قانىڭبي ايسادا ءبىر قىزۋ ىنتا بار، اۋىلىنىڭ كوركەيۋىن، اۋىلداستارىنىڭ بايۋىن جان دۇنيەسىمەن ءۇمىت ەتەدى.

مەيلى باسقالارمەن اڭگىمەلەسكەندە بولسىن، الدە قىستاقتا ۇگىت لەكسيا جاساۋ قيمىلىن جۇرگىزگەندە بولسىن، قانىڭبي بارلىعىن شاماسىنىڭ جەتىسىنشە ”ۇيرەنەدى“ جانە ”جەتكىزەدى“. تىلشىلىكتى قابىلداعاندا، ول ويلانا: ”ۇيرەنۋگە ءتيىستى نارسەلەر وتە كوپ، بىلۋگە ءتيىستى نارسەلەر وتە كوپ، امالياتتا ايگىلەۋگە ءتيىستى نارسەلەر وتە كوپ“، - دەدى.

قانىڭبيدىڭ ءون بويىنان نەگىزگى ساتى كادرلارىنا ءتان ”وي - پارساتتى“ انىق سەزىنۋگە بولادى: قايتكەندە اۋىل شارۋاشىلىعىن قۋاتتى، اۋىل - قىستاقتى كورىكتى، شارۋالاردى باي ەتۋگە بولادى. ەندى عانا مىندەتىن وتەي باستاعان مەملەكەتتىك حالىق قۇرىلتايىنىڭ ۋاكىلى رەتىندە، قانىڭبي وسى ”وي - پاراسات“ ارقىلى بۇقارانىڭ تالاپ - تىلەكتەرىن كەڭىنەن قابىلدادى، جەر - جەردىڭ بايۋ تاجىريبەلەرىن قابىلدادى. بۇل ”وي - پاراسات“، بالكىم، ادامدار ۇنەمى ايتاتىن جاۋاپكەرشىلىك ارقالاپ، ىسكەرلىك كورسەتۋ بولسا كەرەك.

حالىق قۇرىلتايى ۋاكىلى − كوپىر، ءبىر باسى پارتيا مەن ۇكىمەتكە جالعاسسا، ەندى ءبىر باسى سان ميلليون بۇقاراعا جالعاسادى. شينجياڭنىڭ كەڭ كوسىلگەن اۋىل - قىستاق جەرىندە قانىڭبي سياقتى نەگىزگى ساتىدان كەلگەن وسىنداي ءبىر توپ حالىق قۇرىلتايى ۋاكىلدەرى بار. ولار اۋىل - قىستاقتىڭ قۇنارلى توپىراعىنا تامىر تارتىپ، توسقاۋىلداردى تالقانداپ، قادام سايىن قايراتتانا العا ىلگەرىلەپ، ءۇمىت اتىزىندا اۋىل - قىستاقتى گۇلدەندىرۋدەگى قيىن ماسەلەلەردى شەشىپ، اۋىل - قىستاقتى گۇلدەندىرۋدىڭ اۋىر مىندەتىن ارقالادى.