انار بۇلت / شينجياڭ گازەتىنىڭ ءتىلشىسى فان چيۇڭيان

قالتقى ءىشى تەمپەراتۋراسى، ىلعالدىق، كومىر قىشقىل گازىنىڭ قويۋلىعى ءسات سايىن باقىلانىپ - مەڭگەرىلىپ تۇر، تەحنيكالىق قىزمەتكەرلەر الىس ارالىقتان زەردەلىلەسكەن باقىلاۋ - مەڭگەرۋ جۇيەسى ارقىلى قىستاق تۇرعىندارىنىڭ ەگىمشىلىگىن باقىلاپ وتىرادى... اقتاۋ اۋدانى اقتاۋ قالاشىعى نۇقۇتشى ارىق قىستاعىنىڭ زەردەلى قالىتقىسىندا قىستاق تۇرعىندارىنىڭ ساڭىراۋقۇلاق ەگۋى ءتىپتى دە قولايلى بولدى.

قازىر شينجياڭنىڭ كەڭ - بايتاق اۋىل - قىستاقتارىندا سيفرلى اۋىل - قىستاق قۇرىلىسى بارلىق جەردە ەتەك الىپ، اۋىل - قىستاقتاردىڭ كاسىپ سالاسى، ەكولوگيا، مادەنيەت، باسقارۋ، قىزمەت وتەۋ سياقتى جاقتارىندا ماڭىزدى رول اتقاردى.

　اۋىل - قىستاق جاڭا تيپتى نەگىزدىك قۇرىلعىلار قۇرىلىسىنا كۇش ۇستەدى

2022 - جىلعى ورتالىقتىڭ 1 - ءنومىرلى حۇجاتىندا سيفرلى اۋىل - قىستاق قۇرىلىسىن كۇش سالا ىلگەرىلەتۋ كەرەكتىگى اتاپ كورسەتىلدى. سيفرلى نەگىزدىك قۇرىلعىلار قۇرىلىسى جانە ونىڭ دارەجەسىن جوعارىلاتۋ سيفرلى اۋىل - قىستاق قۇرىلىسىنىڭ ماڭىزدى تىرەگى.

3 - ايدىڭ 23 - كۇنى ءتىلشىنىڭ جۇڭگو تەلەگرافى شينجياڭ سەرىكتەستىگىنەن (تومەندە قىسقاشا ”شينجياڭ تەلەگرافى“ دەلىنەدى) ۇعىسۋىنشا، شينجياڭ تەلەگرافى اۋىل - قىستاق وڭىرلەرىندە جاڭا تيپتى نەگىزدىك قۇرىلعىلار قۇرىلىسىنىڭ دەڭگەيىن كۇش سالا جوعارىلاتىپ، 5G، جاساندى زەردە، زات اينالىمى ينتەرنەتى سياقتى جاڭا تيپتى نەگىزدىك قۇرىلعىلاردى ورنالاستىرىپ، ينفورماتسيالانعان، نەگىزگى اعىمدىق تەحنيكالاردى بەلسەندىلىكپەن ەنگىزىپ، سيفرلى تەحنيكا مەن اۋىل شارۋاشىلىعىنىڭ ىشكەرىلەي توعىسۋىن جۇزەگە اسىرىپ، سيفرلى اۋىل - قىستاقتىڭ دامۋ نەگىزىن بەكەمدەدى. 5G جانە زات اينالىمى ينتەرنەتىنەن پايدالانىپ ىلگەرىندى - كەيىندى ىلە قازاق اۆتونوميالى وبلىسىندا، بايىنعولين موڭعۇل اۆتونوميالى وبلىسىندا، حوتان ايماعىندا، قاشقار ايماعىندا، اقسۋ ايماعىندا سيىردى زەردەلى باعۋ، تاۋىقتى زەردەلى باعۋ، زەردەلى ۇلكەن ەكران، سۇيىق تىڭايتقىش ءبىر تۇلعالانعان باقىلاۋ - مەڭگەرۋ تۇعىرىن تۇلعالادى.

