300 دەن استام شەبەر ونەر باسەكەسىنە ٴتۇستى
چاپچال اۋدانى 1 - كەزەكتى ”شەبەرلەر ساۋىتى“ اتىنداعى قۇرىلىس سالاسىنداعى كاسىپتىك شەبەرلەردىڭ ونەر باسەكەسىن وتكىزدى
تىلشىلەرىمىز لي يافىڭ، سۇن ي - نان، پراكتيكانت ٴتىلشى جاڭ جيايۋان حابارلايدى. 4 - ايدىڭ 12 - كۇنى چاپچال سىبە اۆتونوميالى اۋدانىنىڭ 1 - كەزەكتى ”شەبەرلەر ساۋىتى“ اتىنداعى قۇرىلىس سالاسىنداعى كاسىپتىك شەبەرلەردىڭ ونەر باسەكەسى وسى اۋدانداعى تەحنيك جۇمىسشىلار مەكتەبىندە باستالدى. اتالعان اۋداننىڭ قۇرىلىس سالاسىنان كەلگەن 300 دەن استام شەبەر ٴبىر مايداندا شەبەرلىك سىناسىپ، جاڭا داۋىردەگى ۇستالار رۋحى مەن ەڭبەكشىلەر كەلبەتىن ايگىلەدى.
جارىستى وسى اۋداننىڭ ادام كۇشى بايلىعى جانە قوعامدىق قامتاماسىزداندىرۋ مەكەمەسى، تۇرعىن ٴۇي جانە قالا - اۋىل قۇرىلىسى مەكەمەسى، باس جۇمىسشى ۇيىمى، جاڭسۋدىڭ ىلەگە كومەك بەرۋشى يانچىڭ قىزمەت گرۋپپاسى ۇيىمداستىرىپ، توكشىلىك، دانەكەرشىلىك، قۇرىلىسشىلىق، سىلاقشىلىق، سىرشىلىق... سياقتى 8 جۇمىس تۇرلەرى بويىنشا جارىس ورنالاستىردى. جارىستا نازاريا مەن امالياتتى بىرلەستىرۋ ٴتاسىلى قولدانىلدى.
”جارىسقا قاتىناسۋ ارقىلى وزىمدەگى كەمشىلىكتى تانىپ جەتتىم، كاسىپتەستەرىممەن اۋىس - كۇيىس جاساۋ، اقىلداسۋ بارىسىندا ٴوزىمنىڭ تەحنيكالىق ورەمدى جوعارىلاتتىم“ - دەيدى جارىسقا قاتىناسقان شەبەر يزقار اۋىتجان.
چاپچال اۋداندىق تەحنيك جۇمىسشىلار مەكتەبىنىڭ جۇمىسشىسى گۇلباھار يمام بىلاي دەدى: مەكتەبىمىزدەن 14 وقۋشى 4 جۇمىس تۇرىنەن جارىسقا قاتىناستى. ولار جارىس ارقىلى وقىتۋدى، ۇيرەنۋدى جەبەپ، جارىس ارقىلى قابىلەتىن جوعارىلاتادى.
ۇعىسۋعا قاراعاندا، وسى رەتكى جارىسقا 300 دەن استام ادام قاتىناسقان. سونداي - اق شەبەرلىك جارىسىمەن ارناۋلى ۇسىنىس ەتۋ جينالىسى ۇشتاستىرىلدى، ۇسىنىس ەتىلگەن جۇمىسشى ىستەتەتىن 24 كاسىپورىن 600 دەن استام قىزمەت ورنىمەن قامدادى. قازىر 370 تەن استام ادام جۇمىستانۋ نيەتىنە كەلىپ، جۇمىستانۋ مەن دارىندىلاردىڭ ۇشتاسۋى ٴونىمدى جەبەلدى.
ٴبىر كۇندىك قيان - كەسكى سايىس ارقىلى جارىس ەڭ سوڭىندا 8 جۇمىس ٴتۇرىنىڭ التىن، كۇمىس، مىس سيلىعىن جانە ۇزدىك ۇيىمداستىرۋ سيلىعىن باعالاپ شىقتى.
سىلاقشىلار جارىستا. سۇن ي - نان فوتوسى
سورەشىلەر سورە ورناتۋدا. سۇن ي - نان فوتوسى
سىلاقشىلار جارىستا. سۇن ي - نان فوتوسى
بولات شىبىق جۇمىسشىلارى جارىس الاڭىندا. سۇن ي - نان فوتوسى
دانەكەرلەۋ حۋا يانميڭ فوتوسى
سىر جاعۋ حۋا يانميڭ فوتوسى
قىش كىرپىش جاپسىرۋ حۋا يانميڭ فوتوسى
توكشى جۇمىس ٴتارتىبى بويىنشا ەلەكتر ساعاتىن، ەلەكتر تيەگىن ورناتىپ، سىمدى جالعاۋدا. سۇن ي - نان فوتوسى
قۇرىلىسشىلار جارىستا. حۋا يانميڭ فوتوسى
چاپچال اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، مەكەمە باستىعى ۋ لينا 1 ـ دارەجەلى سيلىققا يە بولعان شەبەرلەرگە سيلىق تاراتتى. حۋا يانميڭ فوتوسى