ٴتىلشىمىز حى رۇڭ حابارلايدى. 3 - ايدىڭ 22 - كۇنى قۇلجا اۋدانى ٴوشون حۇيزۋ اۋىلى سىلامجۇزى قىستاعىنىڭ تۇرعىندارى قىستاق تۇرعىندار كوميتەتىندە جۇمىس بىتىرگەننەن كەيىن زەردەلى زاڭدىق قىزمەت وتەۋ قۇلتەمىرى ارقىلى «شينجياڭ ۇيعۇر اۆتونوميالى رايونىنىڭ اۋىل - قىستاقتى گۇلدەندىرۋدى جەبەۋ ەرەجەسىنىڭ» (تومەندە قىسقاشا «ەرەجە» دەلىنەدى) قاتىستى مازمۇندارىن ۇعىستى.

ٴتىلشىنىڭ ۇعىسۋىنا قاراعاندا، زاڭدىق قىزمەت وتەيتىن وسى زەردەلى قۇلتەمىردى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ ارتقى تىرەك ورنى − ىلە وبلىستىق ٴادىليا مەكەمەسى قامداعان. ٴتىلشى وسى قۇلتەمىردى سىناپ كورگەننەن كەيىن ەكرانداعى مازمۇندار «ەرەجە»، ازاماتتىق زاڭناما سياقتى قاتىستى مازمۇنداردى قامتيتىنىن، توراپقا تىكەلەي جالعانعانىن، مازمۇنى دەر كەزىندە جاڭالانىپ وتىراتىنىن، بۇقارا قايسى جاقتاعى زاڭ - ەرەجەلەردى بىلگىسى كەلسە، كورسەتپە بويىنشا باسسا سايكەستى مازمۇن كورسەتىلەتىندىگىن، بۇقاراعا اناعۇرلىم قولايلى ۇيرەنۋ تەكشەسىن ازىرلەپ بەرگەندىگىن بايقادى.

«ەرەجەدە» اۋىل - قىستاقتى جونگە سالۋدىڭ ٴتۇزىلىس مەحانيزمى، نەگىزگى ساتى ۇيىمدىق قۇرىلىسى، اۋىل - قىستاق كوللەكتيۆ شارۋاشىلىق ۇيىمى، نەگىزگى ساتىنى زاڭمەن جونگە سالۋ قۇرىلىسى، تىنىشتىق قۇرىلىسى سياقتى جاقتارداعى ناقتى بەلگىلەمەلەر، سونداي - اق كاسىپ سالاسىن دامىتۋ، ەكولوگياسى جانعا جايلى بولۋ، قالا مەن اۋىلدى توعىستىرۋ، قامتاماسىز ەتۋ شارالارى، باقىلاۋ - تەكسەرۋ سياقتى جاقتارداعى بەلگىلەمەلەر بار.

ٴتىلشىنىڭ قۇلجا اۋداندىق اۋىل - قىستاقتى گۇلدەندىرۋ مەكەمەسىنەن ۇعىسۋىنشا، 3 - ايدان باستاپ قۇلجا اۋدانىنىڭ اۋىل (قالاشىق)، الاڭ، قىستاقتارىندا تۇراتىن قىزمەت اترەتتەرى، سونداي - اق قىستاقتىڭ «ەكى كوميتەتى» «ەرەجەنى» ۇگىتتەۋ تەبىنىن ارتتىرىپ، «ەرەجەنىڭ» نەگىزگى ساتىدا اتقارىلۋىن قامتاماسىزداندىرعان.

جاڭاتام قالاشىعى بويراشى قىستاعى پارتيا ياچەيكاسى «ەرەجە»، ازاماتتىق زاڭناما سياقتى زاڭ - ەرەجەلەردى ۇگىتتەۋ قيمىلىن ورىستەتىپ، كاسىپ سالاسىنىڭ دامۋى، ەكولوگياسى جانعا جايلى بولۋ، ۇيلەنۋ زاڭى، ەڭبەك قامتاماسىزداندىرۋ زاڭى سياقتى مازمۇنداردى قاراپايىم دا ۇعىنىقتى تىلمەن ٴتۇسىندىرىپ، قىستاق تۇرعىندارىنىڭ اۋىل - قىستاقتى گۇلدەندىرۋگە ات سالىسۋ بەلسەندىلىگىن تولىق جۇمىلدىردى.

