التىن كۇزدىڭ 9 ـ ايىندا، كەڭ كوسىلگەن اتىزدا شارۋالار مول ٴونىم مەزگىلىن قارسى الدى، توعىزتاراۋ اۋدانىنداعى 510 مىڭ مۋ جەردەگى جۇگەرى ىركەس - تىركەس پىسىپ، وراق قويۋ مەزگىلىنە ٴوتتى، قالىڭ شارۋالار اشىق اۋا رايىنان پايدالانىپ، تەز جيناپ كەپتىرۋدى مىقتى يگەرىپ، ٴداننىڭ قامبالانۋىنا كەپىلدىك ەتتى.　

ومىردەگى ەڭ قۋانىشتى ٴىس − مول ٴونىم الۋ. 9 ـ ايدىڭ 17 ـ كۇنى توعىزتاراۋ اۋدانى ءدوڭمالى قالاشىعى ويتام قىستاعىنىڭ جۇگەرى اتىزىندا كومباين ارلى ـ بەرلى جۇيتكىپ ءجۇر، جۇگەرى باسىن ٴۇزۋ، قابىعىن ارشۋ، ساباعىن تالقانداۋ ٴىرى تۇرپاتتى ماشينانىڭ جۇمىس جۇرگىزۋىندە ٴبىر جولدا اياقتادى. تاسىمال اۆتوكولىكتەرىنىڭ گۇرىلدەگەن داۋىسى مەن ادامداردىڭ شاتتانا كۇلگەن ٴۇنى اتىز باسىندا مول ٴونىم سيمفونياسىن شىرقادى. ەگىنشى ۋاڭ يوۋچيڭ بىلاي دەدى: ”بيىل 11 مۋ جەرگە جۇگەرى ەكتىم، بارلىعى جاڭا سورت، ٴونىم مولشەرى وتە جاقسى، مۋ باسىندىق ٴونىم مولشەرى 1.2 توننا اينالاسىندا بولاتىنىن مەجەلەپ وتىرمىن“.

ۋاڭ يوۋچيڭ ەگىمشىلىك كاسىبىن زور كۇشپەن دامىتۋمەن بىرگە، باعىمشىلىق كاسىبىن دە زور كۇشپەن دامىتتى. ونىڭ باعىمشىلىق اۋلاسىندا ون نەشە باس سيىر مەن قالىڭ قويدىڭ ويناق سالىپ جۇرگەنىن كورۋگە بولادى. ۋاڭ يوۋچيڭنىڭ تانىستىرۋىنا قاراعاندا، بۇرىن قىستا مالدىڭ جەم ـ ٴشوبى تاپشى بولىپ، ساتىپ الۋدىڭ وزىندىك قۇنى جوعارىعا توقتايتىن. وسى بىرنەشە جىلدا ول جۇگەرى ەگۋ ٴتاسىلى ارقىلى جەم - ٴشوپ ماسەلەسىن ٴوزى شەشىپ، باعۋ وزىندىك قۇنىن تومەندەتىپ، ەكونوميكالىق ونىمدىلىكتى جوعارىلاتىپ، ەگىن، مال شارۋاشىلىعىن اينالمالى دامىتۋدىڭ جاڭا جولىنا شىنايى قادام تاستاعان. ۋاڭ يوۋچيڭ بىلاي دەدى: ”ەگۋ بارىسىندا، ٴبىز جۇگەرى ساباعىنىڭ رولىن تولىق ساۋلەلەندىرىپ، باعىمشىلىق كاسىبىن زور كۇشپەن دامىتتىق، قىستا مالدىڭ جەم ـ ٴشوپ ماسەلەسىنەن مۇلدە الاڭدامايمىز“.

ەكونوميكالىق ونىمدىلىكتى ونان ارى جوعارىلاتۋ ٴۇشىن، ۋاڭ يوۋچيڭ ەگىپ ٴوسىرۋ پەريودى قىسقا، پىسۋى ەرتە، سۋسىزدانۋى تەز ەرتە پىساتىن جۇگەرى سورتىن تاڭداپ ىستەتتى، كۇزگى جيىن - تەرىننەن كەيىنگى بوس جەردەن پايدالانىپ، قايتالاي ٴبيداي ەكتى، ۋاقىت پارقىن شەبەرلىكپەن مەڭگەرۋ ارقىلى ەگىس داقىلدارىن جىلىنا ٴبىر رەت ەگۋدى جىلىنا ەكى رەت ەگۋگە وزگەرتىپ، كۇزدە جيناپ الۋ مەن قىستا ەگۋدىڭ ساڭلاۋسىز ۇشتاسۋىن جۇزەگە اسىرىپ، جەردىڭ ونىمدىلىك بەرۋى مەن شارۋالاردىڭ كىرىسىن ٴونىمدى ارتتىردى.

　　ۋاڭ يوۋچيڭ ەگىمشىلىك، باعىمشىلىق جاقتارىندا ٴتاۋىر كىرىس كىرگىزۋدەن سىرت، شاعىن تۇرپاتتى كومباين ساتىپ الىپ، جۇگەرىنى ورۋعا پايدالاندى، بوس ۋاقىتتارىنان پايدالانىپ ماڭايىنداعى ەگىنشىلەردىڭ جۇگەرىسىن ورىپ، تاعى دا ەداۋىر كىرىس كىرگىزىپ وتىر.

ۇعىسۋعا قاراعاندا، بيىل توعىزتاراۋ اۋدانىندا 510 مىڭ مۋ جەرگە جۇگەرى ەگىلگەن، قازىر 70 مىڭ مۋ جەردەگى جۇگەرى جينالىپ بولىپ، مەجەمەن 11 - ايدىڭ سوڭىندا تۇگەلدەي جينالىپ بولادى ەكەن. سونىمەن بىرگە، توعىزتاراۋ اۋدانى ەگىنشىلىك قۇرىلىمىن رەتتەۋ اياق الىسىن جەدەلدەتىپ، قايتالاي ەگۋدى ەگىنشىلىك ٴونىمىن ارتتىرۋدىڭ، شارۋالاردىڭ كىرىسىن ارتتىرۋدىڭ ماڭىزدى شاراسى ەتىپ، شەكتى جەر بايلىعىنان قايتالاي پايدالانۋ شارۋالاردىڭ كىرىسىن ارتتىرۋدىڭ جاڭا جولىنا اينالعان. سوڭعى جىلدارى، توعىزتاراۋ اۋدانى عىلىم ـ تەحنيكا ارقىلى اۋىل شارۋاشىلىعىن الۋەتتەندىرۋدى، ماشينا ارقىلى اۋىل شارۋاشىلىعىن الۋەتتەندىرۋدى كورنەكتىلەندىرىپ، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ “ ستراتەگياسىن بەلسەنە تياناقتاندىرىپ، استىقتان مول ٴونىم الۋعا كۇش سالىپ، اۋىل ـ قىستاقتى گۇلدەندىرۋدى جوعارى ساپالى ىلگەرىلەتتى. (ەرىكتى ٴتىلشى ليۋ فاڭ)