2023 - جىلعى ورتالىقتىڭ 1 - ءنومىرلى حۇجاتى جاريالاندى
2023 - جىلى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ويداعىداي ىستەۋ ورتاعا قويىلدى
شينحۋا اگەنتتىگىنىڭ 2 - ايدىڭ 13 - كۇنى بەيجيڭنەن بەرگەن حابارى (تىلشىلەر يۇي ۋىنجيڭ، چىن دۇڭشۋ). 21 - عاسىردان بەرگى 20 - رەتكى اۋىل شارۋاشىلىعى، اۋىل - قىستاق، شارۋالار قىزمەتىنە جەتەكشىلىك ەتەتىن ورتالىقتىڭ 1 - ءنومىرلى حۇجاتى 2 - ايدىڭ 13 - كۇنى شينحۋا اگەنتتىگىنىڭ وكىلەتتىلىگىمەن جاريالاندى.
«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 - جىلى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ويداعىداي ىستەۋ جونىندەگى پىكىرى» دەگەن تاقىرىپتاعى بۇل حۇجات جالپى 9 بولىكتەن قۇرالعان، مىنالاردى قامتيدى: استىق جانە ماڭىزدى اۋىل شارۋاشىلىق ونىمدەرىن ورنىقتى ءوندىرۋدى، قامداۋدى قامتاماسىز ەتۋدى مىقتى يگەرۋ، ويداعىداي يگەرۋ، اۋىل شارۋاشىلىعى نەگىزدىك قۇرىلعى قۇرىلىسىن كۇشەيتۋ، اۋىل شارۋاشىلىعى عىلىم - تەحنيكاسى جانە جابدىعى تىرەگىن كۇشەيتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاق كاسىپ سالاسىنىڭ جوعارى ساپالى دامۋىن ىلگەرىلەتۋ، شارۋالاردىڭ كىرىستى ارتتىرىپ، بايۋ ارناسىن كەڭەيتۋ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى تىڭعىلىقتى ىلگەرىلەتۋ، پارتيا ۇيىمى باسشىلىق ەتكەن اۋىل - قىستاقتى باسقارۋ جۇيەسىن اقاۋسىزداندىرۋ، ساياساتتىق قامتاماسىزداندىرۋدى جانە ءتۇزىلىس - مەحانيزمدە جاڭالىق اشۋدى كۇشەيتۋ.
حۇجاتتا مىنالار اتاپ كورسەتىلدى: جاپپاي سوتسياليستىك وسىزاماندانعان مەملەكەت قۇرۋداعى ەڭ جاپالى، ەڭ اۋىر مىندەت ءالى دە اۋىل - قىستاقتا. دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن مەزگىلگە قادام تاستادى، اۋىل شارۋاشىلىعى، اۋىل - قىستاق، شارۋالار قىزمەتىنىڭ نەگىزگى جاعدايىن ويداعىداي ساقتاۋ وتە ماڭىزدى، اعاتتىق جىبەرۋگە بولمايدى. پارتيا ورتالىق كوميتەتى بىلاي دەپ قارادى: اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندە ەڭ ماڭىزدى ورىنعا قويۋعا، ءسوزسىز، بۇلجىماي تاباندى بولىپ، اۋىل - قىستاقتى گۇلدەندىرۋدى بۇكىل پارتيانىڭ، بۇكىل قوعامنىڭ كۇشىن جۇمىلدىرا وتىرىپ جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ كەرەك.
حۇجاتتا مىنالار ورتاعا قويىلدى: استىق حاۋىپسىزدىگىنە شىنايى كەپىلدىك ەتۋ، كولەمدى قايتا كەدەيلەسۋدەن ساقتانۋ سياقتى تومەنگى شەكتى بەرىك ساقتاپ، اۋىل - قىستاقتى دامىتۋ، اۋىل - قىستاق قۇرىلىسى، اۋىل - قىستاقتى باسقارۋ سياقتى ءتۇيىندى قىزمەتتەردى تىڭعىلىقتى ىلگەرىلەتىپ، اۋىل شارۋاشىلىعىندا قۋاتتى ەل قۇرۋدى جەدەلدەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ كەرەك.
ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ قاتىستى جاۋاپتىسى مىنالاردى ءبىلدىردى: پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، اۋىل - قىستاقتى گۇلدەندىرۋ جاۋاپكەرشىلىك ءتۇزىمىن جاپپاي تياناقتاندىرىپ، 2023 - جىلعى ءتۇيىندى قىزمەتتەردى شىنايى يگەرىپ، ناقتى تۇردە جاقسى ىستەپ، بەلگىلەنگەن نىسانا - مىندەتتەردى قاز - قالپىندا ويداعىداي ورىنداپ، اۋىل - قىستاقتى گۇلدەندىرۋدى جاپپاي ىلگەرىلەتۋدە ۇزدىكسىز تىڭ ىلگەرىلەۋشىلىككە قول جەتكىزۋدى، اۋىل شارۋاشىلىعىندا قۋاتتى ەل قۇرۋدا جاقسى باستاما باستاۋدى، جاقسى قادام تاستاۋدى جەبەۋ كەرەك.