ىلەنىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ بۇكىل شينجياڭنىڭ الدىڭعى لەگىندە ٴجۇرۋىن ىلگەرىلەتەمىز

وبلىستىق پارتكومنىڭ اۋىل - قىستاق قىزمەتى ٴماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى كۇشتى اڭىس قوزعادى

ٴتىلشىمىز لۋ جۇڭ حابارلايدى. 2 - ايدىڭ 18 - كۇنى وبلىستىق پارتكوم اۋىل ـ قىستاق قىزمەتى ٴماجىلىسىن جانە اۋىل ـ قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىن اشىپ، اۆتونوميالى وبلىستىڭ جاڭا ٴداۋىر، جاڭا جورىقتا اۋىل ـ قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىندا قۋاتتى وبلىس قۇرۋدى ىلگەرىلەتۋدىڭ دابىلىن قاقتى.

وبلىسقا توتە قاراستى ورىندارداعى اۋىل شارۋاشىلىق تاراۋلارى ٴماجىلىستىڭ رۋحىن مۇقيات ۇيرەنىپ، ۇعىنىپ ٴار ۇلت كادرلارى مەن بۇقاراسى ايرىقشا جەلپىنىپ، «مەملەكەتتىڭ زور ٴىسىن» ەستە بەرىك ساقتاپ، بورىش پەن جاۋاپكەرشىلىكتى كۇشەيتىپ، باسىمدىقتى، كومەسكى كۇشتى يگەرىپ، الشاقتىقتار مەن ولقىلىقتارعا تۋرا قاراپ، جاڭا ٴداۋىردىڭ جاڭا جورىعىندا اۋىل شارۋاشىلىعى، اۋىل - قىستاق، شارۋالار قىزمەتىن تىڭعىلىقتى، ويداعىداي ىستەپ، ٴىس جۇزىندىك ارەكەت ارقىلى اۋىل شارۋاشىلىعىندا قۋاتتى ەل قۇرۋعا، اۋىل شارۋاشىلىعىندا قۋاتتى وبلىس قۇرۋعا ٴتىپتى دە كوپ ىلە كۇشىن قوساتىندىقتارىن، ىلەنىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ بۇكىل شينجياڭنىڭ الدىڭعى لەگىندە ٴجۇرۋىن ىلگەرىلەتەتىندىكتەرىن ٴبىلدىردى.

