باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
10 شارا اۋىل - قىستاقتى گۇلدەندىرۋگە دەم بەردى
2021-07-27 17:12:41     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

حالىق بانكەسى ءۇرىمجى ورتالىق تارماق بانكەسى شينجياڭ اۋىل شارۋاشىلىق سەنىمدى امانات - قارىز قارجى قۇراۋ كەپىلدىك شەكتى جاۋاپكەرشىلىك سەرىكتەستىگىمەن سەلبەستىك جاسادى

10 شارا اۋىل - قىستاقتى گۇلدەندىرۋگە دەم بەردى

انار بۇلت / شينجياڭ گازەتىنىڭ ءتىلشىسى ۋاڭ يۇڭفي 7 - ايدىڭ 25 - كۇنى ۇرىمجىدەن حابارلايدى. حالىق بانكەسى ءۇرىمجى ورتالىق تارماق بانكەسىنەن ۇعىسۋىمىزشا، جۋىقتا حالىق بانكەسى ءۇرىمجى ورتالىق تارماق بانكەسى شينجياڭ اۋىل شارۋاشىلىق سەنىمدى امانات - قارىز قارجى قۇراۋ كەپىلدىك شەكتى جاۋاپكەرشىلىك سەرىكتەستىگىمەن بىرلەسىپ، «بانكە مەن ساياساتتىق اۋىل شارۋاشىلىعى كەپىلدىك سەلبەستىگىن كۇشەيتىپ، شينجياڭنىڭ اۋىل - قىستاقتى گۇلدەندىرۋىنە دەم بەرۋ جونىندەگى حابارلاندىرۋ» (تومەندە قىسقارتىلىپ «حابارلاندىرۋ» دەپ الىندى) شىعارىپ، 10 ءتۇرلى شارانى العا قويىپ، بانكە مەن ساياساتتىق اۋىل شارۋاشىلىعى كەپىلدىك سەرىكتەستىگىنىڭ سەلبەستىگىن كۇشەيتىپ، اۋىل - قىستاقتى گۇلدەندىرۋگە دەم بەرگەن.

اۋىل شارۋاشىلىعىنا ساياتىن شارۋاشىلىق نەگىزگى تۇلعالارىنىڭ قارجى قۇراۋ بارىسىندا ورىن تەپكەن كەپىلگە قويۋ، كەپىلدىك ەتۋ جەتىسپەۋ سىندى قيىن ماسەلەلەرىنە قاراتا، ەكى جاق بىرلەسىپ حابارلاندىرۋ باسىپ تاراتتى، مۇنداعى ماقسات − ورتالىق بانكەنىڭ اقشا ساياساتى قۇرالى مەن ساياساتتىق اۋىل شارۋاشىلىعى كەپىلدىك سەرىكتەستىگىنىڭ بايلىقتان يگىلىكتەنۋىن ءونىمدى ۇشتاستىرىپ، اۋىل شارۋاشىلىعىنا ساياتىن ءتۇرلى شارۋاشىلىق نەگىزگى تۇلعالارىنىڭ فينانس كوتەرىمدىلىگىن ۇزدىكسىز كۇشەيتىپ، فينانس قۇرىلىمدارىنىڭ اۋىل - قىستاقتى گۇلدەندىرۋگە قىزمەت وتەۋ بەلسەندىلىگىن تاسقىنداتۋ.

«حابارلاندىرۋدا» مىنالار اتاپ كورسەتىلدى: اۋىل شارۋاشىلىعى سەنىمدى امانات - قارىزىنىڭ جالپىلىق قارجى قۇراۋ وزىندىك قۇنىن تومەندەتىپ، جەر - جەردەگى زاڭدىق تۇلعا فينانس قۇرىلىمدارىن قايتالاي نەسيە قارجىسىنان پايدالانىپ، ءوسىمى جەڭىلدەتىلگەن اۋىل شارۋاشىلىعى سەنىمدى امانات - قارىز كەپىلدەمەلى نەسيەسىن تاراتۋعا شابىتتاندىرىپ، فينانس قۇرىلىمدارىنىڭ اۋىل شارۋاشىلىعىن قولداۋدان پايدالانىپ بەرەتىن قايتالاي نەسيەسىنىڭ (كەدەيلەردى سۇيەمەلدەۋ قايتالاي نەسيەسىن قامتىمايدى)، شاعىن كاسىپورىنداردى قولداۋ قايتالاي نەسيەسىنىڭ نەسيە ءوسىم مولشەرى پرينسيپتىك جاقتان %5.5تەن جوعارى بولمايدى. شينجياڭ اۋىل شارۋاشىلىعى سەنىمدى امانات - قارىز قارجى قۇراۋ كەپىلدىك شەكتى جاۋاپكەرشىلىك سەرىكتەستىگى ساياساتتىق ورنىن تۇراقتاندىرۋعا ۇزدىكسىز تاباندى بولىپ، شارتقا ۇيلەسەتىن بازار نەگىزگى تۇلعالارىنا ساياساتتىق كەپىلدىك ەتۋ كاسىبىن جۇرگىزىپ، جىلىنا %0.8تىك ولشەممەن جەڭىلدەتىلگەن كەپىلدىك قاراجات ولشەمىن اتقارىپ، باسقالاي تەكسەرىپ باعالاۋ قاراجاتى سياقتى ءارقانداي اقى المايدى.

