ٴتىلشىمىز كاميلا حابارلايدى. 4 - ايدىڭ 18 - كۇنى ىلە وبلىسىنا توتە قاراستى ٴارقايسى اۋداندىق، قالالىق ايەلدەر بىرلەستىگىنىڭ جانە مادەنيەت - ساياحات مەكەمەسىنىڭ قاتىستى جاۋاپتىلارىنىڭ، حالىقتىق تۇسەلحانا قوعامى جاۋاپتىلارىنىڭ حالىقتىق تۇسەلحانا ايەل قوجايىندارى ۋاكىلدەرىمەن ىشكەرىلەي پىكىر اۋىستىرىپ، اۋىس - كۇيىس جاساۋىمەن ىلە وبلىستىق ايەلدەر بىرلەستىگى، وبلىستىق مادەنيەت - ساياحات مەكەمەسى باس بولىپ ۇيىمداستىرعان ”جەلەكتىلەر كۇشىن ۇيىستىرىپ، ’تۇسەلحانا‘ ارقىلى ولاردىڭ اسەم كەلبەتىن ايگىلەيىك“ اتىنداعى ىلەدەگى حالىقتىق تۇسەلحانا ايەل قوجايىندارىنىڭ سەلبەسە دامۋىن جەدەلدەتۋ ارەكەتى باستالدى.

اۋىل - قىستاقتى گۇلدەندىرۋ ستراتەگياسىنىڭ جاپپاي ىلگەرىلەتىلۋىنە، ساياحات كاسىبىنىڭ جەدەل دامۋىنا ىلەسىپ، حالىقتىق تۇسەلحانا كاسىبى دە قارىشتاپ دامۋدا. كەزەكتە ىلە وبلىسىنا توتە قاراستى ورىنداردان تىزىمگە الىنعان حالىقتىق تۇسەلحانادان 2300 دەن استامى بار، مۇنىڭ ىشىندەگى ايەل قوجايىندار شامامەن %80 ىن ۇستايدى. 

ايەلدەر قاۋىمى قايدا بولسا، ايەلدەر بىرلەستىگى ۇيىمى دا سول جەردە قۇرىلدى. جاقىنعى جىلداردان بەرى ىلە وبلىسىنداعى ٴار دارەجەلى ايەلدەر بىرلەستىگى ۇيىمى نازاردى حالىقتىق تۇسەلحانا كاسىبى مەن اۋىل - قىستاق مادەنيەت - ساياحاتىن دامىتۋعا اۋدارىپ، حالىقتىق تۇسەلحانا ايەل قوجايىندارىن ىنتىماقتاستىرىپ، ۇيىستىرىپ، باي مازمۇندى قيمىلداردى دانەكەر ەتىپ، حالىقتىق تۇسەلحانا ايەل قوجايىندارىن شارۋاشىلىق قۇرىپ، جۇمىسقا ورنالاستىرۋدا، 1 -، 2 -، 3 - كاسىپتەردى ىشكەرىلەي توعىستىرا دامىتۋدا بەلسەندى رولدارىن ساۋلەلەندىرۋگە باستادى. ىلە وبلىستىق ايەلدەر بىرلەستىگى العاشقى توپتاعى 50 حالىقتىق تۇسەلحانا ايەل قوجايىنىنىڭ باسىن قوسىپ، جياڭسۋ، شاڭحاي، جىجياڭ سياقتى چاڭجياڭ اتىراۋىنداعى حالىقتىق تۇسەلحانا ايەل قوجايىندارىنىڭ سەلبەسىپ دامۋ بىرلەستىگى ماماندار پاراسات قامباسى كۇشىنەن پايدالانىپ، بىرلەسىپ دامۋدى جەبەپ، سارا ماركانى بىرگە جاراتۋ، بايلىق قاينارىنان بىرگە پايدالانۋ، بازاردى بىرگە كەڭەيتۋ، سەلبەسە تەڭ يگىلىككە كەنەلۋ ارقىلى ىلە وبلىسىندا ايەلدەردىڭ شارۋاشىلىق قۇرۋ، جاڭالىق اشۋىنداعى بىرەگەي سەلبەستىك تۇعىرىن تۇلعالاپ، اۋىل - قىستاقتى گۇلدەندىرۋگە، ىلەنىڭ ساياحات كاسىبىنىڭ جوعارى ساپالى دامۋىندا جەلەكتىلەر ۇلەسىن قوستىردى. 