ٴماجىلىس مىنالاردى باسا دارىپتەدى: اۋىل شارۋاشىلىعىندا  قۋاتتى وبلىس قۇرۋدى عىلمي جوبالاپ، ىلگەرىلەتىپ، اۋىل - قىستاقتىڭ جەر، حالىق سانى، كاسىپ سالاسى سىندى 3 ٴىرى فاكتورىن ورگانيكالى ۇشتاستىرۋعا تاباندى بولىپ، «جەردى قالاي پايدالانۋدى»، «ادامدى قايدا اپارۋدى»، «كاسىپ سالاسىن قالاي قۇرۋدى» ويداعىداي شەشۋدى جول، «التى ارناۋلى قيمىلدى» ىشكەرىلەي ورىستەتۋدى تۇتقا ەتىپ، ٴبىر ٴتۇيىن قۇرىپ، ٴبىر جەلى قالىپتاستىرىپ، ٴبىر اۋماقتى ىلگەرىلەتىپ، اۋىل ـ قىستاقتى گۇلدەندىرۋدى جاپپاي ىلگەرىلەتۋدىڭ «كەشەندى شاراسىن» اتقارۋ كەرەك دەگەن تۇستارى ماجىلىسكە قاتىناسقان ىلە وبلىستىق اۋىل شارۋاشىلىعى، اۋىل ـ قىستاق مەكەمەسى بازار جانە ينفورماتسيالاندىرۋ باسقارماسىنىڭ كادرى شياۋ جيانچياڭدى ەرەكشە شابىتتاندىردى. ول بىلاي دەدى: «ٴماجىلىس ٴبىزدىڭ بۇدان كەيىنگى قىزمەتىمىزگە ايقىن باعدار كورسەتتى، اۋىل - قىستاقتى گۇلدەندىرۋ، دامىتۋ جونىندەگى وي جەلىسىمىز اناعۇرلىم ايقىندالدى، قىزمەت ٴتۇيىنى اناعۇرلىم ايقىندالدى. بيىل ٴبىز استىق، ماي كاسىپ سالاسى شوعىرىن، جاسىل ورگانيكالى جەمىس - جيدەك، كوكونىس كاسىپ سالاسى شوعىرىن كۇش سالا قالىپتاستىرۋدى نىسانا ەتىپ، اۋىل - قىستاق كاسىپ سالاسىن توعىستىرا دامىتۋ نىسانىنان ٴبىر توبىن بەلسەنە قۇرىپ، اۋىل شارۋاشىلىعى كاسىپ سالاسىندا قۋاتتى قالاشىقتى نەگىز، وسى زامانعى اۋىل شارۋاشىلىعى كاسىپ سالاسى باقشاسىن قوزعالتقىش، كاسىپ سالاسى شوعىرىن تىرەك ەتىپ، وبلىس، اۋدان، اۋىلداردا ساتى بويىنشا ورنالاستىرۋ جاساپ، ٴتۇيىن، جەلى، اۋماقتى سايكەستى ىلگەرىلەتۋ سىندى وسى زامانعى اۋىل - قىستاق كاسىپ سالاسى جۇيەسىن بىرتىندەپ قالىپتاستىرىپ، اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردىڭ قۋاتىن ۇلعايتىپ، ولاردىڭ جەتەكشىلىك، باستاماشىلىق رولىن ساۋلەلەندىرىپ، ايگىلى ماركا ارقىلى اۋىل شارۋاشىلىعىن كۇشەيتۋ ستراتەگياسىن كۇش سالا اتقارىپ، اۋىل شارۋاشىلىق ونىمدەرى بازارىن اشۋدى جەدەلدەتىپ، سىرتقا باعىتتالعان اۋىل شارۋاشىلىعىن جەتىلدىرىپ، اۋىل - قىستاقتاعى 1 -، 2 -، 3 - كاسىپتەردىڭ توعىسۋىن كۇش سالا ىلگەرىلەتىپ، الۋان فورمالى كاسىپورىن مەن شارۋالاردىڭ مۇددەسى تىعىز ۇشتاستىرىلعان مەحانيزم قالىپتاستىرىپ، اۆتونوميالى وبلىستىڭ اۋىل شارۋاشىلىعىنىڭ، اۋىل - قىستاقتارىنىڭ جوعارى ساپالى دامۋىنا ۇلەس قوسامىز».

ٴماجىلىستىڭ اشىلۋى قۇلجا قالالىق اۋىل ـ قىستاقتى گۇلدەندىرۋ مەكەمەسىندەگى بارشا كادرلاردىڭ سەنىمىن ارتتىردى. قۇلجا قالالىق اۋىل - قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ما ليشۋان بىلاي دەدى: «اۋىل شارۋاشىلىعىندا قۋاتتى وبلىس قۇرۋ ستراتەگيالىق بورىشىن باتىل ارقالاپ، جاڭا ٴداۋىردىڭ جاڭا جورىعىندا اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ سەنىمى مەن بەكىمىن بەكەمدەيمىز. كەدەيلىكتەن ارىلتۋدان قامال الۋدىڭ تابىستارىن بەكەمدەۋدى جانە كەڭەيتۋدى − اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەك مىندەتى ەتىپ، كولەمدى قايتا كەدەيلەسۋدى تۋدىرماۋ سىندى تومەنگى شەكتى قاتاڭ ساقتاپ، كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن كۇشەيتىپ، اۆتونوميالى رايون دارەجەلى اۋىل - قىستاقتى گۇلدەندىرۋدەن ۇلگى كورسەتەتىن قىستاق قۇرۋ نىساناسىن جوعارى ولشەممەن ورىندايمىز. ٴتۇرلى بايلىقتىڭ ەرەكشە كاسىپ سالالارىن دامىتۋعا جانە جۇمىستاندىرۋدى كەڭەيتۋگە شوعىرلانۋىن ىلگەرىلەتىپ، حالىقتىڭ ىرىس - قۇتىن ۇزدىكسىز ارتتىرىپ، شارۋالاردىڭ كىرىسىنىڭ ۇزدىكسىز ارتۋىنا شىنايى كەپىلدىك ەتەمىز».

