ۋاكىل لي يۇنفي:

اۋىل - قىستاقتىڭ ءورت ءسوندىرۋ - ورتتەن ساقتانۋ قۇرىلىسىنا سىندارلى كەڭەس بەرەمىن

انار بۇلت \ شينجياڭ گازەتىنىڭ ءتىلشىسى گو ليڭ

2 - ايدىڭ 17 - كۇنى رايونىمىزداعى مەملەكەتتىك حالىق قۇرىلتايى ۋاكىلدەرىنىڭ توپتىق كوزدەن كەشىرۋىنە ەندى عانا قاتىناسىپ قايتقان لي يۇنفي اقسۋ ايماعىنا قايتىپ كەلە سالىسىمەن ونسۋ اۋدانى تۇمسىق قالاشىعىنا بارىپ، 13 - كەزەكتى مەملەكەتتىك حالىق قۇرىلتايىنىڭ ۋاكىلى لياۋ جاۋياڭنىڭ ۇيىنە بارىپ، ودان ”تاجىريبە ۇيرەندى“.

ۇيگە بارىپ ”تاجىريبە ۇيرەنۋ“، تەلەفوندا سالەمدەسۋ، ۇزدىكسىز تەكسەرۋ - زەرتتەۋ جۇرگىزۋ، ۇسىنىستاردى كەمەلدەندىرۋ... لي يۇنفي وسى بىرنەشە كۇنگى قىزمەتتەن سىرتقى ۋاقىتتارىن تولىق ورنالاستىردى.

لي يۇنفي − شينجياڭ ءورت ءسوندىرۋ - ورتتەن ساقتانۋ، قۇتقارۋ - كومەكتەسۋ باس اترەتى اقسۋ ايماقتىق ءورت ءسوندىرۋ - ورتتەن ساقتانۋ، قۇتقارۋ - كومەكتەسۋ بولىمشە اترەتى كۇشار قالالىق چاڭنيڭ جولى ءورت ءسوندىرۋ - ورتتەن ساقتانۋ، قۇتقارۋ - كومەكتەسۋ پۋنكتىنىڭ ساياسي جەتەكشىسى، ءورت ءسوندىرۋ - ورتتەن ساقتانۋ، قۇتقارۋ - كومەكتەسۋ قوسىنىنا كىرگەن 10 جىلدان بەرى ىلگەرىندى - كەيىندى ءورت ءسوندىرۋ، قۇتقارۋ - كومەكتەسۋ مىندەتىنە 2400 نەشە رەت قاتىناسىپ، قامالىپ قالعان 360 نەشە ادامدى قۇتقارىپ، ”8 - كەزەكتى بۇكىل مەملەكەتتىك ءمورال ۇلگىسىنە كورسەتىلۋ سيلىعى“، ”بۇكىل ەلدىڭ شۇعىل جاعدايعا توتەپ بەرۋ - باسقارۋ جۇيەسىندەگى وزات قىزمەتكەر“، ”جۇڭگوداعى جاقسى ادام“، ”تىنىشتىق قاھارمانى“ سياقتى داڭققا يە بولعان.

”مەملەكەتتىك حالىق قۇرىلتايىنىڭ ۋاكىلى بولىپ سايلانعاندىعىما شەكسىز تەبىرەندىم ءارى ارقالاعان جاۋاپكەرشىلىگىمنىڭ اۋىر ەكەندىگىن تەرەڭ سەزىندىم“، - دەدى لي يۇنفي، جاڭا بورىش ارقالاعان ول بيىلعى مەملەكەتتىك ەكى ماجىلىسكە زور ۇمىتپەن قاراۋدا.

