汉文 ىلە اقپارات تورابىنا حوش كەلدىڭىزدەر!
نىلقى اۋدانى كەدەيلىكتەن ارىلتۋدان قامال الۋ جەڭىسىنىڭ جەمىسىن باتىل بەكەمدەدى
2021-12-10 11:39:55     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز لۋ جۇڭ

رەداكتور ەسكەرتپەسى:

بيىل − «14 ـ بەسجىلدىق» جوبا باستالعان جىل ٴارى كەدەيلىكتەن ارىلتۋدان قامال الۋ تابىستارىن بەكەمدەۋ مەن كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدىڭ باستاما جىلى. اۆتونوميالى وبلىس كەدەيلىكتەن ارىلتۋدان قامال الۋ تابىستارىن بەكەمدەۋ مەن كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋ قىزمەتتەرىن شىن مانىندە ويداعىداي ىستەپ، كەدەيلىكتەن ارىلتۋ نەگىزىنىڭ اناعۇرلىم بەكەمدەلىپ، كەدەيلىكتەن ارىلتۋ ناتيجەسىنىڭ اناعۇرلىم باياندى بولۋىن ىلگەرىلەتتى.

ٴبىر جىلدان بەرى  اۆتونوميالى وبلىس «ٴتورتتى توقتاتپاۋ»  تالابىن قاتاڭ تياناقتاندىرىپ، كولەمدى قايتا كەدەيلەسۋدىڭ تۋىلماۋ تومەنگى شەگىن مىقتى ساقتاپ، قايتا كەدەيلەسۋدەن ساقتانۋدىڭ اۋقىمدىق باقىلاۋ ـ تەكسەرۋ جانە كومەكتەسۋ ـ سۇيەمەلدەۋ مەحانيزمىن ورناتىپ جانە كەمەلدەندىرىپ، كاسىپ سالاسى بويىنشا كومەكتەسۋ ـ سۇيەمەلدەۋ، جۇمىسقا ورنالاستىرۋ بويىنشا كومەكتەسۋ ـ سۇيەمەلدەۋ، وڭتايلى جەرگە كوشىرۋدەن كەيىنگى كومەكتەسۋ ـ سۇيەمەلدەۋ، قىستاقتا تۇرىپ كومەكتەسۋ ـ سۇيەمەلدەۋ، تۇتىنۋ بويىنشا كومەكتەسۋ ـ سۇيەمەلدەۋ، وقۋ ـ اعارتۋ بويىنشا كومەكتەسۋ ـ سۇيەمەلدەۋ، ەڭ تومەنگى شەكتەن تۇسىرمەي قامتاماسىز ەتۋ سياقتىلاردى ۇزدىكسىز كۇشەيتىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، اۋىل ـ قىستاقتى گۇلدەندىرۋدە نىق قاداممەن العا باستى. 

گازەتىمىز بۇگىننەن باستاپ «كەدەيلىكتەن ارىلتۋدان قامال الۋ تابىستارىن بەكەمدەيىك، كەڭەيتەيىك» ارناۋلى ايدارىن اشىپ، نازاردى شوعىرلاندىرا وتىرىپ اۋدان، قالالاردىڭ زەيىن ـ زەردە مەن كۇش ـ قۋاتتى ۇيىستىرىپ، شىنايى يگەرىپ، ناقتى ىستەپ، قا

جىرلىلىقپەن ىسكەرلىك كورسەتىپ، كەدەيلىكتەن ارىلتۋدان قامال الۋ تابىستارىن شىن مانىندە بەكەمدەپ، كەڭەيتىپ، كەدەيلىكتەن ارىلعان وڭىرلەردىڭ دامۋى مەن بۇقارانىڭ تۇرمىسىن جاقسارتۋدى ۇزدىكسىز ىلگەرىلەتكەن بەلسەندى ونىمدىلىكتەرى مەن تاجىريبە ـ ادىستەرىن تانىستىرادى.


