارا شارۋاشىلىعى شوعىرلانعان رايون. قارلى تاۋ، شىرشا، سايىن ساحارا، اسقار تاۋ كولى، اراسان، سازدىق، ەجەلگى ەسكەرتكىش سياقتى ساياحات بايلىقتارى مول. ايبىندى تاڭبالى ساحاراسى، حيكىمەتتى شوىرما مۇزدىعى، سىرلى موڭكىتى سايى، عاجايىپ قاس وزەنى، جىم - جىرت جىرىنتاي قىساڭى، بۋرىل اراسانى جانە ازياداعى ەڭ ۇلكەن سازدىق بايىرعى تەرەك قورىق رايونى سياقتىلارمەن اتى الەمگە ايگىلى. ”جۇڭگونىڭ تابيعي وتتەگى بازاسى“، ”مەملەكەت دارەجەلى قارا ارا تۇقىمىن قورعاۋ رايونى“، ”جۇڭگوداعى كليماتى قونىستانۋعا جايلى اۋدان“ سياقتى اتاقتارعا يە.

نىلقىداعى تابيعي وتتەگىمەن  كۇتىمدەلۋ ٴوڭىرى

كۇنەس اۋدانى:

ساحارا مەرۋەرتى . كوركەم كۇنەس

كۇنەس اۋدانى ەجەلدەن بەرى ”ساحارا مەرۋەرتى“ ”شينجياڭداعى شاراپ مەكەنى“ دەگەن تاماشا اتقا يە، مەملەكەتتىك 5A دارەجەلى كورىنىس ٴوڭىرى، شينجياڭداعى بىردەن - ٴبىر مەملەكەت دارەجەلى ساياحات دەمالىس ٴوڭىرى − نارات ساياحات كورىنىس ٴوڭىرى، ازيا - ەۆروپا ۇلى قۇرلىعىنداعى ەڭ كولەمدى 40 مىڭ مۋلىق جابايى جەمىس ورمانى، 60 مىڭ مۋلىق جابايى ورىك ورمانى جانە 200 مىڭ مۋدان استام جابايى قامىستى سازدىق بايلىعى بار، شينجياڭنىڭ اراق مادەنيەتىن ۇگىتتەيتىن بىردەن - ٴبىر امبەباپ شاعىن قالاشىق − سوربۇلاق اراق مادەنيەتى شاعىن قالاشىعى بار. ”جۇڭگودا ساياحاتتايتىن 100 ەگەي اۋدان“، ”جۇڭگوداعى كوكتەمگى سەيىل ـ سەرۋەن قۇراتىن 100 تاڭداۋلى اۋدان“، ”مەملەكەتتىك ٴتۇيىندى ەكولوگيالىق فۋنكتسيالىق رايون“، ”اۆتونوميالى رايوننىڭ جالپى وڭىرلىك ساياحاتتان ۇلگى كورسەتۋ رايونى“ بولىپ تاڭدالعان.

ناراتتاعى ورىكتى ساي