سۋرەتتە: قيمىل مايدانىنان كورىنىس. دۋ لەي فوتوسى
3 - ايدىڭ 15 - كۇنى قۇلجا كەدەنىنىڭ قىزمەتكەرلەرى كاسىپورىندارعا، الەۋمەتتىك اۋماقتارعا بارىپ، ”تۇتىنۋدىڭ دارەجەسىن جوعارىلاتۋ كومەسكى قۋاتىن ىسكە قوسىپ، جوعارى ساپالى دامۋعا دەم بەرۋ“ ارناۋلى تاقىرىپتىق قيمىلىن ورىستەتتى. پىڭ بو فوتوسى
تاياۋدا قورعاس اۋداندىق بازاردى باقىلاۋ - باسقارۋ مەكەمەسى ”15 - ناۋرىز“ ٴدارى - دارمەك، بەزەنۋ بۇيىمدارى، ەمدەۋ اسپاپتارى جونىندە زاڭ جالپىلاستىرۋ ۇگىتى قيمىلىن ورىستەتتى. ياڭ جيڭ - ي فوتوسى
ٴتىلشىمىز دۋ لەي حابارلايدى. 3 - ايدىڭ 15 - كۇنى ىلە وبلىستىق اۋىل شارۋاشىلىق جالپىلىق اكىمشىلىك زاڭ اتقارۋ بولىمشە اترەتى، وبلىستىق قوعام حاۋىپسىزدىگى مەكەمەسىنىڭ ازىق - تۇلىك، ٴدارى - دارمەك جانە قورشاعان ورتاعا ساياتىن قىلمىستاردى بارلاۋ بولىمشە مەكەمەسى، قۇلجا قالالىق اۋىل شارۋاشىلىعى، اۋىل - قىستاق مەكەمەسى بىرلەسىپ ۇيىمداستىرعان ”15 - ناۋرىز“ اۋىل شارۋاشىلىق ٴوندىرىس قۇرال - جابدىقتارىندا جالعاندىق ىستەۋگە سوققى بەرۋ ۇگىت قيمىلى وتكىزىلدى.
اۋىل شارۋاشىلىق ٴوندىرىس قۇرال - جابدىقتارى ونىمدەرى ساتىلۋدىڭ قاۋىرت مەزگىلىنە تاياپ قالدى، وبلىستىق اۋىل شارۋاشىلىق جالپىلىق اكىمشىلىك زاڭ اتقارۋ بولىمشە اترەتى پارتيا ياچەيكاسىنىڭ شۋجيى جۋ تاۋ بىلاي دەدى: وبلىسقا توتە قاراستى اۋىل شارۋاشىلىق جالپىلىق اكىمشىلىك زاڭ اتقارۋ قىزمەتكەرلەرى ”15 - ناۋرىز“ اۋىل شارۋاشىلىق ٴوندىرىس قۇرال - جابدىقتارىندا جالعاندىق ىستەۋگە سوققى بەرۋ ۇگىت قيمىلىن وراي ەتىپ، اۋىل شارۋاشىلىق قۇرال - جابدىقتارىن ٴوندىرۋ، ساتۋ، اينالىمعا سالۋ بۋىندارىن قاتاڭ تەكسەرىپ، اۋىل شارۋاشىلىق قۇرال - جابدىقتارى بازارىن تازارتىپ، بۇقارانىڭ ساپالى تۇقىم، تىڭايتقىش، ەگىس دارىلەرىن ساتىپ الۋىنا مۇمكىندىك جاسايدى.