«2021 ـ جىلدىڭ سوڭىندا كەدەيلىكتەن ارىلعانداردىڭ جان باسىندىق تازا كىرىسى 2020 ـ جىلدىڭ سوڭىنداعى  9 مىڭ 557 يۋاننان 13 مىڭ 39 يۋانعا جەتىپ، 3 مىڭ 482 يۋان ارتتى». باقىلاپ - تەكسەرۋدە ٴۇش تۇردەگى وتباسى بولعان (كەدەيلىكتەن ارىلتۋدا ورنىقسىز وتباسى، وڭاي كەدەيلەسەتىن وتباسى، تۇتقيىل اۋىر قيىنشىلىققا جولىققان وتباسى) جالپى 481 وتباسىنداعى ٴبىر مىڭ 797 ادامنىڭ جان باسىندىق تازا كىرىسى 2020 - جىلدىڭ سوڭىنداعى 8 مىڭ 374 يۋاننان 10 مىڭ 703 يۋانعا كوبەيىپ، 2 مىڭ 329 يۋان ارتتى» دەدى 12 ـ ايدىڭ 2 ـ كۇنى نىلقى اۋداندىق اۋىل ـ قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشىسى جاڭ شيۇڭجيە قۋانا. 

2021 ـ جىلى نىلقى اۋدانى قايتا كەدەيلەسۋدىڭ حاۋىپ ـ قاتەر تۇيىندەرىن جۇيەلى رەتتەۋ، قايتا كەدەيلەسۋدەن ساقتانۋ اۋقىمىن باقىلاۋ ـ تەكسەرۋ جانە كومەكتەسۋ ـ سۇيەمەلدەۋ مەحانيزمىن كەمەلدەندىرۋ، كاسىپ سالاسىن دامىتۋ ارقىلى جۇمىسقا ورنالاستىرۋدى جەبەۋ سياقتى تاسىلدەردى قولدانىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ مەن كەڭەيتۋ قىزمەتىن ويداعىداي ىستەپ، اۋىل ـ قىستاقتىڭ كاسىپ سالاسىن دامىتۋ، نەگىزدىك قۇرىلعى، نەگىزگى الەۋمەتتىك قىزمەت وتەۋ سياقتى جاقتارداعى ولقىلىقتاردى ۇزدىكسىز تولىقتاپ، نەگىزگى كومەكتەسۋ - سۇيەمەلدەۋ ساياساتىنىڭ توقتاماۋىنا، ۇزىلمەۋىنە، اقتاڭداق قالماۋىنا كەپىلدىك ەتىپ، ٴونىمدى ۇشتاستىرۋدى شىن مانىندە جۇزەگە اسىرىپ، كەدەيلىكتەن ارىلتۋ نەگىزىنىڭ اناعۇرلىم ورنىقتى، بۇقارا تۇرمىسىنىڭ اناعۇرلىم تاماشا بولۋىن ىلگەرىلەتتى. 

باقىلاۋ ـ تەكسەرۋدى، ساقتاندىرۋدى كۇشەيتىپ، ەڭ سوڭعى قورعانىس شەبىن بەكەمدەدى 

قىس، تاڭ ٴسارى، قاراسۋ اۋىلىنىڭ ٴتۇپشىن قىستاعى جايبىراقات تىنىشتىققا شومعان. قىستاق تۇرعىنى ارميا مۇكەي ۇلى بۇرىنعىسىنشا قىزعىلت سارى ٴتۇستى جۇمىس كيىمىن كيىپ، قولىنا سىبىرتكى، كۇرەگىن الىپ، ۇيىنەن شىقتى. 

ارميا ىزعارلى سۋىققا قاراماستان جول تازالاۋ، قوقىر ـ قوقسىقتاردى توگۋ جۇمىستارىن توتەنشە مۇقيات ىستەدى. «كوپشىلىكتى تازا ورتادان تىنىستاۋعا مۇمكىندىك جاراتا السام قىزمەتىمنىڭ  ٴماندى بولعاندىعى» دەدى ول كۇلىمسىرەپ.

كەدەيلىكتەن ارىلعان ارميا مۇكەي ۇلىنىڭ دەنساۋلىعى جاقسى ەمەس، اۋىر جۇمىس ىستەي المايدى، ول وتباسىنداعى بىردەن ـ ٴبىر ەڭبەككۇش بولعاندىقتان وتباسىنىڭ كىرىسى دە وتە ورنىقسىز ەدى.