بۇقارانىڭ جۇرەك ءۇنىن مەملەكەتتىك ەكى ماجىلىسكە قايتكەندە اناعۇرلىم ويداعىداي جەتكىزۋگە بولادى؟ لياۋ جاۋياڭنان لي يۇنفي كىشى پەيىلدىلىكپەن كەڭەس سۇرادى. ”ءبىزدىڭ ادەتتە اناعۇرلىم كوبىرەك ءمان بەرەتىنىمىز ءوز سالامىز ىشىندەگى ماسەلەلەر، قايتكەندە حالىق رايىن تولىق ۇعىسىپ، كوپ جاقتىڭ پىكىرىن توپتاپ، مۇقيات تالداۋ جاساپ، وي جۇگىرتىپ، جوعارى ساپالى كەڭەستىك جوبا، ۇسىنىس قويۋعا بولادى، جاڭادان سايلانعان مەملەكەتتىك حالىق قۇرىلتايىنىڭ ۋاكىلى رەتىندە ۇيرەنەتىن نارسە وتە كوپ“، - دەدى لي يۇنفي. لياۋ جاۋياڭ وعان اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتىپ، بۇقارا باسا نازار اۋدارىپ وتىرعان قولامتالى، قيىن ماسەلەلەردى يگەرىپ، تولىق تەكسەرۋ - زەرتتەۋ، دالەلدەۋ جۇرگىزىپ، باعىتتامالى سيپاتتى اتقارىلاتىن ۇسىنىس قويۋ كەرەك دەگەن ۇسىنىس بەردى.

بۇقارامەن تىعىز بايلانىس ورناتۋ، حالىق رايىن قابىلداۋ، حالىقتىڭ اقىل - پاراساتىن توپتاۋ. وسى جاقتاردا لي يۇنفيدىڭ وزىنە سەنىمى مىعىم. ول 2019 - جىلدان باستاپ، ءوزىنىڭ قوسىندى باستاپ ”قىزىل انار“ ەرىكتى قىزمەت وتەۋ اترەتىن قۇرىپ، ۇنەمى اۋىل - قالاشىق، قىستاق، ءمالى، كاسىپورىن سياقتى جەرلەردى ىشكەرىلەي ارالاپ، ورتتەن ساقتانۋ حاۋىپسىزدىگى بىلىمدەرى جونىندە ۇگىت لەكسيا جاساۋمەن بىرگە، كوپ جاقتىڭ پىكىرىن دە جيناعاندىعىن تانىستىردى.

بىرنەشە كۇننەن بەرى رايونىمىزداعى مەملەكەتتىك حالىق قۇرىلتايى ۋاكىلدەرىنىڭ توپتىق كوزدەن كەشىرۋى، مىندەت وتەۋ الدىندا باۋلىنۋى، توپتىق ۇيرەنۋى لي يۇنفيدىڭ وي جەلىسىن ونان ارى سالالاۋىنا كومەكتەستى. بيىلعى مەملەكەتتىك ەكى ماجىلىستە ول اۋىل - قالاشىقتىڭ، مالىلەردىڭ ءورت ءسوندىرۋ - ورتتەن ساقتانۋ كۇشى قۇرىلىسىن كۇشەيتۋ جونىندە ۇسىنىس قويۋعا دايىندالدى.

”ءورت ءسوندىرۋ - ورتتەن ساقتانۋ، قۇتقارۋ - كومەكتەسۋ پۋنكتىنىڭ دەنى اۋدان قالاشىعىندا تۇرادى، اۋدان قالاشىعى مەن قىستاقتا بەلگىلى قاشىقتىق بار، ءورت ءسوندىرۋ، قۇتقارۋ - كومەكتەسۋدە التىن ۋاقىت كەزەڭى بولادى، اپات، شىرعالاڭ تۋىلعان كەزدە دەر كەزىندە، ءونىمدى ءبىر جايلى ەتۋدى قالاي ورىنداۋ حاۋىپسىزدىك كومەسكى كىناراتتارىن دەر كەزىندە جويۋ، حالىق بۇقاراسىنىڭ ءومىرىن، مال - مۇلىك حاۋىپسىزدىگىن قامتاماسىز ەتۋ جونىنەن اسا ماڭىزدى رول اتقارادى“، - دەدى لي يۇنفي. ول نەگىزگى ساتىنىڭ ءورت ءسوندىرۋ - ورتتەن ساقتانۋ كۇشى قۇرىلىسىن قالاي كۇشەيتىپ، اۋىل - قالاشىقتىڭ، كاسىپورىنداردىڭ شاعىن ءورت سوندىرۋ - ورتتەن ساقتانۋ پۋنكتىن قۇرۋىن ىلگەرىلەتۋ، ارناۋلى مىندەتتەگى ءورت ءسوندىرۋ - ورتتەن ساقتانۋ اترەتىن قۇرۋ سياقتى جاقتاردى ارقاۋ ەتە وتىرىپ ۇسىنىس قويماقشى.