قۇلجادان الماتىعا توتە ۇشىپ 80 مينۋتتا جەتەتىن كەزەكشى ۇشاق قاتىنادى

تىلشىلەرىمىز لۋ جۇڭ، لي يافىڭ، سۇن ي - نان

ۇشاق ”سۋ قاقپادان“ وتۋدە

400 كيلومەتر، ٴبىر ساعات 20 مينۋت. 4 ـ ايدىڭ 15 ـ كۇنى بەيجيڭ ۋاقىتى ساعات 12:00 دە جۇڭگو وڭتۇستىك اۆياتسيا سەرىكتەستىگىنىڭ كەزەكشى ۇشاعىنا وتىرعان 86 جۇڭگولىق جولاۋشى، قۇلجا اۋەجايىنان كوتەرىلىپ، ٴبىر ساعات 20 مينۋتتان كەيىن قازاقستاننىڭ الماتى حالىقارالىق اۋەجايىنا قوندى.

ىلە قازاقستانمەن شەكارالاسىپ جاتاتىن تاريحتاعى بايىرعى جىبەك جولىنىڭ سولتۇستىك تورابى، قازىر ەلىمىزدىڭ باتىسقا ەسىك اشـۋداعـى الـدىڭـعى شەبى، سونداي - اق ورتا ازيانى، باتىس ازيانى، ٴتىپتى، ەۆروپانى تۇتاستىراتىن ماڭىزدى وتكەلدەردىڭ ٴبىرى.

2013 ـ جـىـلـى 9 ـ ايـدىـڭ 7 ـ كـۇنـى ٴتوراعا شي جينپيڭ قازاقستاننىڭ نازاربايەۆ داشۋەسىندە ”جىبەك جولى ەكونوميكالىق بەلدەۋىن“ بىرگە قۇرۋ دارىپتەمەسىن تۇڭعىش رەت العا قويدى. 10 نەشە جىلدان بەرى جۇڭگو ـ قازاقستان ەكى ەل ”ٴبىر بەلدەۋ، ٴبىر جولدى“ بىرگە قۇرۋدى ىلگەرىلەتۋدى نەگىزگى جەلى ەتىپ، ٴار سالاداعى سەلبەستىكتە سۇبەلى تابىستارعا قول جەتكىزىپ، ەكى ەل حالقىن يگىلىككە كەنەلدىرەتىن جۇڭگو ـ قازاقستان قارىم ـ قاتىناسىنىڭ جاڭا ”التىن 30 جىلىن“ باستادى. 2023 ـ جىلى 11 ـ ايدا جۇڭگو مەن قازاقستاننىڭ ٴوزارا ۆيزا كەشىرىم ەتۋ ساياساتى كۇشكە يە بولعاننان بەرى، قازاقستانعا ساياحاتتاي بارعان جۇڭگولىق ساياحاتشىلاردىڭ سانى كورنەكتى ارتتى.

بيىل 3 - ايدىڭ 22 - كۇنى شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز ۇرىمجىدە قازاقستان قاتىناس مينيسترلىگىنىڭ مينيسترى قارابايەۆپەن كەزدەسىپ، جۇڭگونىڭ شينجياڭى مەن قازاقستاننىڭ شەكارا وتكەلى قۇرىلىسىن ونان ارى ىلگەرىلەتۋ، ۇلاستىرۋ، تۇتاستىرۋ، زات اينالىمى تاسىمالى سياقتى سەلبەستىك ىستەرىن ونان ارى ىلگەرىلەتۋ جونىندە ىشكەرىلەي اۋىس ـ كۇيىس جاساپ، ەكى جاق سەلبەستىگىنىڭ كەڭەيۋىن، تەرەڭدەۋىن جەبەپ، ەكى ەل مەملەكەت باسشىلارىنىڭ ماڭىزدى ورتاق تانىمىنىڭ  ناقتى تياناقتانۋىن ىلگەرىلەتتى. ٴارى اۆياتسيا سەرىكتەستىگى، اۋە جولىن كەڭەيتۋ سياقتى جاقتارداعى سەلبەستىكتى كۇشەيتىپ، ناقتى ىستەر ارقىلى ەكى جاقتىڭ سەلبەستىگىنىڭ تياناقتانۋىن ىلگەرىلەتۋدى العا قويىپ، ەكى ەلدىڭ جان ـ جاقتى، ٴوزارا ٴتيىمدى سەلبەستىگىنىڭ ۇزدىكسىز تەرەڭدەۋىنە دەم بەردى.