جەرگىلىكتى ۇكىمەت ارميا مۇكەي ۇلى وتباسىنداعى بەس جاندى كەدەيلىكتەن ارىلۋىنا باقىلاۋ - تەكسەرۋ جۇرگىزىلەتىن وتباسى قاتارىنا ەنگىزىپ، باعىتتامالى ساقتانۋ شارالارىن اتقارىپ، ونىڭ قايتا كەدەيلەسپەۋىنە كەپىلدىك ەتتى. 

«2020 ـ جىلى 9 ـ ايدا ٴتۇپشىن قىستاعى ارميا مۇكەي ۇلىن ايىنا ٴبىر مىڭ 80 يۋان ەڭبەكاقىمەن ورتا تازالىعىن قورعاۋ سىندى الەۋمەتتىك يگىلىك سيپاتتى قىزمەتكە ورنالاستىردى، ونىڭ ۇستىنە ٴبىر ٴۇيلى جاننىڭ ۇشەۋىن ەڭ تومەنگى تۇرمىستى قامتاماسىزداندىرۋ كولەمىنە ەنگىزىپ، ولاردى اي سايىن تۇراقتى كىرىسكە يە ەتتى» دەدى قىستاق پارتيا ياچەيكاسىنىڭ شۋجيى قۇنانباي كوكىس ۇلى تىلشىگە. 

باقىلاۋ - تەكسەرۋ،  ساقتاندىرۋ جانە كومەكتەسۋ - سۇيەمەلدەۋ قىزمەتىن كۇشەيتۋ ٴۇشىن، نىلقى اۋدانى قايتا كەدەيلەسۋدەن ساقتانۋ اۋقىمىن باقىلاۋ ـ تەكسەرۋ جانە كومەكتەسۋ - سۇيەمەلدەۋ مەحانيزمىن جاپپاي تياناقتاندىرىپ، شارۋا وتباسىلارى وزدىگىنەن ٴوتىنىش ەتۋ، نەگىزگى ساتى كادرلارى تەكسەرىپ اداقتاۋ، تاراۋلار سارالاپ تەكسەرۋ، ساقتاندىرۋ، قوعامدىق ينفورماتسيالاردى تولىقتاۋ سىندى 4 ٴتۇرلى باقىلاۋ ـ تەكسەرۋ، ساقتاندىرۋ ٴتاسىلىن جان ـ جاقتى قولدانىپ، تۇتاس اۋدانداعى 12 اۋىل ـ قالاشىق، 89 قىستاق ـ اترەتتەگى  (الەۋمەتتىك اۋماق)  34 مىڭ 797 وتباسىنداعى 125 مىڭ 703 اۋىل شارۋاشىلىق ناپوسىنداعىلارعا كەدەيلىكتەن ارىلتۋدان قامال الۋ جەتىستىكتەرىن بەكەمدەۋ مەن كەڭەيتۋ بويىنشا ٴبىر - بىرلەپ اداقتاپ تەكسەرۋ قىزمەتىن ورىستەتىپ، 3 تۇردەگى باقىلاۋ ـ تەكسەرۋگە ەنگىزىلەتىن 481 وتباسىنداعى ٴبىر مىڭ 797 ادامدى انىقتاپ، ەنگىزۋگە تيىستىلەرىن تۇگەل ەنگىزدى. 

نىلقى اۋدانى سايكەستى جوبالاردى ارت - ارتىنان زەرتتەپ جاساپ، باقىلاۋ ـ تەكسەرۋ وبيەكتىلەرىنىڭ حاۋىپ ـ قاتەر ٴتۇرى مەن دامۋ قاجەتىنە ساي، باقىلاۋ ـ تەكسەرۋ جۇرگىزىلەتىندەر جونىنەن «ٴبىر وتباسىندا ٴبىر شارا بولۋ» سىندى كومەكتەسۋ ـ سۇيەمەلدەۋ شارالارىن دالمە ـ ٴدال بەلگىلەپ، كومەكتەسۋ ـ سۇيەمەلدەۋدى دەر كەزىندە ورىستەتىپ، انىقتالىپ ەنگىزىلگەن باقىلاۋ ـ تەكسەرۋ وبيەكتىلەرىنە اۋىل ـ قالاشىقتا كوتەرمەگە الىپ بايلانىس جاسايتىن باسشى بولۋ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرى ٴبىر تۇتاس جوسپارلاۋ سىندى ٴار جاقتاعى كۇشتەر مەن باقىلانىپ ـ تەكسەرىلەتىن وتباسىلارىنىڭ جۇپ قۇراپ كومەكتەسۋ ـ سۇيەمەلدەۋ قاتىناسىن ورناتىپ، ٴار ايدا ٴبىر رەت ارالاپ تەكسەرۋ - جاعداي يەلەۋ قيمىلىن ورىستەتىپ، ەنگىزۋگە تيىستىلەرىن تۇگەل ەنگىزىپ، كومەكتەسۋگە تيىستىلەرىنە تۇگەل كومەكتەسۋگە كەپىلدىك ەتتى.

