جاڭ لياڭ (ٴوز ٴتىلشىمىز)

توعىزتاراۋ اۋدانى اعارسىن قالاشىعىنىڭ سارى وزەك قىستاعى كوپتەگەن ادامدارعا تانىس، ويتكەنى «سانشياڭحۇڭ» الماسى وسى ارادا وندىرىلەدى. بىلتىر بۇل قىستاق «اۆتونوميالى رايون بويىنشا اۋىل - قىستاقتى گۇلدەندىرۋدەگى ۇلگى قىستاق» بولىپ باعالانعان.

3 - ايدىڭ 21 - كۇنى ٴتىلشى سارى وزەك  قىستاعىنا تىلشىلىك ىستەۋ بارىسىندا بۇل قىستاقتا اۋىل - قىستاق سيفرلى قىزمەت ەتۋ پۋنكتىنىڭ قۇرىلىپ جاتقانىن كوردى. بيىل بۇل قىستاق G5 بۇلت تورابى ارقىلى سيفرلى ٴىرى ساندى مالىمەت تەكشەسىن قۇرعان، بۇل تەكشە ۇلكەن بولەكتەگى 78 ٴتۇرلى يقۋاتتى قامتىپ، بۇقارانى ساياسات ۇيرەنۋ، تەحنيكالىق تاربيەلەۋ، قيىنشىلىقتارى مەن تالاپ - تىلەكتەرىن جوعارىعا جولداۋ، ساياساتتى ٴتۇسىندىرۋ، توردا ٴىس ٴبىتىرۋ سياقتى حالىققا ٴتيىمدى قىزمەت ەتۋمەن قامدايدى ەكەن. قازىر بۇل سيفرلى قىزمەت ەتۋ پۋنكتى ۇزدىكسىز كەمەلدەندىرىلۋدە  ەكەن. قۇرىلىپ بولعان سوڭ قىستاق تۇرعىندارى ۇيىندە وتىرىپ - اق APP ارقىلى جۇمىس بىتىرە الادى، كادرلار دا قىستاقتىڭ بارلىق جاعدايىن تەكشەدەن كورىپ، قىستاق تۇرعىندارىنا اناعۇرلىم جاقسى قىزمەت ەتەدى ەكەن.

 سارى وزەك قىستاعى ون نەشە جىل بۇرىن جەمىس - ورمان شارۋاشىلىعىن دامىتقان، قىستاق بويىنشا جەمىس اعاشى وتىرعىزىلعان جەر اۋماعى 2 مىڭ 600 مۋ. المانىڭ سورتى جاقسى بولعاندىقتان، جەمىس - جيدەك، كوكونىس بازارىندا «سانشياڭحۇڭ» ماركاسىن جاراتىپ، جەمىس - ورمان شارۋاشىلىعىنىڭ كىرىسى قىستاق جالپى كىرىسىنىڭ ۇشتەن ٴبىر بولەگىن يەلەگەن. قىستاق جەمىس - ورمان شارۋاشىلىعى ارقىلى تاماشا دامۋ ارناسىنا ٴتۇسىپ، قىستاق تۇرعىندارى باعىمشىلىق كاسىبى مەن اۋلا ەكونوميكاسىن دامىتۋدى سىناق ەتىپ، اۋقاتتانعان ٴىرى وتباسىلار كوبەيە باستاعان.

وسى قىستاقتىڭ پارتيا ياچەيكاسىنىڭ شۋجيى ۋي - رۇڭ تىلشىگە: «قىستاقتىڭ <ەكى كوميتەتى> ٴوز رولىن تولىق ساۋلەلەندىرىپ، كاسىپتەردىڭ دامۋىن ٴبىر تۇتاس جوسپارلاپ، قونىستانۋ ورتاسىن وڭاپ، تۇرعىنداردى ەرەكشەلىككە يە ەگىمشىلىك پەن باعىمشىلىقتى دامىتۋعا بەلسەنە جەتەكتەپ، اۋىل - قىستاعى كوركەم، ٴوندىرىسى وركەندەگەن، قىستاق تۇرعىندارى بايىعان دامۋ جولىمەن ٴجۇردى» دەدى.