بيىل − پارتيا 20 - قۇرىلتايى رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، اۋىل - قىستاقتاردى گۇلدەندىرۋدى وزەك ەتكەن اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ٴمانى اسا زور. قورعاس اۋداندىق اۋىل شارۋاشىلىعى، اۋىل ـ قىستاق مەكەمەسى پارتيا باسشىلىق گرۋپپاسىنىڭ شۋجيى لان شياۋميڭ بىلاي دەدى: «وسى رەتكى ٴماجىلىس ٴبىزدىڭ جاڭا  ٴداۋىردىڭ جاڭا جورىعىندا اۋىل شارۋاشىلىعى، اۋىل ـ قىستاق، شارۋالار قىزمەتىن جاقسى ىستەۋىمىزگە ٴتۇبىرلى بويسۇنۋ ولشەمىن جانە امالياتتىق جەتەكشىلىك ازىرلەدى. ٴبىز اۋىل شارۋاشىلىعىن، اۋىل ـ قىستاقتى وسىزامانداندىرۋدى ىلگەرىلەتۋدى كۇرەس نىساناسى ەتىپ، اۋىل ـ قىستاقتى گۇلدەندىرۋ ستراتەگياسىن ٴبىر تۇتاس مەڭگەرىپ، استىقتى ورنىقتىرۋدى، مال شارۋاشىلىعىن گۇلدەندىرۋدى، ەرەكشەلىكتى جەبەۋدى ٴۇش ۇلكەن تىرەك ەتىپ، وسى زامانعى اۋىل شارۋاشىلىعى كاسىپ سالاسى تىزبەگىن بەلسەنە قالىپتاستىرىپ، نازاردى كاسىپ سالاسىنا شوعىرلاندىرىپ، نىسانداردى ويداعىداي جوسپارلايمىز. اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاقتى گۇلدەندىرەتىن كاسىپ سالالارىن توعىستىرۋ ۇلگىسىن قالىپتاستىرىپ، شارۋالاردىڭ كىرىسىن زور مولشەردە ارتتىرۋىن جەبەۋدى باس نىسانا ەتىپ، حوش ٴيىستى كاسىپ سالاسىن كۇش سالا شىنايى يگەرىپ، مال شارۋاشىلىعىن گۇلدەندىرىپ، ومارتاشىلىق كاسىبىن زورايتامىز؛  وسى زامانعى ساپالى تۇقىم جەتىلدىرۋ، كوكونىس، بال اراسى كاسىپ سالاسى تىزبەگىن ۇزارتىپ، اۋىل شارۋاشىلىعىنىڭ ايگىلى ماركاسىن ۇزدىكسىز جاراتىپ، اۋىل شارۋاشىلىعىنا عىلىم - تەحنيكالىق قىزمەت وتەۋدى جوعارىلاتىپ، اۋىل شارۋاشىلىعى، اۋىل - قىستاق سالاسىنىڭ حاۋىپسىزدىگىن ۇزدىكسىز كۇشەيتىپ، شارۋالاردىڭ كىرىسىن ارتتىرۋ ارناسىن ٴونىمدى كەڭەيتىپ، اۋىل - قىستاق كاسىپ سالاسىن دامىتۋدىڭ ىشكى قوزعاۋشى كۇشىن ۇزدىكسىز كۇشەيتەمىز».