كاسىپ سالاسى جانداندى، اۋىل - قىستاقتىڭ ٴورىسى كەڭەيدى

شينجياڭ تيانيۇن ورگانيكالىق اۋىل شارۋاشىلىق شەكتى سەرىكتەستىگىنىڭ باعىمشىلىق رايونىنداعى اقسەركەلەر تور ساندىقتان اۋىق - اۋىق سۋ بەتىنە قاراي شورشيدى. تور ساندىقتىڭ توڭىرەگى سۋلياۋدان جاسالعان جۇمىس تەكشەسى، ۇستىندە جۇرگەن ادام ٴسال تەڭسەلىپ تۇرادى، قىزعىلت سارى ٴتۇستى قۇتقارۋ كيىمىن كيگەن سۇلتانباي ۇلاسباي ۇلى بەينە تەگىس جەردە جۇرگەندەي ەركىن سەزىنەدى.

سۇلتانباي قاراسۋ اۋىلى كىشى قاراسۋ قىستاعىنىڭ ادامى، بيىل ونىڭ شينجياڭ تيانيۇن ورگانيكالىق اۋىل شارۋاشىلىق شەكتى سەرىكتەستىگىنە كەلىپ قىزمەت ىستەگەنىنە 5  - جىل بولعان. «بۇرىندارى ٴار جەردە ۋاقىتتىق جۇمىس ىستەۋشى ەدىم، وسى اراعا كەلگەن سوڭ تۇراقتى جۇمىسقا يە بولدىم» دەدى ول.

2014 - جىلى شينجياڭ تيانيۇن ورگانيكالىق اۋىل شارۋاشىلىعى شەكتى سەرىكتەستىگى قاراسۋ اۋىلىنا ىرگە تەپكەننەن كەيىن «باستاماشى كاسىپورىن + كاسىپتىك سەلبەستىك كووپەراتيۆى + كەدەي وتباسى» سىندى كەدەيلەردى سۇيەمەلدەۋ ۇلگىسىن قولدانىپ، ٴوسىمىسز قارىز اقشامەن جارنا قوسۋ ٴتاسىلى ارقىلى قاراسۋ اۋىلىنداعى 609 كەدەي وتباسىن سەلبەستىك كووپەراتيۆىنە مۇشە بولۋعا باۋراپ، سول جەردەگى بۇقارانى كىرىستى ارتتىرىپ، اۋقاتتانۋ جولىنا تۇسۋگە جەبەۋدى ىرىقتىلىقپەن ورتاعا قويدى. سونىمەن بىرگە، كاسىپورىن قىزمەتكەر قابىلداعاندا سول جەردەگى كەدەي شارۋالاردى الدىمەن قابىلدادى.

«ٴجۇز شاقىرىمدىق سۋرەت ٴدالىزى» تاڭبالى جايلاۋى − ازياداعى ايتاقالسىن بال قاينارى ٴوڭىرى، تاماشا ەكولوگيالىق بايلىق ابزالدىعى مەن وزگەشە شينجياڭ قوڭىر ارا سورتى بايلىعى اسىل تۇقىمدى ارا فەرماسىنىڭ شينجياڭ قوڭىر ارا بالى كاسىبىن دامىتۋىنا ايرىقشا ابزالدىق ازىرلەدى. تاياۋ جىلداردان بەرى اسىل تۇقىمدى ارا فەرماسى ابزالدىقتى ساۋلەلەندىرىپ، ساياحات كاسىبىن دامىتۋدى سۇيەنىش ەتىپ، «ارا شارۋاشىلىعى، ساياحات كاسىبى، ەگىن شارۋاشىلىعى، مال شارۋاشىلىعى» سىندى ٴتورت ٴتۇرلى كاسىپتى ۇشتاستىرا جاقسى دامىتىپ، مالشىلاردى مال شارۋاشىلىعىنان ارا شارۋاشىلىعىنا ويىسۋعا بەلسەنە باستادى.