جۇڭگو جىلجىمالى حابارلاسۋ شينجياڭ سەرىكتەستىگى (تومەندە قىسقاشا ”شينجياڭ جىلجىمالى حابارلاسۋى“ دەلىنەدى) بۇلتتىق قابىلەت ورتالىعى شەشۋ جوباسى كەڭسەسىنىڭ ديرەكتورى چىن شيانۋي بىلاي دەپ تانىستىردى: جاڭا تيپتى نەگىزدىك قۇرىلعىلاردىڭ جاڭا قوزعاۋشى كۇش تۋىنداتۋىن جەبەۋ ءۇشىن، شينجياڭ جىلجىمالى حابارلاسۋى باستاماشىلدىقپەن بۇكىل شينجياڭدا 5G تورىن قۇردى جانە اشتى، قازىرگە دەيىن 5G نەگىزدىك ستانسيالارىنان 12 مىڭى سالىنىپ ىسكە قوسىلىپ، بۇكىل شينجياڭدا اۋدان قالاشىعى جانە ودان جوعارى وڭىرلەردە 5G سيگنالىمەن ءۇرتىس قامتۋ، 2000نان استام اۋىل - قىستاق ءتۇيىندى وڭىرىندە ءونىمدى قامتۋ جۇزەگە اسىرىلدى. 3 - ايدىڭ 25 - كۇنى شينجياڭ جىلجىمالى حابارلاسۋى جۇڭگو راديو - تەلەۆيزيا شينجياڭ تور شەكتى جارنا سەرىكتەستىگىمەن ستراتەگيالىق سەلبەستىك كەلىسىمىنە قول قويىپ، 700MHz جيىلىكتەگى 5G تورى قۇرىلىسى قىزمەتىن بىرگە ىلگەرىلەتىپ، شەت - شالعاي وڭىردەگى بۇقارانىڭ سيفرلى تۇرمىسقا دەگەن قاجەتىن اناعۇرلىم ويداعىداي قاناعاتتاندىرۋعا قولايلىلىق جاراتتى.

2016 - جىلدان باستاپ جۇڭگو بىرلەسكەن حابارلاسۋى شينجياڭ بولىمشە سەرىكتەستىگى (تومەندە قىسقاشا ”شينجياڭ بىرلەسكەن حابارلاسۋى“ دەلىنەدى) شەت - شالعايداعى 420 اۋىل - قىستاقتا جوعارى جىلدامدىقتى تالشىقتى - ساۋلەلىك تور جالعاۋعا كومەكتەسىپ، وسى اكىمشىلىك قىستاقتاردا تورمەن قامتۋ مولشەرىن ％89تەن ％100كە كوتەردى. سونىمەن بىرگە شينجياڭ بىرلەسكەن حابارلاسۋى اۋىل - قىستاقتاردىڭ ينفورماتسيالاندىرۋ قۇرىلىسىن ىلگەرىلەتۋ ءۇشىن، ينفورماتسيالىق حابار - بايلانىستىڭ تارالۋ اسەرىن ساۋلەلەندىرىپ، ”مىڭ مەگاۆاتتىق تور جاڭا تيپتى نەگىزدىك قۇرىلعىلار قۇرىلىسىن“ جەدەلدەتتى، 2025 - جىلعا دەيىن ءتۇيىندى اۋىل - قالاشىقتاردا مىڭ مەگاۆاتتىق توردىڭ تۇتاستاي جالعانۋىن نەگىزىنەن جۇزەگە اسىرۋدى جوسپارلاپ وتىر.

جاڭا تەحنيكالاردان تولىق پايدالانىپ سيفرلى اۋىل - قىستاق قۇرىلىسىنا جاڭا قوزعاۋشى كۇش قوستى. شينجياڭ تەلەگرافى ”ينتەرنەت +“عا سۇيەنۋ ارقىلى اۋىل - قىستاق ەلەكتروندى ساۋداسىن دامىتىپ، كەڭىستىك ماعىناسىنداعى ”اسقار تاۋ، اساۋ وزەندەردى“ ينتەرنەتتەگى ”قول سوزىمعا“ وزگەرتىپ، اۋىل شارۋاشىلىعى ونىمدەرىنىڭ اۋىل - قىستاقتان شىعۋىنا كومەكتەسىپ، شارۋالاردىڭ كىرىسىن ارتتىرىپ بايۋىنا دەم بەردى. 2021 - جىلى شينجياڭ تەلەگرافى اۋىل - قىستاقتى گۇلدەندىرۋ بويىنشا ءوندىرۋ مەن ساتۋ ءوزارا جالعاسۋ تۇعىرىن جاسامپازدىقپەن زەرتتەپ اشتى، قازىر تۇعىرعا ساۋداگەرلەر مەن ەلەكتروندى ساۋدا كاسىپورىندارىنان 94 ورىن ىرگە تەۋىپ، تىركەلگەن تۇتىنۋشى 12 مىڭ 666 بولىپ، اۋىل شارۋاشىلىعى ونىمدەرىنەن 689 ءتۇر سورەگە شىعارىلدى.