بيىل جىل باسىنان بەرى ىلە وبلىستىق اۋىل شارۋاشىلىق جالپىلىق اكىمشىلىك زاڭ اتقارۋ قۇرىلىمى جالعان - جارامسىز اۋىل شارۋاشىلىق ٴوندىرىس قۇرال - جابدىقتارىنا سوققى بەرۋدى نەگىزگى جەلى، اۋىل شارۋاشىلىق ٴوندىرىس قۇرال - جابدىقتارى تيجاراتشىلارىنىڭ تيجارات ارەكەتىن مەرزىمدى، مەرزىمسىز تەكسەرۋدى كىرىسۋ ٴتۇيىنى، پارمەندى زاڭدىق جازالاۋدى ٴتاسىل ەتىپ، ارناۋلى ارەكەت ورىستەتىپ، بازار ٴتارتىبىن جونگە سالىپ، ساپانى باقىلاۋ - باسقارۋدى كۇشەيتىپ، زاڭ جالپىلاستىرۋ ۇگىتىن كۇشەيتىپ، اۋىل شارۋاشىلىق ٴوندىرىسى قۇرال - جابدىقتارى بازارىنىڭ حاۋىپسىزدىگىن شىنايى قامتاماسىزداندىردى.
قازىرگە دەيىن ىلە وبلىسىنا توتە قاراستى اۋىل شارۋاشىلىق جالپىلىق اكىمشىلىك زاڭ اتقارۋ قۇرىلىمدارى تۇقىم، ەگىس دارىلەرى، تىڭايتقىش سياقتى اۋىل شارۋاشىلىق ٴوندىرىس قۇرال - جابدىقتارى سالاسىندا 395 رەت زاڭ اتقارۋ تەكسەرۋىن ورىستەتىپ، 1240 ادام - رەت زاڭ اتقارۋشى شىعارىپ، 1182 ٴوندىرىس - تيجارات تۇلعاسىن تەكسەرىپ، 50 دەلو تۇرعىزىپ، 43 دەلونى اياقتاتىپ، 45 مىڭ 226.5 يۋان اكىمشىلىك ايىپ سالىپ، 3008 يۋان زاڭسىز تابىستى ٴمۇسادىرالادى.
قۇلجا قالاسى لينبين تۇقىم ساتۋ دۇكەنىنىڭ جاۋاپتىسى لين بين بىلاي دەدى: ٴبىز بيىل 30 توننا جۇگەرى تۇقىمىن دايىندادىق، بارلىعىن ەستەلىككە الدىق. ”15 - ناۋرىز“ اۋىل شارۋاشىلىق ٴوندىرىس قۇرال - جابدىقتارىندا جالعاندىق ىستەۋگە سوققى بەرۋ ۇگىت قيمىلى ساۋداگەرلەرگە تاعى ٴبىر رەت ساقتىق دابىلىن قاقتى، تيجاراتشى رەتىندە، ٴبىز جالعان - جارامسىز ونىمدەرگە باتىل قارسى تۇرامىز.
قيمىل بارىسىندا قىزمەتكەرلەر «اۋىل شارۋاشىلىق ٴوندىرىس قۇرال - جابدىقتارىن سەنىمدى ٴوندىرۋ، تيجارات ەتۋ ۇندەۋ حاتىن» وقىپ، اۋىل شارۋاشىلىق ٴوندىرىس قۇرال - جابدىقتارى تيجاراتشىلارىنىڭ سەنىمدى تيجارات ۋادەسىنە قول قويۋ سالتىن وتكىزىپ، زاڭدى جالپىلاستىرۋ ۇگىت قيمىلىن ورىستەتتى. وبلىستىق اۋىل شارۋاشىلىق جالپىلىق اكىمشىلىك زاڭ اتقارۋ بولىمشە اترەتىنىڭ زاڭ اتقارۋشى قىزمەتكەرلەرى مەن وبلىستىق قوعام حاۋىپسىزدىگى مەكەمەسىنىڭ ازىق - تۇلىك، ٴدارى - دارمەك جانە قورشاعان ورتاعا ساياتىن قىلمىستاردى بارلاۋ بولىمشە مەكەمەسىنىڭ زاڭ اتقارۋشى قىزمەتكەرلەرى گرۋپپالارعا ٴبولىنىپ، اۋىل شارۋاشىلىق ٴوندىرىس قۇرال - جابدىقتارىندا جالعاندىق ىستەۋگە سوققى بەرۋ ارناۋلى زاڭ اتقارۋ تەكسەرۋ قيمىلىن ورىستەتتى.