قىزىرباي ٴابدىراسىل ۇلى اسىل تۇقىمدى ارا فەرماسى ٴامىربۇلاق مالشىلىق اترەتىنىڭ مالشىسى، 2019 ـ جىلى ول ومارتاشىلىقپەن شۇعىلدانا باستايدى. «ارا باعۋدىڭ جۇمسالىمى از، پايداسى مول، ٴبىر جىلدا تەك جارتى جىل قاربالاس بولاسىڭ، ارا باعۋ مەن مال باعۋ ٴبىر ـ بىرىنە ىقپال جاسامايدى» دەيدى ول. 

كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋدە كاسىپ سالاسى شەشۋشى ٴتۇيىن سانالادى. نىلقى اۋدانى كاسىپ سالاسىن دامىتۋدىڭ ماڭىزدى فاكتورلارىن مىقتاپ يگەرىپ، كاسىپ سالاسىنىڭ جەتەكشىلىك رولىن ساۋلەلەندىرىپ، «استىق ٴوندىرىسىن ورنىقتىرۋ، مال شارۋاشىلىعىن الۋەتتەندىرۋ، جەمىس شارۋاشىلىعىنىڭ ٴونىمىن ارتتىرۋ، ارا شارۋاشىلىعىن كەڭەيتۋ، بالىق شارۋاشىلىعىن يگەرۋ، ەرەكشە كاسىپتەردى جەبەۋدى» دامۋ وي جەلىسى ەتىپ، 1 ـ كاسىپ پەن ەرەكشە كاسىپتەردى بار كۇشپەن دامىتتى، كەزەكتە ٴشول اتىز شارۋاشىلىعى، ەتتى كەپتەر، اقسەركە بالىعى، جەرگىلىكتى تاۋىق باعىمشىلىعى، بۇتاعىندا قۇرعايتىن ورىك، قوڭىر سيىر باعىمشىلىعى، جىلقى شارۋاشىلىعى، ساڭىراۋقۇلاق، جۇڭگوشا ٴدارى ماتەريالدارى، قيما گۇل، ارا شارۋاشىلىعى، ٴسۇت ونىمدەرى سياقتى كوپ نەگىزدى كاسىپ سالاسىن العاشقى ادىمدا قالىپتاستىردى. 

جۇمىسقا ورنالاستىرىپ سۇيەمەلدەۋدى كۇشەيتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەدى، كەڭەيتتى

جۇمىستاندىرۋ − ەڭ ۇلكەن حالىق تۇرمىسى. جىل باسىنان بەرى، نىلقى اۋدانى جۇمىسقا ورنالاستىرۋ، شارۋاشىلىق قۇرۋ، كاسىپورىندارعا تيىمدىلىك جەتكىزۋدى توڭىرەكتەپ، جۇمىسقا ورنالاستىرۋ، شارۋاشىلىق قۇرۋدىڭ ٴتۇرلى ساياساتتارىن جاپپاي تياناقتاندىرىپ، بۇقارانىڭ جۇمىسقا ورنالاسۋىنا ورىن ازىرلەپ، شارۋاشىلىق قۇرۋىنا جول اشتى. 

نىلقى ۋجين ورتا، شاعىن كاسىپورىنداردىڭ شارۋاشىلىق قۇرۋ بازاسىنداعى چيڭيۇن استىق مانەرلەۋ شەكتى جاۋاپكەرلىك سەرىكتەستىگىنىڭ ۇن ٴوندىرۋ سەحىندا ابليميت ابدىرەشيت قىزمەتتەستەرىمەن بىرگە مانەرلەنگەن ۇندى قامباعا ەنگىزىپ ماشيناعا تيەۋدىڭ قاربالاستىعىندا. 

3 جىلدىڭ الدىندا ابليميت جان ـ جاقتان ۇساق ـ تۇيەك جۇمىس ىستەپ كۇنەلتەتىن ديقان ەدى، كاسىپورىنعا كەلگەننەن كەيىن ونىڭ تۇرمىسىندا وراسان زور وزگەرىستەر تۋىلدى.  «اي سايىن 4 مىڭ يۋان ەڭبەكاقى الامىن، قازىر وتباسىمنىڭ شارت ـ جاعدايى بۇرىنعىدان جاقساردى» دەدى ابليميت. 