قىستاق تۇرعىنى ياڭ ۋىنكىنىڭ وتباسىنا كەلگەندە اۋلانىڭ وزگەشە رەتتەلگەنىن، تام قابىرعاسىنا ٴتۇرلى گۇلدەر مەن شوپتەردىڭ سۋرەتى سىزىلعانىن كوردىك. ياڭ ۋىنكى تىلشىگە قۋانا: «بۇنى مەنىڭ ەكى قىزىم بوس ۋاقىتتارىندا سىزعان» دەدى.

ياڭ ۋىنكى ٴىرى باعىمشىلىق وتباسى بولىپ، ارتقى اۋلاسىندا نەشە ونداعان سيىرى بار، ەۆروپا ۇلگىسىندەگى تۇرار جايىنا تەمىرمەن ناقىشتالعان كاريدور سالىپ، الۋان وسىمدىكتەر وسىرگەن، ۇيلەرىن بۇكىلدەي عيمارات ۇلگىسىندە جوبالاعان، باتىسشا ٴۇي جيھازدارى، ٴتۇرلى وتباسى بۇيىمدارى ۇيگە جىلىلىق باعىشتاپ، ساۋلەتتى ەتىپ كورسەتىپ تۇر.

بۇگىنگى كۇندەرى سارى وزەك قىستاعى ورتاسى تاماشا، ەكولوگياسى جانعا جايلى كورىكتى اۋىل - قىستاق قۇرۋعا قۇلشىنىپ، قىستاق تۇرعىندارىن اۋلاسىن وڭاۋعا باستادى. قىستاقتاعى كوپتەگەن ديقاننىڭ شاعىن اۋلالارى وزىندىك ەرەكشەلىككە يە جەمىس باقشاسىنا، گۇل باقشاسىنا، كوكونىس باقشاسىنا اينالدى.

ۋي - رۇڭ قىستاقتىڭ بۇدان كەيىنگى جوسپارى جونىندە سەنىمدى تۇردە بىلاي اڭگىمەلەدى: «بيىل قىستاعىمىز اۋماعى 1600 شارشى مەترلىك بۇقارالىق مادەنيەت الاڭى مەن اۋماعى1027 شارشى مەترلىك جەمىس - جيدەكتەردى جاس كۇيىندە ساقتاۋ قامباسىن سالىپ، 10 كوشەگە اسفالت توسەيدى». قىستاعىمىز اۆتونوميالى رايون بويىنشا ۇلگى قىستاق قۇرۋ نىسانىن سۇيەنىش ەتىپ، لاس سۋ قۇبىرى تورابىن وزگەرتۋ نىسانىن اتقارۋدى جوسپارلاپ وتىر. لاس سۋدى ٴبىر جاقتى ەتۋ پۋنكتىن سالىپ، قىستاق تۇرعىندارىنىڭ لاس سۋ ىعىستىرۋ ماسەلەسىن شەشىم ەتپەكشىمىز. وسى نىسانداردىڭ بارلىعى جان - جاقتى تەكسەرۋ جۇرگىزگەننەن كەيىن جانە قىستاق تۇرعىندارىنىڭ پىكىرىن العاننان سوڭ جوسپارلاپ اتقارىلادى.

«قىستاق تۇرعىندارىنىڭ تۇرمىسى جاقسارعان سوڭ تۇرمىسقا دەگەن تالابى دا جوعارىلادى». ۋي - رۇڭ بىلاي دەدى: سارى وزەك قىستاعى اۋدانداعى «وركەنيەتتى ٴىرى قىستاق»، كوپتەگەن ادەبيەت - كوركەمونەر دارىندىلارى بار، 2018 - جىلى تۇتاس اۋدان بويىنشا وتكىزىلگەن قىزىل ٴان جارىسىندا ٴبىرىنشى بولعان. بيىل قىستاق مادەنيەت قيمىلدارىن ۇزدىكسىز ورىستەتىپ، قىستاق تۇرعىندارىنىڭ باراباندارىن كۇمبىرلەتىپ، ياڭگى ٴبيىن بيلەپ، توڭكەرىستىك اندەردى اسقاقتاتا شىرقاۋىنا مۇمكىندىك جاراتادى.