دۋ لەي (ٴوز ٴتىلشىمىز)

باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ٴتۇزىمى مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن ۇزدىكسىز ىلگەرىلەتىپ، دامۋدىڭ ىشكى قوزعاۋشى كۇشى مەن دامۋدىڭ ومىرشەڭدىگىن ايرىقشا كۇشەيتىپ، كەدەيلىكتەن ارىلعاننان كەيىن دە دامي الۋعا، باياندى بولۋعا شىنايى كەپىلدىك ەتۋ كەرەك دەپ باسا دارىپتەگەن بولاتىن.

دوڭگەلەك داۋلەتتىلىككە جەتكەن - جەتپەگەنىندە، ماڭىزدىسى، اۋىلداستارعا قاراۋ كەرەك. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسى اشىلعاننان بەرى وبلىسقا توتە قاراستى ورىندار اۋىل - قىستاقتى گۇلدەندىرۋ ستراتەگياسىن اتقارۋدى نەگىزگى تۇتقا، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ساپا ارقىلى اۋىل شارۋاشىلىعىن كوركەيتۋگە، ماركا ارقىلى اۋىل شارۋاشىلىعىن الۋەتتەندىرۋگە تاباندى بولىپ، اۋىل شارۋاشىلىق قوسىمشا ونىمدەرىمەن ۇتىمدى قامداۋ قۋاتىن ۇزدىكسىز جوعارىلاتىپ، ەگىن، مال شارۋاشىلىعىنىڭ جوعارى ساپالى دامۋىن ىلگەرىلەتتى.

ەگىمشىلىك قۇرىلىمى ساپالىلاندىرىلىپ، اۋىل شارۋاشىلىق ٴوندىرىسى بۇقارانى اۋقاتتاندىرۋدىڭ «التىن كىلتىنە» اينالدى

9 - ايدىڭ 4 - كۇنى چاپچال سىبە اۆتونوميالى اۋدانى اسىل تۇقىمدى قوي فەرماسى رايونىن باسقارۋ كوميتەتىنىڭ قۇدىقتان سۋارۋ رايونىندا جۇگەرى ەگىمشىلىگىمەن شۇعىلداناتىن جاڭ يۇڭ تيەكتى اشىپ، سۋدى اعىزدى. ول 500 مۋ جەرگە ەگىلگەن ساپالى تۇقىمدىق جۇگەرى اتىزىن تاعى ٴبىر رەت سۋارماقشى. «سۋدى ۇنەمدەپ، وزىندىك قۇندى تومەندەتۋ ٴۇشىن ٴبىز تامشىلاتىپ سۋارۋ تەحنيكاسىن قولداندىق. ادەتتە 70 ساعاتتا جۇگەرى اتىزىن تولىق سۋارىپ بولامىز» دەدى جاڭ يۇڭ.

ەگىمشىلىك كاسىبىندەگى حاۋىپ - قاتەردەن اۋلاق بولۋ ٴۇشىن 2019 - جىلى چاپچال اۋدانى ەگىمشىلىك قۇرىلىمىن ساپالىلاندىردى، جاڭ يۇڭ دا وسىدان باستاپ ساپالى تۇقىمدىق جۇگەرى ەگەتىن جەر كولەمىن كەڭەيتتى. «العاش رەت 200 مۋ جەرگە ساپالى تۇقىمدىق جۇگەرى ەكتىم. ول كەزدە ساپالى تۇقىم جەتىلدىرۋ كاسىپورنىمەن توقتام جاساسىپ، ارناۋلى تاپسىرىس قابىلداعاندىقتان كىرىسىم دە ورنىقتى بولدى. بۇدان تىس، ساپالى تۇقىم جەتىلدىرۋ كاسىپورنىنىڭ تەحنيكتەرى تەحنيكالىق جاقتان جەتەكشىلىك ەتىپ، ساپالى تۇقىمدىق جۇگەرىنىڭ ٴونىم مولشەرى مەن ساپاسىنا كەپىلدىك ەتتى» دەدى جاڭ يۇڭ.