ٴار ۇلت بۇقاراسىنىڭ كىرىسىن ارتتىرۋ ارناسىن ۇزدىكسىز كەڭەيتۋ ٴۇشىن، بيىل نىلقى اۋدانى اۋدانداعى ٴتۇيىندى كاسىپورىنداردى، ورتا، شاعىن، ۇساق حالىقتىق كاسىپورىنداردى، كەلەلى نىسانداردى ارقاۋ ەتىپ، اس ـ سۋ، قوناقجاي قىزمەت وتەۋى، اۋىل شارۋاشىلىق قوسىمشا ونىمدەرىن مانەرلەۋ، كيىم ـ كەشەك، توقىماشىلىق، ۇيگە اكەتىلەتىن تاماق جەتكىزۋ سياقتى جاقىن ماڭنان، سول جەردىڭ وزىنەن جۇمىستاناتىن جۇمىس ورىندارىن بەلسەنە اشتى. جاڭاشا اۋىل شارۋاشىلىق ۇيىمدارىنىڭ جۇمىس ورنىن اشۋىن سۇيەنىش ەتىپ، اۋىل ـ قىستاق ەڭبەككۇشتەرىن قۇرىلىسشىلىق، اتىز باسقارۋ سياقتى قىسقا مەرزىمدىك، ماۋسىمدىق سيپاتتى ەڭبەك جۇمىستارى ارقىلى جاقىن ماڭدا، سول جەردىڭ وزىندە جۇمىستانۋعا باستادى.

«بيىل نىلقى اۋدانى باستاماشى كاسىپورىنداردىڭ جەتەكشىلىك رولىن بەلسەنە ساۋلەلەندىرۋمەن بىرگە، نىسان قۇرىلىسىنىڭ سەرپىنىن ۇزدىكسىز ارتتىردى. شينجياڭ تيانيۇن ورگانيكالىق اۋىل شارۋاشىلىق شەكتى سەرىكتەستىگىنىڭ 2 ـ مەرزىمدىك 3 مىڭ توننالىق اقسەركە بالىق باعىمشىلىق بازاسى سالىنۋ ۇستىندە، نىسان وندىرىسكە قوسىلعاننان كەيىن جىلىنا 3 مىڭ توننا اقسەركە بالىعىن ٴوندىرىپ، 400 دەن استام ادامدى جاڭادان جۇمىسقا ورنالاستىرادى. شينجياڭ سايۋاي بىنساۋ ارا شارۋاشىلىعى شەكتى سەرىكتەستىگى وڭدەلگەن بال ٴوندىرىس جەلىسى نىسانىن كەڭەيتىپ سالىپ، وندىرىسكە قوسقاننان كەيىن جىلىنا ورتا ەسەپپەن 600 توننا بال مانەرلەپ، 100 ادامدى جاڭادان جۇمىسقا ورنالاستىرادى. شاڭحاي جۇڭنىڭ شاڭرۇڭ سەرىكتەستىگى 2 ميلليارد 500 ميلليون يۋان قارجى قوسىپ قۇرعان كولەمدەنگەن ەتتى سيىر باعۋ - ٴوسىرۋ بازاسى نىسانى وندىرىسكە قوسىلعاننان كەيىن 800 دەن استام جۇمىس ورنى ازىرلەنەدى. سونىمەن بىرگە، كەدەيلەردى سۇيەمەلدەۋ شاعىن سومالى كەپىلدىك قارىز اقشا تاراتۋ ساياساتىن جالعاستى اتقارىپ، 2021 - جىلدىڭ وزىندە كەدەيلىكتەن ارىلعان 574 وتباسىنا 2 ميلليون 200 مىڭ يۋان شاعىن سومالى كەپىلدىك قارىز اقشا تاراتىپ، كەدەيلىكتەن ارىلعان بۇقارانىڭ كاسىپ سالاسىن دامىتۋىنداعى قارجى قيىنشىلىعى ماسەلەسىن ٴونىمدى شەشتى» دەدى جاڭ شيۇڭجيە.