　　زەردەلى اۋىل - قىستاق اناعۇرلىم كورىكتى بولا ءتۇستى

”زەردەلى قالتقىنىڭ ارقاسىندا ساڭىراۋقۇلاقتى بارعان سايىن جاقسى ەگەتىن بولدىق، كىرىسىمىز دە بارعان سايىن كوبەيدى!“. 3 - ايدىڭ 24 - كۇنى سيفرلى اۋىل - قىستاق قۇرىلىسىن تىلگە العان نوقۇتشى ارىق قىستاعىنىڭ تۇرعىنى سالەمقارى سۇلايماننىڭ جۇزىنەن كۇلكى ەستى.

تەلەفوندى قولعا الا سالىپ قيىنشىلىق پەن تالاپ - تىلەكتەردى تىكە اڭىس ەتۋگە بولاتىن بولدى، گۇما اۋدانى گۇما قالاشىعى بوستانتوعراق قىستاعىنداعى ”قىستاق تۇرعىندارىنىڭ قيىنشىلىق، تالاپ - تىلەگىن اڭىس ەتۋ تۇعىرى“ قىستاق تۇرعىندارىنىڭ اڭىسىن تاپسىرىپ العاننان كەيىن، ”قىزمەت كەستەسىن“ جاساپ قاتىستى قىزمەتكەرلەرگە تاپسىرىپ بەرەدى، قىستاق دارەجەلى باسقارۋشىلاردىڭ دا ارتقى تۇعىر ارقىلى قيىنشىلىق، تالاپ - تىلەكتەردى ءبىتىرۋ اياق الىسىن ۇعىسىپ، جۇمىس تارتىبىنە باقىلاۋ جۇرگىزۋىنە بولادى.

”زەردەلىلىك“ كورنەكتىلەنگەن سوڭ، اناعۇرلىم كوپ شارۋا سيفرلى دامۋدىڭ پايداسىنان يگىلىكتەندى.

قازىر شينجياڭ جىلجىمالى حابارلاسۋى بۇكىل شينجياڭ كولەمىندە سيفرلى اۋىل - قىستاق قۇرىلىسىن ۇزدىكسىز ىلگەرىلەتۋدە، بۇل 63 اۋدان، 189 اكىمشىلىك قىستاق پەن الەۋمەتتىك اۋماققا سايادى. 2021 - جىلى بايىنعولين وبلىسى، حوتان، قاشقار سياقتى جەرلەردە 157 قىستاق پەن الەۋمەتتىك اۋماقتا سيفرلى اۋىل - قىستاق تۇعىرىن ورناتۋعا كومەكتەستى.

جۇڭگو جىلجىمالى حابارلاسۋى ءوز باسىمدىعىن ساۋلەلەندىرىپ، اۋىل - قىستاقتى سيفرلاستىرۋ، زەردەلىلەستىرۋ 7 ءىرى ينجەنەرياسىنا ارقا سۇيەي، شينجياڭنىڭ ءىس جۇزىندىگىمەن ۇيلەستىرە جاڭا تيپتى نەگىزدىك قۇرىلعىلار، وقۋ - اعارتۋ، ەمدەۋ، باسقارۋ، كاسىپ سالاسى، فينانس، مادەنيەت سىندى ”7 + 4 + 3 + 1“ سيفرلاسقان، زەردەلىلەسكەن اۋىل - قىستاقتى گۇلدەندىرۋ جۇيەسىن قۇردى، ونىڭ ىشىندە بۇكىل شينجياڭدى بەتكە الا جەدەل يتەراتيۆتى قولدانۋعا بولاتىن ”سيفرلاسقان، زەردەلىلەسكەن اۋىل - قىستاقتى گۇلدەندىرۋ بۇلت تۇعىرىن“ قالىپتاستىرۋ، اقتاۋ اۋدانى، لوپ اۋدانى، جاڭاءشار اۋدانى، شينجياڭ ءوندىرىس - قۇرىلىس بيڭتۋانى 8 - شى 150 - تۋان سىندى مەملەكەت دارەجەلى اۋىل - قىستاقتى گۇلدەندىرۋدەن ۇلگى كورسەتۋدەگى 4 ءتۇيىندى، ماناس اۋدانىندا اۆتونوميالى رايون دارەجەلى اۋىل - قىستاقتى گۇلدەندىرۋدەن ۇلگى كورسەتۋدەگى ءبىر ءتۇيىندى قۇرۋ قامتىلىپ، ءتۇيىن، جەلى، كولەم بىرلەسكەن ءتاسىل ارقىلى بىرتىندەپ بۇكىل شينجياڭعا جالپىلاستىرىلىپ، اۋىل - قىستاقتى باسقارۋدى وسىزامانداندىرۋ ۇزدىكسىز ىلگەرىلەتىلەدى.