2023 ـ جىلى 12 ـ ايدىڭ 21 ـ كۇنى شينجياڭ قۇلجا اۋەجايى مـەمـلـەكـەتـتىـك تـەكسەرىپ وتكىزىپ الۋ گرۋپپاسىنىڭ تەكسەرىپ وتكىزىپ الۋىنان ٴوتىپ، ٴۇرىمجى، قاشقاردان كەيىنگى شينجياڭنىڭ سىرتقا ەسىك اشقان 3 ـ اۆياتسيا وتكەلىنە رەسمي اينالدى.

ىلە وبلىسى مەن شينجياڭ اۋەجاي (توبى) شەكتى جاۋاپكەرشىلىك سەرىكتەستىگىنىڭ زور كۇشپەن قولداۋى، قۇلجا اۋەجايىنىڭ قۇلشىنىسى مەن كوپ جاقتىڭ ىقپالداسۋىندا، 4 ـ ايدىڭ 15 ـ كۇنى قۇلجادان الماتىعا ۇشاتىن حالىقارالىق اۋە جولى رەسمي اشىلدى. وسى حالىقارالىق اۋە جولىنىڭ اشىلۋى ساياحاتشىلاردىڭ شەتەلگە شىعىپ ساياحاتتاۋ قاجەتىن قاناعاتتاندىرۋمەن بىرگە، ەكى اراداعى قارىم - قاتىناسى مەن مادەنيەت جاعىنداعى اۋىس - كۇيىسىن جەبەپ، ىلەنىڭ ەكونوميكالىق، قوعامدىق دامۋى مەن سىرتقا ەسىك اشۋىنا اناعۇرلىم قولايلى جول اشادى.

”وسى رەتكى حالىقارالىق اۋە جولىنىڭ تۇڭعىش رەت قاتىناۋىن قامتاماسىزداندىرۋ قىزمەتىن ويداعىداي ىستەۋ ٴۇشىن قۇلجا اۋەجايى ساۋدا ىستەرى مەكەمەسى، كەدەن، شەكارالىق تەكسەرۋ سياقتى ورىندارمەن سايكەسىپ، قارىم - قاتىناستى قويۋلاتىپ، كەمەلدى قامتاماسىزداندىرۋ جوباسىن جاساپ، شەكارادان شىعاتىن جولاۋشىلارعا حاۋىپسىز، ىركىلىسسىز، جوعارى ٴونىمدى اۆياتسيا وتكەلىنەن ٴوتۋ ورتاسىن ازىرلەپ، اۋەجاي، اۋە جولى، توراپ جاپپاي بىركەلكى داميتىن اۆياتسيا جۇيەسىن قۇردى“ـ دەدى شينجياڭ اۋەجاي (توبى) قۇلجا باسقارۋ بولىمشە سەرىكتەستىگى پارتكومىنىڭ شۋجيى، ورىنباسار باس ديرەكتورى ۋاڭ في.

ساعات 11 دەن 30 مينۋت وتكەندە، 86 جولاۋشى تۇڭعىش رەت قۇلجا قالاسىنان الماتىعا ۇشاتىن ۇشاققا شىقتى. ”ەسىك الدىنان ـ اق ۇشاققا وتىرىپ الماتىعا ۇشاتىن بولدىق، وتە قولايلى“ ـ دەدى جولاۋشى ليۋ شياۋجۋان.

جولاۋشىلار ۇشاققا شىعۋ رەسمياتىن وتەۋدە

ۇشاق قىزمەتكەرلەرى ۇشاققا شىعۋعا دايىندالدى

ۇشاققا شىعاتىن جولاۋشىلار

ۇشاق قونۋدا

تۇڭعىش ۇشۋدان ەستەلىك