تۇرپانجۇزى اۋىلى تومەنگى تۇرپانجۇزى قىستاعى بۇقاراعا «ەرەجەنى» بەتپە - بەت ٴتۇسىندىرىپ، بۇقارانىڭ «ەرەجەنى» ٴبىلۋ دەڭگەيىن جوعارىلاتتى، قىستاقتا تۇراتىن قىزمەت اترەتى بۇقارانىڭ زاڭدى ۇيرەنۋ، زاڭدى ٴتۇسىنۋ، زاڭعا بويسۇنۋ تانىمىن جوعارىلاتتى.

قۇديارٴجۇزى قالاشىعى ورمان قىستاعى قىزمەت گرۋپپاسىنىڭ ارتقى تىرەك ورىندارىمەن بىرگە، 20 - قۇرىلتايدى قارسى الىپ، نەگىزگى ساتىعا ەرىكتى قىزمەت وتەۋ قيمىلىن ورىستەتىپ، قۇلجا قالاسى سايبويى ٴمالى باسقارماسى چيڭچۋانلي الەۋمەتتىك اۋماعىنىڭ «ەڭ سۇيىكتى وتباسى» ۋاكىلى نۇريانى قىستاق تۇرعىندارىنا «ەرەجەنى» تۇسىندىرۋگە ۇسىنىس ەتىپ، «جۇڭحۋا حالىق رەسپۋبليكاسىنىڭ وتباسى تاربيەسىن جەبەۋ زاڭى» جونىندەگى ۇگىت - لەكسيا  شاعىن  كەسكىندەرىن بىرگە كورىپ، 180 نەشە ۇگىت ماتەريالىن تاراتىپ، اۋىل - قىستاق كاسىپ سالاسىنىڭ دامۋىنا دەم بەرىپ، دارىندىلار جاعىنان قولداۋ كورسەتىپ، بارلىق ادام زاڭعا قۇرمەت ەتەتىن، زاڭدى ۇيرەنەتىن، زاڭعا بويسۇناتىن، زاڭدى قولداناتىن تاماشا قوعامدىق وركەنيەت سالتىن ورناتىپ، پارتيانىڭ 20 - قۇرىلتايىنىڭ تابىسپەن اشىلۋىنا تاماشا زاڭمەن جونگە سالۋ ورتاسىن ازىرلەدى.

اراوستەڭ قالاشىعى بۇلاقباسى قىستاعىنىڭ زاڭدىق قىزمەت وتەۋ بولمەسىندە ٴار سارسەنبى كۇنى قىزمەت اترەتىنىڭ مۇشەلەرى، قىستاق كادرلارى بۇقاراعا «ەرەجە» سياقتى قاتىستى زاڭ - ەرەجەلەردى ٴتۇسىندىرىپ، كوپشىلىكتى ۇلگىلىك رولدارىن ساۋلەلەندىرۋگە شابىتتاندىرىپ، قىستاق تۇرعىندارىنىڭ شارۋاشىلىق قۇرىپ، كىرىسىن ارتتىرىپ، اۋقاتتانۋىنا دەم بەردى.

ۋگۇڭ اۋىلى موللا توقتىجۇزى قىستاعىندا تۇراتىن قىزمەت اترەتى مەن قىستاق «ەكى كوميتەتى» پارتيالى كادرلاردى «ەرەجەنى» شوعىرلى ۇيرەنۋگە ۇيىمداستىرىپ، ناقتى ورىندا ەكسكۋرسيالاۋ جانە تالقىلاۋ، پىكىر اۋىستىرۋ ارقىلى كاسىپ سالاسىن دامىتۋ، اۋىل - قىستاقتى جونگە سالۋ سياقتى مازمۇندار جونىندەگى تۇسىنىكتى تەرەڭدەتىپ، حالىق ۇگىتشىلەرىنىڭ ادەبيەت - كوركەمونەر قيمىلى ارقىلى قاتىستى مازمۇنداردى قىستاق تۇرعىندارى ۇناتاتىن كونسەرت نومىرلەرىنە اينالدىرىپ، وتباسىلاردى ارالاپ جاعداي ۇعىسۋ، شوعىرلى ويىن كورسەتۋ سياقتى تاسىلدەر ارقىلى ۇگىت جۇرگىزىپ، «ەرەجەنىڭ» مازمۇنىن جۇرت جۇرەگىنە تەرەڭ ۇيالاتتى.