شينجياڭ بىرلەسكەن حابارلاسۋ سەرىكتەستىگىنىڭ جاڭالىق اشۋ جۇمىس - تەحنيكالىق باس باقىلاۋشىسى نيە رۇڭ بىلاي دەپ تانىستىردى: شينجياڭ بىرلەسكەن حابارلاسۋى وڭتۇستىك شينجياڭداعى 4 ايماق - وبلىس، بايىنعولين وبلىسى، ىلە وبلىسى، تۇرپان قالاسى، التاي ايماعى، تارباعاتاي ايماعى سياقتى جەرلەردە سيفرلى اۋىل - قىستاق قۇرىلىسىن ورىستەتتى. قازىر شينجياڭ بىرلەسكەن حابارلاسۋى 142 قىستاقتا سيفرلى اۋىل - قىستاق تۇعىرىن قۇرۋعا كومەكتەستى، وسى ارقىلى پارتيا قۇرىلىسى، ىندەتتەن ساقتانۋ - تىزگىندەۋ، جەلىدەگى قىستاق ىستەرى، ساياساتتىق كەڭەس سۇراۋ، زەردەلى كىتاپحانا سياقتى 40 نەشە ءتۇرلى قىزمەت وتەۋگە بولادى.

سيفرلى اۋىل - قىستاق قۇرىلىسى جاپپاي ەتەك الىپ، قىستاق تۇرعىندارىنىڭ باي مازمۇندى تۇرمىس كەشىرۋىنە مۇمكىندىك جاراتتى.

　　سيفرلى اۋىل - قىستاق جاڭا كاسىپ كۇيىن تۋىنداتتى

”بۇدان كەيىن ءبىز ’ينتەرنەت+‘ اۋىل - قىستاقتى گۇلدەندىرۋ ۇلگىسىنە ۇزدىكسىز ارقا سۇيەپ، سيفرلاسقان، زەردەلىلەسكەن اۋىل - قىستاقتى گۇلدەندىرۋ جوسپارىن اتقارىپ، 7 ءتۇرلى كومەكتەسۋ - سۇيەمەلدەۋ شاراسى جانە اۋىل - قىستاقتى سيفرلاستىرۋ، زەردەلىلەستىرۋ 7 ءىرى ينجەنەرياسىن امالياتتىق جول ەتىپ، اۆتونوميالى رايوننىڭ اۋىل شارۋاشىلىعىن، اۋىل - قىستاقتى وسىزامانداندىرۋىنا اقىل - پاراسات قوسىپ، كۇش ۇستەيمىز“، - دەدى چىن شيانۋي.

