ەگىمشىلىك كاسىبىنىڭ «جۇڭگو چيپىن» قالىپتاستىرۋعا ٴتىپتى دە كوپ ىلە كۇشىن قوسامىز

وبلىستىق پارتكومنىڭ اۋىل - قىستاق قىزمەتى ٴماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى كۇشتى اڭىس قوزعادى

ٴتىلشىمىز لي يافىڭ، پراكتيكانت جاڭ حان حابارلايدى. مەملەكەت اۋىل شارۋاشىلىعىن نەگىز ەتەدى، اۋىل شارۋاشىلىعى ەگىنشىلىكتى ماڭداي الدى ورىنعا قويادى. 2 - ايدىڭ 18 - كۇنى ىلە وبلىستىق پارتكومنىڭ اۋىل - قىستاق قىزمەتى ٴماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى اشىلدى. ماجىلىستەگى جاڭا ينفورماتسيا، جاڭا وي جەلىسى، جاڭا شارالار وبلىسقا توتە قاراستى ورىندارداعى اۋىل شارۋاشىلىعىنا ساياتىن كاسىپورىندار اراسىندا كۇشتى اڭىس قوزعادى. 

كوپشىلىك ٴبىر اۋىزدان مىنانى ٴبىلدىردى: اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋدىڭ ماڭىزدى ٴمانىن ساياسي جانە جالپى جاعداي بيىگىنەن جەتە تانۋعا تاباندى بولىپ، «مەملەكەتتىڭ زور ٴىسىن» ەستە بەرىك ساقتاپ، بورىش پەن جاۋاپكەرشىلىكتى كۇشەيتىپ، قايراتتى تاسقىنداتىپ، باسىمدىقتى، كومەسكى كۇشتى يگەرىپ، اۋىل شارۋاشىلىعىندا قۋاتتى وبلىس قۇرۋ ماڭىزدى مىندەتىن ناقتى، ەگجەي - تەگجەيلى تياناقتاندىرىپ، جاڭا ٴداۋىردىڭ جاڭا جورىعىندا اۋىل شارۋاشىلىعى، اۋىل - قىستاق، شارۋالار قىزمەتىن تىڭعىلىقتى، ويداعىداي ىستەپ، ٴىس جۇزىندىك ارەكەت ارقىلى اۋىل شارۋاشىلىعىندا قۋاتتى ەل قۇرۋعا، اۋىل شارۋاشىلىعىندا قۋاتتى رايون قۇرۋعا ٴتىپتى دە كوپ ىلە كۇشىن قوسىپ، ىلەنىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ بۇكىل شينجياڭنىڭ الدىڭعى لەگىندە ٴجۇرۋىن ىلگەرىلەتەمىز. 

«تۇقىم - اۋىل شارۋاشىلىعىنىڭ <چيپى>، مەملەكەتتىڭ استىق حاۋىپسىزدىگىن قامتاماسىز ەتۋدىڭ <جان تامىرى>، ىلەنىڭ سۋ، توپىراق، جارىق، جىلۋ بايلىعى مول، جۇگەرى وسىرۋگە لايىق التىن القاپ». شينجياڭ لۇڭچۋاڭ تۇقىم شارۋاشىلىعى شەكتى سەرىكتەستىگىنىڭ باس ديرەكتورى ۋاڭ ميڭلەي بىلاي دەدى: ىلە اۋىل شارۋاشىلىعىنىڭ جوعارى ساپالى دامۋ بولاشاعى جارقىن، بۇعان تولىق سەنىم ارتامىن، تۇقىم شارۋاشىلىعىن گۇلدەندىرۋدى ىلگەرىلەتۋگە كۇشىمدى قوسىپ، جوعارى ٴتۇسىمدى، ساپالى جۇگەرىنىڭ جاڭا سورتى جونىندە ويداعىداي ىزدەنىس جاساپ، ىلەدە ساپالى تۇقىم جەتىلدىرۋ كولەمىن بارىنشا كەڭەيتىپ، وبلىسقا توتە قاراستى ورىنداردا ەرەكشە كاسىپ سالاسى مەن مەملەكەتتىك جۇگەرى تۇقىمى شارۋاشىلىعى بازا قۇرىلىسىن ىلگەرىلەتىپ، «ساپالى تۇقىم ارقىلى» «جاقسى تۇرمىسقا» قول جەتكىزۋگە شىن مانىندە مۇمكىندىك جاساپ، اۋىل شارۋاشىلىعىن وسىزامانداندىرۋدى جۇزەگە اسىرۋ، اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىن ىلگەرىلەتۋ، مەملەكەتتىڭ استىق حاۋىپسىزدىگىن قامتاماسىز ەتۋ ٴۇشىن ٴتيىستى ۇلەسىمدى قوسامىن.

