汉文 ىلە اقپارات تورابىنا حوش كەلدىڭىزدەر!
شينجياڭ ءۇش دارەجەلى اۋىل - قىستاق زات اينالىمى ءتۇيىن جۇيەسى قۇرىلىسىن جەدەلدەتتى
2022-05-30 18:08:49     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

2025 - جىلى بارلىق اۋىل - قالاشىقتا جۇڭگو پوچتاسى بەكەتى + اۋىل - قالاشىق تاسىمالعا قىزمەت وتەۋ پۋنكتى قۇرىلادى


انار بۇلت \ شينجياڭ گازەتىنىڭ ءتىلشىسى لۋ فىڭباۋ 5 - ايدىڭ 28 - كۇنى كۇشاردان حابارلايدى. 5 - ايدىڭ 27 - كۇنى اشىلعان 2022 - جىلعى اۆتونوميالى رايوننىڭ قاتىناس - تاسىمال كاسىبى سالاسىنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قىزمەتىن ىلگەرىلەتۋ جونىندەگى جۇمىس باسى ماجىلىسىنەن ۇعىسۋىمىزشا، رايونىمىز اۋدان، اۋىل، قىستاق ءۇش دارەجەلى اۋىل - قىستاق زات اينالىمى ءتۇيىن جۇيەسى قۇرىلىسىن جەدەل ىلگەرىلەتىپ، 2025 - جىلعا بارعاندا، بۇكىل رايونداعى بارلىق اۋىل - قالاشىقتا جۇڭگو پوچتاسى ايالداماسى + اۋىل - قالاشىق تاسىمالعا قىزمەت وتەۋ پۋنكتىن قۇرىپ، ماڭدايشالىق اسىپ، قاتىناس پەن پوچتا، قاتىناس پەن جەدەل جولداما وكىلەتتى تاسىمالدايتىن سەلبەستىك جەلىسىنەن 500گە تاياۋىن قۇرىپ، جەدەل جولدامالاردىڭ، زاتتاردىڭ قىستاقتارعا، وتباسىلارعا جەتكىزىلۋىن بىرتىندەپ جۇزەگە اسىرادى.

پارتيا 18 - قۇرىلتايىنان بەرى، رايونىمىزدىڭ اۋىل - قىستاق تاس جول تورى ونان ارى كەمەلدەنىپ، 2021 - جىلدىڭ سوڭىنا دەيىن اۋىل - قىستاق تاس جولىنىڭ جالپى ۇزىندىعى 147 مىڭ 700 كيلومەترگە (بيڭتۋاندى قامتىمايدى) جەتتى. وسى نەگىزدە اۆتونوميالى رايونىمىز اۋىل - قىستاق زات اينالىمىنا جالپىلىق قىزمەت وتەۋ دەڭگەيىن ۇزدىكسىز جوعارىلاتىپ، بۇكىل رايونداعى اۋىل - قالاشىقتاردىڭ، قۇرىلىمدىق قىستاقتاردىڭ بارىندە جولاۋشى اۆتوبۋز قاتىناۋ باسىمدىعىنان پايدالانىپ، جول - تاسىمال كاسىپورىندارىن پوچتا، جەدەل جولداما كاسىپورىندارىمەن ىشكەرىلەي سەلبەستىك ورناتۋعا جەتەكتەپ، قاتىناس پەن پوچتا، قاتىناس پەن جەدەل جولداما وكىلەتتى جەتكىزەتىن سەلبەستىك جەلىسىن قالىپتاستىرىپ، اۋىلدان قىستاققا دەيىنگى اۋىل - قىستاق زات اينالىمىنداعى اقتاڭداقتى تولىقتادى. بىلتىر بۇكىل رايوندا قۇرىلىپ، ماڭدايشالىق اسقان جۇڭگو پوچتاسى ايالداماسى + اۋىل - قالاشىق تاسىمالعا قىزمەت وتەۋ پۋنكتى 70كە جەتىپ، جولاۋشى كەزەكشى اۆتوبۋز ۋاكىلدىك تاسىمالدايتىن جەلىدەن 123ى قالىپتاستى.

اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى اسەنجان احىمەت بىلاي دەپ تانىستىردى: بيىل رايونىمىز اۋدان، اۋىل، قىستاق 3 دارەجەلى اۋىل - قىستاق زات اينالىمى ءتۇيىن جۇيەسى قۇرىلىسىنىڭ اياق الىسىن جەدەلدەتىپ، 25 − 30 جولاۋشى تاسىمال الاڭ - پۋنكتىنىڭ قۇرىلىسىن باستاۋعا قۇلشىنىپ، جولاۋشى، زات، پوچتانىڭ توعىسا دامۋىن ىشكەرىلەي ىلگەرىلەتىپ، جۇڭگو پوچتاسى بەكەتى + اۋىل - قالاشىق تاسىمالعا قىزمەت وتەۋ پۋنكتىنەن 80ىن قۇرۋعا كۇش سالىپ، قاتىناس پەن پوچتا، قاتىناس پەن جەدەل جولداما وكىلەتتى جەتكىزۋ بويىنشا 150 سەلبەستىك جەلىسىن قالىپتاستىرادى.

بيىل رايونىمىز 6000 كيلومەتر اۋىل - قىستاق تاس جولىن جاڭادان سالۋدى، وزگەرتىپ سالۋدى جوسپارعا الدى، ”14 - بەسجىلدىق“ مەزگىلىندە 31 مىڭ 600 كيلومەتر اۋىل - قىستاق تاس جولىن جاڭادان سالۋدى، وزگەرتىپ سالۋدى جوسپارلاپ، قاتىناس - تاسىمال ارقىلى كەدەيلىكتەن ارىلتۋدان قامال الۋ جەتىستىگىن اناعۇرلىم بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتپەك.