باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
شينجياڭ بايقاۋى丨شينجياڭ گۇما اۋدانى: قۇمدى ءشولدىڭ جيەگىنەن سۋ الەمى ”كورىندى“
2021-07-15 11:41:11     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

  اۆتورى: يىن لۋ

1.jpg

 ” قۇمدى شولدەگى سۋ الەمىنىڭ“ الدىنداعى جەل تولتىرىلعان قۋىرشاق. (سۋرەتتى ۋاڭ ۋييۋان تۇسىرگەن)

  7 – ايداعى تاكلاماكان ءشولىنىڭ باتىس وڭتۇستىك جيەگىندە شىجىعان ىستىق ميدى قايناتادى. شينجياڭ حوتان ايماعى گۇما اۋدانى چودا اۋىلى اياققىچودا قىستاعىنداعى ”قۇمدى شولدەگى سۋ الەمىنە“ بارعانىمىزدا، قارسى الدىمىزدان سالقىن لەپ كەلدى. بالالاردىڭ شاتتانا كۇلگەن داۋىسى، اسىر سالعان داۋىسى، ”كۋمپ، كۋمپ ەتىپ “ سۋعا سەكىرگەن داۋىستارى اۋىق – اۋىق قۇلاققا كەلەدى. جازعى دەمالىس كەلىپ، بۇل ارا كۇننەن-كۇنگە دۋماندانا ٴتۇستى.

  ”بۇرىن بۇل ارادا قۇمنان باسقا ەشتەڭە جوق ەدى، قۇمدى ٴشولدىڭ جيەگىنە سۋ ٴۇستى سايران باقشاسىنىڭ سالىنۋى ەشكىمىنىڭ دە ويىنا كەلمەگەن، اۋەلى بۇل ارادا جۇمىس ىستەيمىز دەپ تە ويلاپ كورمەگەن ەكەنبىز! ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇراتىن قىزمەت اترەتى بىزگە كومەكتەسىپ، وسىنىڭ بارلىعىن وزگەرتتى“. 7 – ايدىڭ 3 – كۇنى تاڭ سارىدە قىستاق تۇرعىنى ابدۇسالام ماحمۇت جابدىق قالتاسىن اسىنىپ، ”قۇمدى شولدەگى سۋ الەمىنە“ جۇمىسقا كەتتى، ”ساياحاتشىلار كەلۋدەن بۇرىن بارلىق ويىن قۇرىلعىلارىن ٴبىر جول تەكسەرىپ شىعامىن“، - دەدى ول.

2.jpg

 بالالار سۋ ويناۋدا. (سۋرەتتى ۋاڭ ۋييۋان تۇسىرگەن)

  2020 – جىلى شينجياڭ ۇيعۇر اۆتونوميالى رايوندىق پارتكوم ۇگىت ٴبولىمىنىڭ گۇما اۋدانى چودا اۋىلى اياققىچودا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى تولىق تەكسەرۋ – زەرتتەۋ جۇرگىزىپ، ارالاپ كورگەننەن كەيىن، قىستاقتىڭ ٴىس جۇزىندىك جاعدايىن تياناق ەتىپ، دايشى ساياحات سەرىكتەستىگىن ەنگىزىپ، 3 ميلليون يۋاننان استام قارجى قوسىپ، وسى اۋىل – قىستاق سۋ ٴۇستى باقشاسىن سالدى، سول جىلى 6 – ايدا تيجارات باستادى.

  ”سۋ الەمىندەگى كولشىككە پايدالانىلاتىن سۋ قىستاقتى جاسىلداندىرۋ، سۋارۋ قۇدىعىنان اكەلىنگەن، كولشىكتىڭ ىشىندەگى سۋ بەلگىلى مەرزىمدە اۋىستىرىلىپ، ٴار كۇنى تازارتىلىپ ٴبىر جايلى ەتىلەدى. پايدالانىلعان سۋ باقشا ىشىندەگى ەكولوگيالىق جاسىلداندىرۋ ورمانىن سۋارۋعا جالعاستى پايدالانىلىپ، ەكولوگيالىق ورتانى جاقسارتادى ٴارى ساياحات ارقىلى قىستاقتى كوركەيتۋگە قىزمەت وتەيدى“، - دەدى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ۋاڭ ۋييۋان.