«حابارلاندىرۋدا» مىنالار ايقىن بەلگىلەندى: سەنىمدى امانات - قارىز كەپىلدىك جۇمىس ءتارتىبىن ساپالىلاندىرىپ، بانكە، كەپىلدىك سەرىكتەستىگى ەكى جاق سەلبەسىپ كەلىسۋ نەگىزىندە ءوزارا سەنىمدىلىك كەلىسىمىنە قول قويىسىپ، ينفورماتسيادان ورتاق يگىلىكتەنۋدى جانە جۇيەنى تۇتاستىرۋدى بەلسەنە ىلگەرىلەتىپ، جۇمىستى ىشكەرىلەي توعىستىرۋدى جەبەپ، جولداناتىن ماتەريالداردى ىقشامداپ، تەكسەرۋ ءتارتىبىن ساپالىلاندىرىپ، تەكسەرىپ بەكىتۋ ونىمدىلىگىن جوعارىلاتۋ كەرەك. بانكە، كەپىلدىك سەرىكتەستىگى ەكى جاق ساندى مالىمەتتى قولدانۋ سەلبەستىگىن كۇشەيتىپ، ۇلكەن ساندى مالىمەت تەحنيكاسى ارقىلى قاريدارلارعا يە بولىپ، حاۋىپ - قاتەردىڭ الدىن الىپ، جەلىدەن ءتىپتى كوپ كەپىلدەمەلى نەسيە ونىمدەرىن اشىپ، جۇمىس ءبىتىرۋ جالپى ءتارتىبىن جەلىلەستىرۋدى ىلگەرىلەتىپ، جۇمىس ءبىتىرۋ ونىمدىلىگىن ۇزدىكسىز جوعارىلاتۋ كەرەك. شينجياڭ اۋىل شارۋاشىلىعى سەنىمدى امانات - قارىز قارجى قۇراۋ كەپىلدىك شەكتى جاۋاپكەرشىلىك سەرىكتەستىگى كەپىلگە قويۋ جانە كەرى كەپىلدىك بەرۋ تالابىن بىرتىندەپ تومەندەتىپ، اۋىل شارۋاشىلىعى شارۋاشىلىق نەگىزگى تۇلعالارىنىڭ تابىس سەزىمىن ۇزدىكسىز كۇشەيتۋ كەرەك.

«حابارلاندىرۋدا» مىنالار باسا دارىپتەلدى: ونىمدەرگە جاڭالىق اشۋ، جالپىلاستىرۋ سەرپىنىن ارتتىرىپ، شينجياڭ اۋىل شارۋاشىلىعى سەنىمدى امانات - قارىز قارجى قۇراۋ كەپىلدىك شەكتى جاۋاپكەرشىلىك سەرىكتەستىگى سەنىمدى امانات - قارىزعا كەپىلدىك ەتۋ بويىنشا قىزمەت وتەۋدى ساتىلارعا، تۇرلەرگە ءبولىپ بەلسەنە ورىستەتىپ، جانۋارلاردى مال - مۇلىك ەتىپ كەپىلگە قويۋ سياقتى كەپىلدىك ەتۋ تاسىلدەرىنە بەلسەنە جاڭالىق ەنگىزىپ، ادام كۇشىن نەگىزگى ساتىعا بەيىمدەۋ سەرپىنىن اناعۇرلىم ارتتىرۋ كەرەك. ءارقايسى بانكە كاسىبى فينانس قۇرىلىمدارى اۋىل شارۋاشىلىعى سەنىمدى امانات - قارىز كەپىلدەمەلى نەسيەسىنىڭ سەنىمدى امانات - قارىز سوماسىن اۋقىمعا ساي رەتتەپ، تەكسەرىپ بەكىتۋ ۇقىق شەگىن ۇيلەسىمدى تومەنگە بەرىپ، اۋىل شارۋاشىلىعى سەنىمدى امانات - قارىز كەپىلدەمەلى نەسيە جۇمىسىنىڭ باعالاۋ كورسەتكىشى سالماعىن جوعارىلاتۋ كەرەك.