قيمىل بارىسىندا وبلىستىق پارتكومنىڭ تۇراقتى مۇشەسى قايرات اشىك ۇلى ىلەدەگى حالىقتىق تۇسەلحانا ايەل قوجايىندارىنىڭ سەلبەسە دامۋىن جەدەلدەتۋ ارەكەتىن ويداعىداي ورىستەتۋ جونىندە مىنانى اتاپ كورسەتتى: ٴار دارەجەلى ايەلدەر بىرلەستىگى ۇيىمدارى بارشا حالىقتىق تۇسەلحانا ايەل قوجايىندارىن اۋىل - قىستاقتى گۇلدەندىرۋگە ات سالىسۋعا، اۋىل - قىستاق مادەنيەت - ساياحات قۇرىلىسىمەن توعىسۋعا جەتەكتەۋگە، بايلانىس جاساۋعا، قىزمەت وتەۋگە، ىنتىماقتاستىرا جۇمىلدىرۋعا كۇش سالۋى؛ حالىقتىق تۇسەلحانا ايەل قوجايىندارى ”حالىقتىق تۇسەلحانا +“ ٴتاسىلى ارقىلى ايەلدەر باس بولعان باسقا دا كاسىپ كۇيلەرىن بىرگە دامىتۋعا باستاۋى؛ قاتىستى تاراۋلار ”بىرلەستىك“ مەحانيزمىن ويداعىداي قۇرۋعا باسا نازار اۋدارىپ، ىلە جەلەكتىلەر حالىقتىق تۇسەلحاناسىنىڭ ۇلگى كورسەتۋ جانە جەتىلدىرۋ بازاسىن ىشكەرىلەي دامىتۋدى بىرگە ىلگەرىلەتىپ، شارۋاشىلىق قۇرۋ جاعىنان سۇيەمەلدەۋدى، كاسىپ جاعىندا تيپ وزگەرتۋدى، قارجى قوسۋ، قارجى قۇراۋدى، نىسان جەتىلدىرۋدى، ساياسات جاعىنان جەتەكشىلىك ەتۋدى كەڭەيتۋ كەرەك. 

جياڭسۋ ولكەسى حالىقتىق تۇسەلحانا ايەل قوجايىندارى بىرلەستىگىنىڭ باس جوراسى تاي چيڭشۋان، تەكەس اۋداندىق مادەنيەت - ساياحات مەكەمەسىنىڭ ارناۋلى مىندەتتەگى ورىنباسار مەكەمە باستىعى، تەكەس اۋداندىق حالىقتىق تۇسەلحانا قوعامىنىڭ باستىعى شىن يانان ناق مايداندا حالىقتىق تۇسەلحانا تيجاراتىن جۇرگىزۋ جاعىنداعى تاجىريبە، اسەرلەرىن ٴبولىسىپ، حالىقتىق تۇسەلحانا تيجاراتى ۇستانىمدارىن ٴتۇسىندىردى، سول جەردەگى حالىقتىق تۇسەلحانا ايەل قوجايىندارى ورتاق وي قورىتىپ، مول ٴنار قابىلدادى.  

”حالىقتىق تۇسەلحانا تيجاراتىمەن شۇعىلدانۋشى رەتىندە چاڭجياڭ اتىراۋى وڭىرىندەگى حالىقتىق تۇسەلحانالاردىڭ تيجاراتتى دامىتۋ امالياتىن ىشكەرىلەي ۇيرەندىم، سەلبەسىپ دامۋدى جەدەلدەتۋ ارەكەتى بارىسىندا ٴالى دە كوپ يگىلىككە كەنەلەمىز دەپ سەنەمىن، ٴتۇرلى تيىمدىلىك ساياساتىنان تولىق يگىلىكتەنىپ، اناعۇرلىم كوپ ادامدى شارۋاشىلىق قۇرىپ، كاسىپتەنۋگە جەتەكتەيمىن“ دەدى تەكەس اۋدانى قۇجىرتى موڭعۇل ۇلتتىق اۋىلى ىنتىماق جاڭا قىستاعىنداعى ي - يە حالىقتىق تۇسەلحاناسىنىڭ جاۋاپتىسى گو جيڭ.