بيىل جىل باسىنان بەرى وبلىسقا توتە قاراستى ورىندار ەگىمشىلىك قۇرىلىمىن اناعۇرلىم ساپالىلاندىرىپ، ەرەكشە، جوعارى ٴونىمدى ەگىمشىلىك كاسىبىن كۇش سالا دامىتىپ، ونى وبلىستىق قازىنانىڭ سيلىق، قوسىمشا قاراجات بەرۋ، قولداۋ كورسەتۋ كولەمىنە ەنگىزىپ، ديقانداردى استىق ٴوندىرىسىن ورنىقتىرۋ نەگىزىندە تاعى دا ساپالى تۇقىمدىق جۇگەرى، جۇڭگوشا ٴدارى  ٴشوپ، حوش ٴيىستى وسىمدىك، قىزىلشا، جەم - ٴشوپ، كوكونىس سياقتى ەرەكشە، جوعارى ٴونىمدى داقىل ەگىمشىلىگىن كۇش سالا دامىتۋعا باستاپ، ٴتۇرلى ەگىس داقىلدارى ەگىلگەن جەر كولەمىن 2 ميلليون 169 مىڭ 900 مۋعا جەتكىزىپ، مىندەتتىڭ %108 ىن ورىنداپ، وتكەن جىلعى سايكەس مەزگىلدەگىدەن 325 مىڭ 600 مۋ ارتتىردى. 

توعىزتاراۋ اۋدانى تاستوبە اۋىلى ىلگىداي قىستاعىنىڭ تۇرعىنى ياڭ شينچۇن جۇڭگوشا ٴدارى ٴشوپ ەگىمشىلىگىمەن شۇعىلداناتىن ٴىرى وتباسى. بيىل ول 2 مىڭ 700 مۋ جەرگە بۇپلەۋىر ەكتى. قازىر ٴبىر ٴدارى - دارمەك سەرىكتىگى ونىمەن ساتىپ الۋ توقتامىن جاساستى. ياڭ شينچۇن بىلاي دەدى: «بيىل 3 - ايدا انحۇي ولكەسىنە بارىپ، بازار جاعدايىن تەكسەرگەننەن كەيىن بۇپلەۋىر ەگىمشىلىگىن كۇش سالا دامىتۋ بەكىمىنە كەلدىم، مۇنىڭ دامۋ بولاشاعى جاقسى».جوعارى ساپالى دامۋ ىلگەرىلەتىلىپ، وسى زامانعى مال شارۋاشىلىعى ەگىنشى، مالشىلاردىڭ كىرىسىن ارتتىرۋدىڭ ٴونىمدى جولىنا اينالدى

3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسى اشىلعاننان بەرى وبلىسقا توتە قاراستى ورىندار جاڭا دامۋ ۇستانىمىنا تاباندى بولىپ، مال شارۋاشىلىعىن جوعارى ساپالى دامىتۋ تالابىن جاپپاي تياناقتاندىرىپ، «ىلە وبلىسىنا توتە قاراستى ورىنداردىڭ <14 - بەسجىلدىق> مەزگىلىندە مال شارۋاشىلىعىن جوعارى ساپالى دامىتۋداعى ٴتۇيىندى كاسىپتەردى ىلگەرىلەتۋ جوباسىن» جاسادى. وبلىستىڭ مال شارۋاشىلىعى جۇيەسى «2021 - جىلعى ىلە وبلىسىنا توتە قاراستى ورىنداردىڭ مال شارۋاشىلىعىن جوعارى ساپالى دامىتۋ قىزمەت جوباسى»، «2021 - جىلعى ىلە وبلىسىنا توتە قاراستى ورىنداردىڭ جىلقى شارۋاشىلىعىن جوعارى ساپالى دامىتۋ قىزمەت جوباسى» مەن 7 ٴتۇرلى مال شارۋاشىلىعىن كوركەيتۋ قيمىلى قىزمەت جوباسىن جاساپ، وبلىسقا توتە قاراستى ورىنداردىڭ مال شارۋاشىلىعىنىڭ جوعارى ساپالى دامۋىندا قاتىستى ساياساتتىق شارالاردىڭ تياناقتانۋىن، ونىمدىلىك كورسەتۋىن جەبەدى.

قۇلجا قالاسى اۋىل شارۋاشىلىق - ساۋدا ىستەرىنە قارجى قوسۋ (توبى) شەكتى جاۋاپكەرلىك سەرىكتەستىگىنىڭ قارجىسىمەن قۇرىلعان ىلە ي - مۋشين ەگىن، مال شارۋاشىلىعىن دامىتۋ شەكتى جاۋاپكەرلىك سەرىكتەستىگىندەگى ساۋىن سيىردىڭ سانى ٴبىرمىڭ 228 باس، مۇنىڭ ىشىندە ەنەلىك سيىر 656 باس، كۇنىنە ورتا ەسەپپەن 9 توننا ٴسۇت ٴوندىرىلىپ، جىلدىق ٴونىم قۇنى 13 ميلليون يۋانعا جەتەدى.

