汉文 ىلە اقپارات تورابىنا حوش كەلدىڭىزدەر!
2021 - جىلى شينجياڭنىڭ كەدەيلىكتەن ارىلعان اۋداندارىنداعى اۋىل - قىستاق تۇرعىندارىنىڭ جان باسىندىق ورتاشا قولداعى تابىسى %10.9 ارتتى
2022-02-25 18:28:08     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

انار بۇلت / شينجياڭ گازەتىنىڭ ءتىلشىسى گاۋ فىڭ 2 - ايدىڭ 23 - كۇنى ۇرىمجىدەن حابارلايدى. 2 - ايدىڭ 23 - كۇنى مەملەكەتتىك ساناق مەكەمەسى شينجياڭ تەكسەرۋ باس اترەتى ساندى مالىمەت جاريالادى: 2021 - جىلى شينجياڭنىڭ كەدەيلىكتەن ارىلعان اۋداندارىنداعى اۋىل - قىستاق تۇرعىندارىنىڭ جان باسىندىق ورتاشا قولداعى تابىسى 14 مىڭ 477 يۋان بولىپ، سايكەس مەزگىلدەگىدەن %10.9 ارتتى، ارتۋ مولشەرى بۇكىل رايونداعى اۋىل - قىستاق تۇرعىندارىنىڭ جان باسىندىق ورتاشا قولداعى تابىسىنان 0.1 پايىز، بۇكىل ەلدەگى اۋىل - قىستاق تۇرعىندارىنىڭ جان باسىندىق ورتاشا قولداعى تابىسىنان 0.4 پايىز جوعارى بولىپ، اۆتونوميالى رايوننىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ ناتيجەسى كورىنە باستادى.

مەملەكەتتىك ساناق مەكەمەسى شينجياڭ تەكسەرۋ باس اترەتىنىڭ تۇرعىنداردى باقىلاۋ جانە ولشەۋ باسقارماسىنىڭ باستىعى ليۋ شۋەيۇڭنىڭ تانىستىرۋىنشا، مەملەكەتتىك ساناق مەكەمەسىنىڭ كەدەيلىكتەن ارىلعان اۋدانداردىڭ اۋىل - قىستاق تۇرعىندارىن باقىلاۋ - ولشەۋ، تەكسەرۋ تالابىنا ساي، شينجياڭ تەكسەرۋ باس اترەتى بۇكىل رايونداعى باقىلاۋ - ولشەۋ جۇرگىزىلەتىن 32 اۋداننىڭ تۇرعىندارىنا ۇلگى الىپ تەكسەرۋ جۇرگىزىپ، كەدەيلىكتەن ارىلعان وڭىرلەردىڭ اۋىل - قىستاق تۇرعىندارىنىڭ كىرىسى، تۇتىنۋى، ءوندىرىسى، وتباسى نەگىزگى جاعدايى سياقتىلارعا باقىلاۋ - ولشەۋ جۇرگىزىپ، شينجياڭنىڭ كەدەيلىكتەن ارىلعان اۋداندارىنداعى اۋىل - قىستاق تۇرعىندارىنىڭ جان باسىندىق ورتاشا قولداعى تابىسى ساندى مالىمەتىن جيناقتاعان.

وتكەن ءبىر جىلدا رايونىمىز كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ۇزدىكسىز ءونىمدى ۇشتاستىرىپ، جەر - جەر جەرگىلىكتى جاعدايعا قاراي جۇمىس ىستەپ، جۇمىستاندىرۋ ارناسىن كەڭەيتىپ، نىسان ارقىلى كاسىپ سالاسىن جەتەكتەپ، كاسىپ سالاسى ارقىلى جۇمىستاندىرۋعا دەم بەرىپ، جۇمىستاندىرۋ ارقىلى حالىق تۇرمىسىن جاقسارتىپ، سونىمەن بىرگە قايتا كەدەيلەسۋدەن ساقتانۋ، كەدەيلەسۋدەن ساقتانۋ بويىنشا قاداعالاۋ - ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن ورناتىپ، كەدەيلىكتەن ارىلعان وتباسىلاردىڭ قايتا كەدەيلەسپەۋىنە شىنايى كەپىلدىك ەتتى.

ۇعىسۋعا قاراعاندا، 2021 - جىلى شينجياڭداعى تۇرعىنداردىڭ كىرىسى جالپى تۇلعالىق جاقتان ءبىرشاما تەز ارتىپ، بۇكىل رايونداعى تۇرعىنداردىڭ جان باسىندىق ورتاشا قولداعى تابىسى 26 مىڭ 75 يۋان بولىپ، الدىنداعى جىلدان %9.4 ارتقان؛ اۋىل - قىستاق تۇرعىندارىنىڭ جان باسىندىق ورتاشا قولداعى تابىسى 15 مىڭ 575 يۋان بولىپ، الدىنداعى جىلداعىدان %10.8 ارتقان؛ قالا - قالاشىق تۇرعىندارىنىڭ جان باسىندىق ورتاشا قولداعى تابىسى 37 مىڭ 642 يۋان بولىپ، الدىنداعى جىلداعىدان %8.0 ارتقان.