جاقىندا ورتالىق راديو - تەلەۆيزيا باس ستانسياسىنىڭ امبەباپ ارناسىندا تاراتىلعان «2024 - جىلعى جۇڭگو ولەڭ - جىر مۇشايراسىندا» التايلىق قىز بالا ايالا مۇرات قىزى تۇڭعىش رەت ساحناعا شىعىپ، چۇنساۋلۇي اترەتىنىڭ ٴبىر مۇشەسى رەتىندە شينجياڭ ورەندەرىنىڭ  ولەڭ وقۋ كەلبەتىن ايگىلەدى.

”بيىك تاۋ باۋرايى قاراعايلى، اڭعارىن قوڭىر سامال ارالايدى... “، ”سارعايتىپ وقالى ورماندى، تاڭعى اراي ايمالاپ تاۋلاردى ... “، ”تىرنالار قايتادان كەلمەدى، اقشا بۇلت مامىرلاپ ورلەدى... “. ايالا مۇرات قىزىنىڭ چۇنساۋلۇي كومانداسى مەن داۋحۋاشياڭ كومانداسى اراسىنداعى ٴسوز جالعاۋ ويىنى قيان - كەسكى بولدى.

بيىل 15 جاستاعى ايالا مۇرات قىزى جەمەنەي اۋداندىق ورتالاۋ مەكتەپتە وقيدى. ونىڭ ولەڭ جاتتاۋدى جۇيەلى تۇردە ۇيرەنگەنىنە 5 تە 6 جىلدىڭ ٴجۇزى بولعان،”العاشىندا تاپسىرما رەتىندە ورىنداپ ٴجۇردىم، ٴبىراق ولەڭدى جاتتاۋ بارىسىندا، ولەڭنىڭ شىن ماعىناسىن بىرتىندەپ تۇسىنە باستادىم دا اقىنداردىڭ ولەڭ جازعانداعى سەزىمىن ىشتەي ەلەستەتەتىن بولدىم“ دەيدى ول. ايالا مۇرات قىزى بىلاي دەدى: «2024 - جىلعى جۇڭگو ولەڭ ـ جىر مۇشايراسىنا» قاتىناسقانداعى ەڭ زور تابىسىم − ولەڭ ـ جىر مادەنيەتىن بارىنشا ٴتۇسىنىپ، كوپتەگەن ۇزدىك تۇلعالاردى تانىپ، كوز ايامنىڭ كەڭىپ قالعانى بولدى.

سۋرەتتە: ايالا مۇرات قىزى ولەڭ ـ جىر مۇشايراسىندا.

سۋرەت «2024 - جىلعى جۇڭگو ولەڭ - جىر مۇشايراسى» باعدارلاماسى گرۋپپاسىنان الىندى

انار بۇلت / شينجياڭ گازەتى، ورتالىق تەلەۆيزيا تورابى