ٴتىلشى بايانداي قالاشىعى ساۋىن سيىر باعىمشىلىق الاڭىندا كاسىپورىن جۇمىسشىلارىنىڭ ماشينامەن جەم - ٴشوپ سالىپ جاتقانىن ٴارى كۇيلى گولستەين ساۋىن سيىرلارىنىڭ جەم جەپ تۇرعانىن كوردى. «قازىر سەرىكتەستىگىمىز 47 ادامدى ورنىقتى جۇمىستاندىرۋدى شەشتى. بۇدان تىس، جەم - ٴشوپ ساتىپ العان كەزدە، ٴبىز مۇمكىندىكتىڭ بارىنشا  ەگىنشىلەرگە پايدا جەتكىزىپ، ولاردى بىرگە كىرىسىن ارتتىرىپ، بىرگە اۋقاتتانۋعا باستادىق» دەدى سەرىكتەستىك ساتۋ ٴبولىمىنىڭ مەڭگەرۋشىسى گاۋ حاييان.

ۇعىسۋىمىزشا، وتكەن جىلى بۇل سەرىكتەستىك ٴسۇت كاسىبى ۋنيۆەرسال مانەرلەۋ ٴوندىرىس جەلىسى قۇرىلىس نىسانىن باستاپ، جالپى 200 ميلليون يۋان قارجى قوسىپ، ٴبىرىنشى مەرزىمدە ٴوندىرىس قۋاتىن 200 تونناعا جەتكىزىپ، ميكروپسىزداندىرىلعان ٴسۇت، ايران، پاستەرلەنگەن ٴسۇت سياقتى ونىمدەردى نەگىز ەتىپ، بيىل 11 - ايدا سىناق رەتىندە وندىرىسكە قوسۋدى جوسپارلاعان. 2 - مەرزىمدە ٴوندىرىس قۋاتىن 300 تونناعا جەتكىزىپ، ٴسۇت پاراشوگى، ىرىمشىك، بالمۇزداق سياقتى قوسىمشا قۇنى جوعارى ونىمدەردى نەگىز ەتىپ، جۇمىستاندىرۋدى شەشىپ، شارۋالاردىڭ كىرىسىن ارتتىرىپ، اۋقاتتانۋعا باستاۋ جاعىنان ۇلەس قوسۋدى جوسپارلاعان.

نىلقى اۋدانى نىلقى قالاشىعىنان كەلگەن پانارگۇل الشىر قىزى مەن كۇيەۋى وسى سەرىكتەستىكتە جۇمىسقا ورنالاسقان، ەكەۋىنىڭ ايلىق كىرىسى 6 مىڭ يۋاننان اسادى. ول بىلاي دەدى: «بۇل جەردە كىرىسىمىز ورنىقتى بولىپ قالماستان، جاتىن ورىن، تاماعىمىز تەگىن، وسى ارادا ۇزىن ۋاقىت جۇمىس ىستەمەكشىمىز».

جۋىقتان بەرى حۋياڭ قويى باعىمشىلىعىن دامىتۋ ارقىلى اۋقاتتانۋ جولىنا تۇسكەن چاپچال اۋدانى چوقىر قالاشىعىنداعى باعىمشىلىق ٴىرى وتباسى چىن جىگۋاڭ بورداقىلانعان تاعى ٴبىر توپ قويدى بازارعا شىعارۋدىڭ ەسەبىن جاساپ جاتتى. «حۋياڭ قويى باعىمشىلىعىمەن اينالىسقانىما 7 جىل بولدى، قازىر قورامدا 350 ساۋلىق بار، بيىل 150 ساۋلىقتى بازارعا شىعاردىم، جۋىردا تاعى 100 دەن استامىن بازارعا شىعارماقپىن، باعىمشىلىق ارقىلى جىلدىق كىرىسىم 350 مىڭ يۋاننان استى» دەدى چىن جىگۋاڭ.

ۇعىسۋىمىزشا، حۋياڭ قويى ٴبىر جىلدا بىرنەشە رەت تولدەۋ، كوپ  ٴتول بەرۋ، ٴوسىپ - جەتىلۋى تەز بولۋداي ەرەكشەلىككە يە ەكەن، اسىرەسە، سويىس قويىمەن بۋدانداستىرىلعان سوڭ، ٴار ٴبىر قويدىڭ ەت ٴتۇسىمى 5 كيلوگرام اينالاسىندا ارتىپ، ەكونوميكالىق ونىمدىلىگى كورنەكتى جوعارىلايدى ەكەن. چىن جىگۋاڭنىڭ باستاماشىلىعىندا قازىر 12 وتباسى حۋياڭ قويى باعىمشىلىعىمەن اينالىسا باستاپتى.

