انار بۇلت / شينجياڭ گازەتىنىڭ ءتىلشىسى شى شين 12 - ايدىڭ 11 - كۇنى ۇرىمجىدەن حابارلايدى. قىس پەن كوكتەم ماۋسىمى كەلەر جىلعى كوكتەمگى ەگىستىڭ ءساتتى ورىستەتىلۋىنە شىنايى كەپىلدىك ەتىپ، جازعى استىقتان مول ءونىم الاتىن ەڭ ماڭىزدى مەزگىل، قىس پەن كوكتەم ماۋسىمىنداعى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، قامداۋعا كەپىلدىك ەتۋدە، زات باعاسىن ورنىقتىرۋدا، حالىق تۇرمىسىنا تيىمدىلىك جەتكىزۋدە ەرەكشە مانگە يە، اۆتونوميالى رايوندىق دامۋ جانە رەفورما كوميتەتى قاتىستى تاراۋلارمەن بىرگە تىڭعىلىقتى دا پارمەندى شارالار ارقىلى بيىل قىس پەن كەلەر جىلعى كوكتەمدە اۋىل شارۋاشىلىعى، اۋىل - قىستاق، شارۋالار جونىندە 5 ءتۇيىندى قىزمەتتى بەلسەنە ىلگەرىلەتەدى.
”اتىز جۇمىستارىن“ ويداعىداي ىستەۋ. دۇمبە ءبيداي ەگۋ مىندەتىن جاپپاي تياناقتاندىرىپ، ءبيداي ەگۋ نىسانالىق جاۋاپكەرشىلىك ءتۇزىمىن تياناقتاندىرۋدى مىقتى يگەرىپ، دۇمبە ءبيداي ەگۋ جەر اۋماعىن 12 ميلليون مۋدان ازايتپاۋعا شىنايى كەپىلدىك ەتتى؛ اۋىل شارۋاشىلىعىنىڭ بەتتىك لاستانۋىن وڭاۋدى كۇشەيتىپ، اۋىل شارۋاشىلىعىنىڭ سۋلياۋ جارعاق قالدىقتارىن جيىپ الۋ قىزمەتىن ءتۇيىندى مىقتى يگەرىپ، حيميالىق تىڭايتقىشتىڭ، ەگىس دارىلەرىنىڭ مولشەرىن ازايتۋ ارەكەتىن ۇزدىكسىز تەرەڭدەتۋ كەرەك.
”قورا - قوپسى جۇمىستارىن“ ويداعىداي ىستەۋ كەرەك. كۇز، قىس مەزگىلىندەگى حايۋانات ىندەتىنەن ساقتانۋ - تىزگىندەۋدى ويداعىداي يگەرىپ، حايۋانات ىندەتى يممۋنيتەتى قىزمەتىن ءتۇيىندى تۇردە ويداعىداي ىستەۋ؛ ءىس جۇزىندىك جەم - ءشوپ قاجەتىنە ساي، جەر - جەردى جەم - ءشوپتى تولىق دايىنداۋعا قۋزاپ، قىسقى وتارداعى جەم - ءشوپ زاپاس قورى مىندەتىن تولىعىمەن ورىنداۋ كەرەك.
”قامبا جۇمىستارىن“ ويداعىداي ىستەۋ كەرەك. قاربالاس كەزدەگى، جاي كەزدەگى باعا پارقىنان پايدالانىپ، كوكتەمگى ەگىسكە قاجەتتى اۋىل شارۋاشىلىق ماتەريالدارىن قامباعا ەرتەرەك دايىنداپ، اۋىل شارۋاشىلىق ماشينالارى، ماشينا جابدىقتارىن رەمونتتاۋ - كۇتىمدەۋدى ويداعىداي ىستەپ، كوكتەمگى ەگىسكە دايىندالۋدىڭ ءتۇرلى دايىندىق قىزمەتتەرىن تىڭعىلىقتى ويداعىداي ىستەۋ؛ جوعارى ولشەمدى ەگىس اتىزى، ساپالى ماقتا بازاسى قۇرىلىسى سىندى اۋىل شارۋاشىلىق نىساندارىنىڭ العاشقى مەرزىمدىك قىزمەتىن بەلسەنە ىلگەرىلەتىپ، 2022 - جىلى اۋىل شارۋاشىلعىنا قارجى قوسۋدى ورنىقتى قاداممەن ارتتىرۋعا جاقسى نەگىز قالاۋ كەرەك.
”قىستاق جۇمىستارىن“ ويداعىداي ىستەۋ كەرەك. اۋىل - قىستاقتىڭ قونىس ورتاسىن رەتتەۋ - وڭاۋ ارەكەتىن ۇزدىكسىز ورىستەتىپ، قىس ارەدىگىنەن پايدالانىپ، قىستا اۋىل - قىستاقتاردى تازارتۋ ارەكەتىن ورىستەتىپ، قىستاق ورتاسىنىڭ تازا، رەتتى بولۋىن ساقتاۋ؛ اۋىل - قىستاقتاعى الەۋمەتتىك قىزمەت وتەۋ قابىلەتىن ۇزدىكسىز جوعارىلاتىپ، اۋىل - قىستاقتىڭ سۋ، ەلەكتر، جول، گاز، پوچتا، حابارلاسۋ، راديو - تەلەۆيزيا، زات اينالىمى سىندى نەگىزدىك قۇرىلعىلارىن كەمەلدەندىرىپ، اۋىل - قىستاق ۇيلەرى قۇرىلىسىنىڭ ساپاسىن جوعارىلاتىپ، اۋىل - قىستاق الەۋمەتتىك نەگىزدىك قۇرىلعىلارىن كۇندەلىك رەمونتتاۋ - كۇتىمدەۋدى كۇشەيتىپ، الەۋمەتتىك قىزمەت وتەۋدى قامتاماسىز ەتۋ قابىلەتىن جوعارىلاتۋ كەرەك.
”ويعا العان جۇمىستاردى“ ويداعىداي ىستەۋ كەرەك. اۋىل شارۋاشىلىق ءوندىرىسى تەحنيكاسىنا باۋلۋدى ويداعىداي يگەرىپ، استىق، ماقتا ءوندىرىسى، قۇرىلعى اۋىل شارۋاشىلعى، حايۋانات، وسىمدىك ىندەتىنەن، دەرت - دەربەزدەن ساقتانۋ - تىزگىندەۋ سياقتىلاردى ارقاۋ ەتىپ تەحنيكالىق باۋلۋ كۋرسىن ورىستەتۋ؛ قولدانىلمالى تەحنيكالىق باۋلۋ كۋرسىن مىقتى يگەرىپ، اسپازدىق، رەمونت، تىگىنشىلىك سياقتى كاسىپتىك شەبەرلىككە باۋلۋ كۋرسىن ورىستەتىپ، شارۋالاردىڭ جۇمىستانۋ ساپاسىن جوعارىلاتۋ؛ شارۋالار كەشكى مەكتەبى سياقتى ءتۇرلى فورمالاردان پايدالانىپ، از ۇلت بۇقاراسىنىڭ مەملەكەتتە ءبىر تۇتاس قولدانىلاتىن ءتىل - جازۋ قابىلەتى ورەسىن ۇزدىكسىز جوعارىلاتۋ كەرەك.