نيە رۇڭ بىلاي دەپ تانىستىردى: شينجياڭ بىرلەسكەن حابارلاسۋى سيفرلى تەحنيكا ارقىلى اۋىل - قىستاق نەگىزدىك قۇرىلعىلار قۇرىلىسىنا ۇزدىكسىز كۇش قوسىپ، سيفرلى اۋىل - قىستاق جاڭا تۇعىرىن قالىپتاستىرىپ، سيفرلى اۋىل - قىستاق جاڭا ەكولوگياسىن قۇرىپ، سيفرلى اۋىل - قىستاقتىڭ جاڭا ۇلگىسىن قاراستىرىپ، سيفرلى اۋىل - قىستاق قۇرىلىسىنىڭ جەتىستىكتەرىن ۇزدىكسىز كەڭەيتەدى. سونىمەن بىرگە سيفرلى تۇعىردىڭ جيناۋ - ۇيىستىرۋ اسەرىن ساۋلەلەندىرىپ، ”بۇلت - ينتەرنەت توعىسقان جاڭا تۇعىر“ قالىپتاستىرىپ، اۋىل - قىستاقتى باسقارۋدىڭ ەگجەي - تەگجەيلىلەنۋ، وسىزاماندانۋ دەڭگەيىن جوعارىلاتادى؛ ساندى مالىمەت ينفورماتسيالارىنىڭ ساباسىنان اسۋ اسەرىن ساۋلەلەندىرىپ، ”اۋىل - قىستاق كاسىپ سالاسىنىڭ جاڭا قولدانىلۋىن“ قالىپتاستىرىپ، اۋىل - قىستاق كاسىپ سالاسى ءتۇيىندى سالالارىنا نازار شوعىرلاندىرىپ، اۋىل - قىستاق كاسىپ سالالارىنىڭ اناعۇرلىم گۇلدەنۋىنە كۇش قوسادى؛ سيفرلى تەحنيكانىڭ جالپىعا ءتيىمدى اسەرىن ساۋلەلەندىرىپ، ”ينفورماتسيا ارقىلى حالىققا تيىمدىلىك جاساۋ جاڭا قىزمەت وتەۋىمەن“ قامداپ، ينفورماتسيالىق حابار - بايلانىس قىزمەت وتەۋىنىڭ اۋىل - قىستاققا بارۋىن، شارۋالارعا جەتۋىن كۇش سالا ىلگەرىلەتىپ، سيگنالدىڭ اناعۇرلىم كۇشتى، ينتەرنەت جىلدامدىعىنىڭ اناعۇرلىم تەز، قىزمەت وتەۋدىڭ اناعۇرلىم ساپالى بولۋىنا مۇمكىندىك جاسايدى.

ۇلۇقشات اۋدانىندا شينجياڭ جىلجىمالى حابارلاسۋى ساپالى وقۋ - اعارتۋ قاينارىنىڭ اۋىل - قىستاق مەكتەپتەرىمەن، وتباسىلارىمەن الىس ارالىقتان ءتۇيىلىسۋىن ىلگەرىلەتىپ، اۋىل - قىستاق مەكتەپ اۋلاسىن باسقارۋدىڭ ينفورماتسيالانۋىن ىلگەرىلەتىپ، اۋىل - قىستاق ينتەرنەت وقۋ - اعارتۋ دەڭگەيىن جوعارىلاتۋدا، سونداي - اق بۇكىل شينجياڭعا جالپىلاستىرۋدا.

چىن شيانۋي بىلاي دەپ تانىستىردى: شينجياڭ جىلجىمالى حابارلاسۋى تاعى ”اۋىل - قىستاق مادەنيەتىن سيفرلاستىرۋ، زەردەلىلەستىرۋ ينجەنەرياسى − سيفرلى مۇراجاي − VR جەتەكشىلىك ەتۋ“ نىسانىن اياقتاتتى، بۇل نىساندى ىسكە قوسۋ ارقىلى بيڭتۋاننىڭ 4A دارەجەلىدەن جوعارى 18 كورىنىس ءوڭىرى مەن 8 مۇراجايى كورىنىسىن تولىق كورسەتۋ جۇزەگە اسىرىلىپ، 5G تەحنيكاسى ارقىلى بيڭتۋاننىڭ اۋىل - قىستاق مادەنيەتى مەن ساياحاتىنىڭ دامۋىنا دەم بەرىلىپ، قىزمەت وتەۋ دەڭگەيى جوعارىلايدى.

شىڭگىل اۋدانىندا زەردەلى مال شارۋاشىلىعى بەلسەندىلىكپەن جالپىلاستىرىلىپ، جەرگىلىكتى مال شارۋاشىلىعىنىڭ ينفورماتسيالانۋىن، تيبىن جاڭالاپ، دارەجەسىن جوعارىلاتۋىن جەبەپ، ەكونوميكالىق ونىمدىلىكتى جوعارىلاتىپ، باسقارۋ تاسىلدەرىن، ساندى مالىمەتكە تالداۋ جاساۋ، زەردەلىلەسكەن ساقتاندىرۋ، زەردەلى مال باعۋ شارالارىن ساپالىلاندىردى، سونداي - اق باسقارۋ قابىلەتىن جوعارىلاتتى.

سيفرلى اۋىل - قىستاق قۇرىلىسى جاڭا كاسىپ كۇيىن تۋىنداتىپ، اۋىل - قىستاقتى گۇلدەندىرۋ جولىنىڭ جۇرگەن سايىن كەڭەيە تۇسۋىنە، قىستاق تۇرعىندارى تۇرمىسىنىڭ كۇن سايىن جاڭالانىپ، اي سايىن تۇلەجۋىنە مۇمكىندىك جاسادى.