قونىستانۋ ورتاسى جونگە سالىنىپ، كورىكتى اۋىل - قىستاق تىنىش تىرشىلىك تۇراعىنا اينالدى

 كۇز باسىندا قورعاس اۋدانى سانگۇڭ حۇيزۋ اۋىلى جوعارعى سانگۇڭ قىستاعىنا بارساڭىز، تەگىس، تازا ۇلكەن جولدىڭ ەكى جاعالاۋىنان رەتتى دە كورىكتى شارۋالار اۋلاسىن، سونداي - اق ونداعى جەمىسى سامسىپ تۇرعان كوكونىس باقشاسىن، قوراداعى ٴار تۇلىك مالدى كورەسىز... مىنە، بۇل وبلىسقا توتە قاراستى ورىندارداعى كورىكتى اۋىل - قىستاقتىڭ تاماشا كورىنىسى.

  بيىل وبلىسقا توتە قاراستى ورىندار اۋىل - قىستاقتىڭ قونىستانۋ ورتاسىن جونگە سالىپ، دارەجەسىن جوعارىلاتۋدىڭ 5 جىلدىق ارەكەتىن باستاپ، «100 قىستاق ۇلگى كورسەتۋ، مىڭ قىستاقتى جونگە سالۋ» ينجەنەرياسىن ۇزدىكسىز اتقارىپ، اۋىل - قىستاقتاعى قوقىر - قوقسىقتى، لاس سۋدى ٴبىر جاقتى ەتۋ جانە قىستاقتىڭ بەت - بەينەسىن جاقسارتۋدى نەگىزگى قامال الۋ باعىتى ەتىپ، 10 مىڭ 431 ورىنداعى قۇلاعان داۋال، قيراعان تامدى تازالاپ، 212 مىڭ توننا تۇرمىستىق قوقىر - قوقسىقتى ٴبىر جاقتى ەتىپ، 6 مىڭ 446 كيلومەتر توعاندى ارشىپ، مال كوڭى، قۇس دايراعى سياقتى اۋىل شارۋاشىلىعى وندىرىسىنەن شىققان 646 مىڭ توننا كەرەكسىز زاتتى ٴبىر جاقتى ەتتى. 

جاقىنعى جىلداردان بەرى جوعارى سانگۇڭ قىستاعى اۋىل ـ قىستاق نەگىزدىك قۇرىلعى قۇرىلىسى، الەۋمەتتىك قىزمەت وتەۋمەن قامتاماسىز ەتۋ جانە ورتا تازالىعىن جونگە سالۋ سياقتى قىزمەتتەردى كۇش سالا ورىستەتىپ، كورىكتى اۋىل ـ قىستاق قۇرىلىسىن كۇش سالا ىلگەرىلەتتى. قىستاق نەگىزدىك قۇرىلعى قۇرىلىسىندا «قوسۋ ٴادىسىن» ۇزدىكسىز اتقارىپ، بۇقارانىڭ تۇرمىس ورتاسىن جاقسارتىپ، قىستاق تۇرعىندارىنىڭ باقىت كورسەتكىشىن جوعارىلاتۋمەن بىرگە، كاسىپ تۇعىرىن بەلسەنە قۇرىپ، ٴتۇرلى كاسىپتىك سەلبەستىك كووپەراتيۆتەرىن قۇرۋ سياقتى تاسىلدەر ارقىلى قىستاقتىڭ كوللەكتيۆ ەكونوميكاسىن جانداندىرىپ، قىستاقتىڭ اناعۇرلىم كوركەم، قىستاق تۇرعىندارىنىڭ اناعۇرلىم باي بولۋىنا مۇمكىندىك جاسادى.

59 جاستاعى ابدۇراحمان ابدۇرۇسۇل: «قازىر قىستاققا اسفالت جول جاتقىزىلدى، قىستاق تۇرعىندارى بەيقۇت ۇيگە كوشىپ كىرىپ، كوپشىلىك جاقسى تۇرمىس كەشىرۋدە، مۇنىڭ ٴبارى پارتيانىڭ ابزال ساياساتىنىڭ ارقاسى» دەدى. 