  قۇرىلعىلار ۇزدىكسىز ساپالىلاندىرىلعاننان كەيىن، ”قۇمدى شولدەگى سۋ الەمىندە“ سۋ ٴۇستى قالاسى، تولقىن قۋۋ، قۇمدى شولدەن ٴوتۋ، قۇمدى ٴشول التىباقانى، داۋىس شىعاراتىن بۇلاق، ينتەرنەتتەگى تانىمالى كوپىر سياقتى 10 نەشە ٴتۇرلى ويىن – ساۋىق نىسانى بار، ونىڭ ۇستىنە توڭىرەگىندەگى جاپ – جاسىل سايالى جول، اعاشتان جاسالعان ادەمى قورشاۋ، شارباق جول، شوپتەن جاسالعان كۇندىك قوسىلىپ، بۇل ارا بەينە وزەن جاعاسىنداعى شاعىن قالاشىققا ۇقسايدى. تيجارات باستاعاننان قازىرگە دەيىن، اياققىچودا قىستاعىنداعى ”قۇمدى شولدەگى سۋ الەمى“ جينى 60 مىڭ ادام – رەتتەن استام ساياحاتشى قابىلدادى.

3.jpg

 بالالار قولمەن جۇرگىزەتىن قايىق ويناۋدا. (سۋرەتتى ۋاڭ ۋييۋان تۇسىرگەن)

  ”قۇمدى شولدەگى سۋ الەمى“ بالالاردىڭ سۋ ويناۋ باقشاسى جانە توڭىرەگىندەگى بۇقارانىڭ سايالايتىن تاماشا جەرى بولىپ قالماستان، قىستاق تۇرعىنىنان 45ىن جۇمىسقا ورنالاستىرىپ، ماڭايىنداعى اس – سۋ، تاسىمال سياقتى كاسىپتەردى جانامالاي جەتەكتەپ، 30دان استام ادام كاسىپتەندى.

  وسى ٴبىر جىلدا ابدۇسالام كوپتەگەن حاۋىپسىزدىك شەبەرلىگىنە باۋلۋ كۋرسىنا قاتىناسىپ، ماشينا جوندەۋ، ويىن قۇرىلعىلارىن تەكسەرۋ سياقتى قاراپايىم تەحنيكالاردى ۇيرەنىپ الدى، تاياۋدا تاعى قارجى قوسۋ سەرىكتەستىگىنىڭ وقىتۋشىلارىنان سايران باقشاسىنىڭ تيجارات باسقارۋ تاسىلدەرىن دە ۇيرەندى. ”ابدۇسالام سەكىلدى كوپتەگەن قىستاق تۇرعىندارى وسى ارادا قولدانىلمالى تەحنيكالاردى ۇيرەنىپ، كاسىپتەنۋ باعىتى ايقىندالدى، ونان دا ماڭىزدىسى، ولار جۇمىس ىستەۋ ارقىلى اۋقاتتانۋ سەنىمىنە يە بولدى“، - دەدى ۋاڭ ۋييۋان.

  ساياحاتشىلار گۇما اۋدانىنان كەلىپ قالماستان، حوتان قالاسى، قاراقاش اۋدانى، قاشقار ايماعىنداعى قاعىلىق اۋدانى سياقتى جەرلەردەن ارنايى كەلدى. اس – سۋ دۇكەنىنىڭ قوجايىنى وبۇلياسىن اۋۇت اپتا سوڭى كەلىسىمەن قاربالاستىقتان اياعى جەرگە تيمەيدى، ”بۇگىن قاراقاش اۋدانىنان ساياحات ۇيىرمەسى كەلەدى، ولار ماعان ەكى ۋاق تاماقتى دايىنداۋدى تاپسىردى، قاقتالعان بالىق، كاۋاپتى تۇگەل جەيدى، قاربالاس بولعانىممەن پايدا تابامىن“، - دەدى ول.

  ” ’قۇمدى شولدەگى سۋ الەمىنىڭ‘ سالىنۋى بۇقارانىڭ مادەنيەت، كوڭىل اشۋ تۇرمىس قاجەتىن قاناعاتتاندىرۋمەن بىرگە، قىستاق تۇرعىندارىنىڭ كىرىسىن ارتتىرۋدى جەبەدى ٴارى وركەنيەتتى تۇرمىستىڭ جاڭا سالتىن تاراتتى“، - دەدى اۆتونوميالى رايوندىق پارتكوم ۇگىت ٴبولىمىنىڭ گۇما اۋدانى چودا اۋىلى اياققىچودا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاڭ گوليڭ.

  الداعى جەردە اياققىچودا قىستاعى ”قۇمدى شولدەگى سۋ الەمىن“ ورتالىق ەتىپ، وسىمدىك باقشاسى، گۇل باقشاسى، جەمىس ٴۇزۋ باقشاسى سياقتى مادەنيەت – ساياحات نىسانىن اشىپ، مادەنيەتتى سەزىنۋ، دالالىق سپورت، سەيىل – سەرۋەن ٴبىر تۇلعالانعان ساياحات كورىنىس رايونىن قۇرماقشى.

  اۋدارعان: قادىر ماقان