جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

قالا، اۋىل قۇرىلىسىنىڭ جاسىل دامۋىن ىلگەرىلەتۋ كەرەك

شينحۋا اگەنتتىگىنىڭ 10 - ايدىڭ 21 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «قالا، اۋىل قۇرىلىسىنىڭ جاسىل دامۋىن ىلگەرىلەتۋ جونىندەگى پىكىردى» (تومەندە قىسقارتىلىپ «پىكىر» دەلىندى) باسىپ تاراتتى ٴارى حابارلاندىرۋ شىعارىپ، جەر - جەردەن، تاراۋلاردان ٴىس جۇزىندىك جاعدايمەن ۇشتاستىرىپ، دەن قويا دايەكتىلەندىرۋدى، تياناقتاندىرۋدى تالاپ ەتتى.

«پىكىردە» مىنالار اتاپ كورسەتىلدى: قالا، اۋىل قۇرىلىسى جاسىل دامۋدى ىلگەرىلەتۋدىڭ، كوركەم جۇڭگو قۇرۋدىڭ ماڭىزدى دانەكەرى.

ادام مەن تابيعاتتىڭ جاراسىمدى قاتار ٴومىر سۇرۋىنە تاباندى بولىپ، تابيعاتقا قۇرمەت ەتىپ، تابيعاتقا ۇيلەسىپ، تابيعاتتى قورعاپ، ادام مەن تابيعاتتىڭ تىرشىلىك ورتاق تۇلعاسىن قۇرۋدى ىلگەرىلەتۋ كەرەك. جالپىلىق پەن ٴىشىنارالىقتىڭ ٴوزارا سايكەسۋىنە تاباندى بولۋ، جوبالاۋ، قۇرىلىس جۇرگىزۋ، باسقارۋ سىندى 3 ۇلكەن بۋىندى ٴبىر تۇتاس جوسپارلاۋ، قالا - قالاشىق جانە اۋىل - قىستاق قۇرىلىسىن ٴبىر تۇتاس جوسپارلاۋ كەرەك. ونىمدىلىك پەن بىركەلكىلىككە قاتار ٴمان بەرۋگە تاباندى بولىپ، قالا، اۋىلدا بايلىقتان، ەنەرگيادان ۇنەمدى، شوعىرلى پايدالانۋدى جەبەپ، حالىق سانىنىڭ، ەكونوميكالىق دامۋدىڭ ەكولوگيالىق بايلىقپەن سايكەستى بولۋىن جۇزەگە اسىرۋ كەرەك. ٴادىل بولۋدى سيىسىمدى بولۋمەن ٴوزارا توعىستىرۋعا تاباندى بولىپ، قالا، اۋىل نەگىزدىك قۇرىلعىلارىن كەمەلدەندىرىپ، نەگىزگى الەۋمەتتىك قىزمەت وتەۋدى بىركەلكىلەندىرۋدى ىلگەرىلەتۋ كەرەك. قورعاۋ مەن دامۋدىڭ بىرلىگىنە تاباندى بولىپ، جۇڭحۋانىڭ تاڭداۋلى، ٴداستۇرلى مادەنيەتىن جالعاستىرىپ، جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتۋ كەرەك. پارتيا قۇرىلىسىمەن جەتەكشىلىك ەتۋدى بۇقارانىڭ بىرگە قۇرۋىمەن، بىرگە باسقارۋىمەن، بىرگە يگىلىكتەنۋىمەن ۇشتاستىرۋعا تاباندى بولىپ، بۇقارانىڭ ات سالىسۋ مەحانيزمىن كەمەلدەندىرىپ، تاماشا ورتانى بىرگە جاراتۋ كەرەك.

«پىكىردە» العا قويىلعان جالپى تۇلعالىق نىسانا: 2025 - جىلعا بارعاندا قالا، اۋىل قۇرىلىسىنىڭ جاسىل دامۋ ٴتۇزىلىسى، مەحانيزمى مەن ساياساتتىق جۇيەسى نەگىزىنەن ورنايدى، قۇرىلىس تاسىلىندە جاسىلعا بۇرىلىس جاساۋ ونىمدىلىگى كورنەكتى بولادى، كومىر قىشقىل گازىنىڭ شىعارىلۋىن ازايتۋ تىڭعىلىقتى ىلگەرىلەتىلەدى، قالانىڭ تۇلعالىق سيپاتى، جۇيەلىك سيپاتى، ٴوسىپ - جەتىلۋ سيپاتى كۇشەيەدى، «قالا دەرتى» ماسەلەسى باسەڭدەيدى، قالا، اۋىلدىڭ ەكولوگيالىق ورتا ساپاسى جالپىلىق جاقسارىپ، قالا، اۋىلدىڭ دامۋ ساپاسى مەن بايلىق ورتاسىنىڭ كوتەرىمدىلىك قابىلەتى كورنەكتى جوعارىلايدى، جان - جاقتى جونگە سالۋ قابىلەتى كورنەكتى وسەدى، جاسىل تۇرمىس ٴتاسىلى جاپپاي جالپىلاسادى.

2035 - جىلعا بارعاندا قالا، اۋىل قۇرىلىسىندا جاسىل دامۋ جاپپاي جۇزەگە اسادى، كومىر قىشقىل گازىنىڭ شىعارىلۋىن ازايتۋ دەڭگەيى جەدەل جوعارىلايدى، قالا مەن اۋىلدىڭ ساپاسى جاپپاي جوعارىلايدى، قونىس ورتاسى ونان ارى تاماشا بولادى، قالا، اۋىل قۇرىلىس سالاسىن جونگە سالۋ جۇيەسى مەن جونگە سالۋ قابىلەتى وسىزاماندانۋدى نەگىزىنەن جۇزەگە اسىرادى، كوركەم جۇڭگو قۇرىلىسى نىساناسى نەگىزىنەن جۇزەگە اسادى.

«پىكىردە» قالا، اۋىل قۇرىلىسىن ٴبىر تۇلعالاندىرىپ دامىتۋدى ىلگەرىلەتۋ، قالا، اۋىل قۇرىلىسىنىڭ دامۋ تاسىلىنە بۇرىلىس جاساۋ، قىزمەت ٴتاسىلىن جاڭالاۋ، ۇيىمداستىرىپ اتقارۋدى كۇشەيتۋ سياقتىلار جونىندە ايقىن تالاپتار قويىلدى.