كورىكتى اۋىل ـ قىستاق قۇرىلىسى − اۋىل ـ قىستاقتى گۇلدەندىرۋ ستراتەگياسىن اتقارۋداعى ماڭىزدى مىندەتتەردىڭ ٴبىرى، ال اۋىل ـ قىستاقتاعى دارەتحانانى وزگەرتۋ قىزمەتى − كورىكتى اۋىل ـ قىستاق قۇرىلىسىنىڭ ماڭىزدى بۋىنى. جاقىنعى جىلداردان بەرى وبلىسقا توتە قاراستى ورىندار باس شۋجي شي جينپيڭنىڭ دارەتحانا توڭكەرىسى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، دارەتحانا ماسەلەلەرىن اداقتاپ، رەتتەۋ ـ تۇزەتۋدى كۇشەيتىپ، دارەتحانانى جاڭالاۋ ۇلگىسىن عىلمي تاڭداپ، ۇلگى كورسەتۋ، ەكسكۋرسيالاۋ تۇيىندەرىن قۇرىپ، جوبانى الدىمەن اتقارۋعا تاباندى بولىپ، دارەتحانانى تۇرگە، رايونعا، مەرزىمگە ٴبولىپ وزگەرتىپ، ينجەنەريا قۇرىلىسىنىڭ ساپاسىنا كەپىلدىك ەتتى ٴارى قىستاقتىڭ كۇزگى تازالىق جۇمىسىن ۇزدىكسىز ورىستەتىپ، شارۋالاردىڭ تاماشا تازالىق ادەتى مەن سالاۋاتتى ٴومىر سالتىن قالىپتاستىرۋىنا كۇش سالدى. 

بيىل قۇلجا اۋدانى سامجۇزى قالاشىعى ٴارقايسى قىستاقتىڭ ٴىس جۇزىندىك جاعدايىمەن ۇشتاستىرىپ، ۇلگى كورسەتەتىن قىستاقتاردى الدىمەن وزگەرتۋ جوباسىن شىعارىپ، ٴتۇيىن ارقىلى جالپى كولەمدى جەتەكتەپ، قىزمەتتى باياندى، ٴونىمدى، ٴتارتىپتى ورىستەتتى. 

وسى قالاشىقتىڭ سالا قىستاعىنىڭ تۇرعىنى ما گۇيپيڭنىڭ ۇيىنە بارعانىمىزدا اۋلاسىنىڭ تازا دا رەتتى ەكەنىن، ۇساق - تۇيەك نارسەلەرىنىڭ رەتتى قويىلعانىن، قۇلپىرعان جاسىل وسىمدىكتەر مەن گۇلدەر كوزدىڭ جاۋىن الىپ، اۋلاسىنىڭ وتە جايلى ەكەنىن كوردىك. سالقىن لاپاستىڭ استىندا قىزىل بۇرىش كەپتىرىپ وتىرعان ما گۇيپيڭ تىلشىگە بىلاي دەدى: «بۇرىنعى دارەتحانادان جازدا ساسىق ٴيىس مۇڭكىپ، شىبىن - شىركەي قاپتاپ ۇشىپ جۇرەتىندىكتەن اۋلادا كوكونىس كەپتىرە المايتىنبىز، قازىر دارەتحانا وزگەردى، كوكونىستەردى اۋلا ىشىندە كەپتىرۋدەن الاڭدامايتىن بولدىق» دەدى. 

قۇلجا اۋدانىنىڭ اۋىل ـ قىستاقتارى جەرگىلىكتى جاعدايعا قاراي ٴىس ىستەپ، دارەتحانا توڭكەرىسىن اتقارۋ جوباسىن جاسادى. ٴۇشون حۇيزۋ ۇلتتىق اۋىلى تومەنگى ٴۇشون قىستاعى حالىقتىق تۇسەلحانا ساياحاتىن بارىنشا دامىتتى، قىستاق تۇرعىندارى دارەتحانالارىن سۋمەن شايىلاتىن جاڭا دارەتحاناعا وزگەرتىپ، ساياحاتشىلارعا تازا دا رەتتى جاتىن ورىن ازىرلەدى. قىستاق تۇرعىنى ما شياۋدى: «قازىر مەملەكەتتىڭ ساياساتى ايتارلىقتاي جاقسى، بۇقارانىڭ اس - سۋ ماسەلەسىنە نازار اۋدارۋمەن بىرگە، كوپشىلىكتىڭ تۇرمىس ساپاسىنا دا كوڭىل ٴبولىپ كەلەدى، قونىس ورتاسىنىڭ جاقسارۋىنا ساي ٴبىز دە قالالىقتار سياقتى تۇرمىس كەشىرەتىن بولدىق، الدا ٴۇيىمدى حالىقتىق تۇسەلحانا ەتىپ دامىتسام دەيمىن» دەدى.