انار بۇلت / شينجياڭ گازەتىنىڭ تارباعاتاي تىلشىلەر پۋنكتىنەن ۋاڭ چۇنلين، جاڭ پەيچي1 ـ ايدىڭ 12 ـ كۇنى شاۋەشەكتەن حابارلايدى. 2021 ـ جىلى 12 ـ ايدىڭ 28 ـ كۇنى تۇستەن بۇرىن شاۋەشەك قالاسى اشىر داعۇر اۋىلى قارادالا قىستاعى عىلىم جالپىلاستىرۋ سارايى رەسمي اشىلدى، بۇل تارباعاتاي ايماعىنداعى تۇڭعىش اۋىل ـ قىستاق عىلىم جالپىلاستىرۋ سارايى.

2021 ـ جىلى تارباعاتاي ايماقتىق عىلىم ـ تەحنيكا قوعامى پارتيا تاريحىن ۇيرەنۋ تاربيەسى بارىسىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى جىبەرگەن ورىننىڭ تىرەكتىك رولىن تولىق ساۋلەلەندىرىپ، ەگىنشى ـ مالشىلاردىڭ عىلمي ساپاسىن جوعارىلاتۋ ينجەنەرياسىن دانەكەر ەتىپ، 200 مىڭ يۋان قارجى قوسىپ، قارادالا قىستاعى اۋىل ـ قىستاق عىلىم جالپىلاستىرۋ سارايىن كۇش سالا قۇردى.

اتالعان عىلىم جالپىلاستىرۋ سارايى ”عىلىم ساباقحاناسىن“ نەگىزگى جەلى ەتىپ، كاسىپ سالاسىن دامىتۋ، عىلىمدى باستان كەشىرۋ، سالاماتتى تۇرمىس، شۇعىل جاعدايعا توتەپ بەرۋ مەن حاۋىپسىزدىك سىندى 4 ۇلكەن سالانىڭ مازمۇنىنا ٴبولىنىپ، كەسكىن، سۋرەت، جازۋ، كورمە جابدىقتارى، باستان كەشىرۋ سياقتى تاسىلدەر ارقىلى بۇقاراعا عىلمي بىلىمدەردى جالپىلاستىرىپ، ەگىنشى - مالشىلارعا عىلىم - تەحنيكا تاربيەسى مەن ونەرگە باۋلۋدى ورىستەتىپ، ونى عىلمي يدەيا مەن عىلمي ٴادىستى تاراتۋدىڭ، ەگىنشى - مالشىلاردىڭ عىلمي ساپاسىن جوعارىلاتۋدىڭ ماڭىزدى تەرەزەسىنە اينالدىردى. قارادالا قىستاعىنىڭ تۇرعىندارى عىلىم جالپىلاستىرۋ قىزمەتكەرلەرىنىڭ جەتەكشىلىگىندە، تۇرلىشە يقۋاتتى عىلىم جالپىلاستىرۋ كورمە بۇيىمدارىن كورىپ، قىزىقتى عىلمي تاجىريبەلەردەن عىلىم ـ تەحنيكانىڭ قۇدىرەتىن سەزىندى.

كوپتەگەن بالالار وقۋدان تاراعاننان كەيىن عىلىم جالپىلاستىرۋ سارايىنا كەلىپ ەكسكۋرسيالادى، وقۋشى يان يشان بىلاي دەدى: ”اكەم ەكەۋىمىز عىلىم جالپىلاستىرۋ سارايىن بىرگە ەكسكۋرسيالادىق، وپتيكالىق رويال، ماگنيتتى اينالمالى تاباق، ادام دەنەسىنىڭ ەلەكتر وتكىزگىش اسپاپتارى سياقتى عىلىم ـ تەحنيكالىق ونىمدەردى بۇرىن كورمەگەن ەدىم. بۇدان كەيىن جاقسى ۇيرەنىپ، اناعۇرلىم كوپ عىلىم ـ تەحنيكالىق بىلىمدەردى يگەرەمىن“.

قىستاق تۇرعىنى تاۋ چيبين بىلاي دەدى: عىلىم جالپىلاستىرۋ سارايى ٴۇيدىڭ ماڭىندا اشىلىپ، كوپتەگەن ەگىمشىلىك، باعىمشىلىق بىلىمدەرىن ۇيرەنىپ، ٴوندىرىستى دامىتۋىمىزعا سەپتىگىن تيگىزدى.

تارباعاتاي ايماقتىق عىلىم ـ تەحنيكا قوعامى پارتيا باسشىلىق گرۋپپاسىنىڭ مۇشەسى، باس حاتشى فان گوچيڭ بىلاي دەدى: بۇدان كەيىن تارباعاتاي ايماعىندا اناعۇرلىم كوپ اۋىل ـ قىستاق عىلىم جالپىلاستىرۋ سارايلارىن قۇرىپ، عىلىم جالپىلاستىرۋ ارقىلى اۋىل ـ قىستاقتى گۇلدەندىرۋگە دەم بەرىپ، ەگىنشى ـ مالشىلاردىڭ عىلمي ساپاسىن كۇش سالا جوعارىلاتىپ، بۇقاراعا عىلمي قىزمەت وتەۋدىڭ ”ەڭ سوڭعى ٴبىر كيلومەترىن“ تۇتاستىرامىز.