«ٴماجىلىستىڭ نىسانا ـ مىندەتتەرى انىق، العا باسۋ جولى ايقىن، جۇرت كوڭىلىن جەلپىندىرەدى. ٴبىز ىلە وبلىسىنىڭ بۇكىل وبلىستىڭ كۇش ـ قۋاتىن جۇمىلدىرىپ، اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋ بەكىمىن تولىق سەزىنىپ، كاسىپورىننىڭ قايراتتانا العا ۇمتىلىپ، دامۋدا تىڭ داستان جازۋ سەنىمىن بەكەمدەدىك» دەدى شينجياڭ چۋاڭجين ەگىن، مال شارۋاشىلىعى شەكتى سەرىكتەستىگىنىڭ ورىنباسار باس ديرەكتورى جاڭ باۋگاڭ. ول تاعى بىلاي دەدى: سەرىكتەستىك اۋىل شارۋاشىلىعىنا، اۋىل ـ قىستاققا، شارۋالارعا قىزمەت وتەۋدى وزەك ەتىپ، ٴتۇيىندى باستاماشى كاسىپورىن رەتىندە كولەم، عىلىم ـ تەحنيكا باسىمدىعىن ساۋلەلەندىرىپ، قىسقا عانا 6 جىلدا ىلە اڭعارىندا 1 ـ، 2 ـ، 3 ـ كاسىپ بويىنشا تۇيىق اينالىمدى تۇتاس كاسىپ سالاسىنداعى تىزبەكتى كاسىپورىنعا اينالدى. كەلەسى قادامدا ىلە مال شارۋاشىلىعىنىڭ دامۋ باسىمدىعىنان پايدالانىپ، وسى وڭىردەگى ساپالى مال شارۋاشىلىعى بايلىعىن ۇزدىكسىز بىرىكتىرىپ، مال شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، سيمەنتال سيىرىنىڭ مەملەكەت دارەجەلى وزەكتى ساپالى تۇقىم جەتىلدىرۋ الاڭىن بەلسەنە قۇرىپ، تۇقىم قاينارىمەن ٴوزىن - ٴوزى قامداۋدى قۇلشىنا جۇزەگە اسىرىپ، اۋىل شارۋاشىلىعىمەن بىرلەستىرۋ، اۋىل شارۋاشىلىعىنا جەتەكشىلىك ەتۋ مەحانيزمىن اناعۇرلىم كەمەلدەندىرىپ، 2025 - جىلعا بارعاندا 15 مىڭ باس اسىل تۇقىمدى سيىر جەتىلدىرىپ، ەگىمشىلىكپەن، باعىمشىلىقپەن شۇعىلداناتىن 16 مىڭ وتباسىنىڭ كىرىسىن ارتتىرۋعا كۇش سالىپ، اۋىل شارۋاشىلىعىنىڭ، اۋىل - قىستاقتىڭ دامۋ قوزعاۋشى كۇشى مەن ومىرشەڭدىك كۇشىن ٴونىمدى ارتتىرامىز».