وبلىستىق پارتكومنىڭ اۋىل - قىستاق قىزمەتى ٴماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى قىزۋ اڭىس قوزعادى

تىلشىلەرىمىز دۋ لەي، پاتيما، جاڭ جينفىڭ، لي جيان حابارلايدى. 2 - ايدىڭ 18 - كۇنى وبلىستىق پارتكوم اۋىل - قىستاق قىزمەتى ٴماجىلىسىن جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىن اشتى. بىرنەشە كۇننەن بەرى وبلىسقا توتە قاراستى ورىندارداعى بارشا كادرلار مەن بۇقارا اقپارات مەديالارى تۇعىرى ارقىلى ٴماجىلىس رۋحىن مۇقيات ۇيرەندى. كوپشىلىك ٴبىر اۋىزدان مىنانى ٴبىلدىردى: ٴماجىلىس رۋحىن ناقتى ارەكەت بارىسىندا تياناقتاندىرىپ، جوعارى ساپالى دامۋدى جەبەۋدىڭ قۋاتتى قوزعاۋشى كۇشىنە اينالدىرىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ جاڭا جاعدايىن قۇلشىنا اشىپ، ديقانداردىڭ اناعۇرلىم تاماشا تۇرمىس كەشىرۋىنە مۇمكىندىك جاسايمىز.

اۆتونوميالى رايوندىق ٴبيداي جۇيەسى ىلە قىزمەت پۋنكتىنىڭ باستىعى، وبلىستىق اۋىل شارۋاشىلىعى عىلمي زەرتتەۋ ورنى ٴبيداي زەرتتەۋ كەڭسەسىنىڭ مەڭگەرۋشىسى سۇن نا بىلاي دەدى: «ساپالى تۇقىم جەتىلدىرۋ قىزمەتكەرى رەتىندە باستان - اياق مەملەكەتتىڭ استىق حاۋىپسىزدىگىن مىندەت، ٴوندىرىس قاجەتىن بەتالىس ەتىپ، دەربەس جاڭالىق اشۋعا تاباندى بولىپ، ساپالى ٴبيداي تۇقىمىن جەتىلدىرۋگە زەر سالا زەرتتەۋ جۇرگىزىپ، بۇقارانىڭ <قارىن تويعىزۋدان> <ٴىشىپ - جەمى جاقسى بولۋعا> قاراي ويىسۋىنا، ولاردىڭ ٴنارلى، قۋاتتى تاعامداردى تۇتىنۋىنا مۇمكىندىك جاسايمىن، بۇل ٴبىزدىڭ ساپالى ٴبيداي تۇقىمىن جەتىلدىرۋ سەنىمىمىزدىڭ تياناعى. بۇدان كەيىن اترەتىمىز ٴبيدايدىڭ جاڭا سورتىن تاڭداپ جەتىلدىرۋ، ەنگىزۋ، سالىستىرۋ، وندىرىستەن ۇلگى كورسەتۋ، تەحنيكالىق جاقتان تاربيەلەۋ سياقتى قىزمەتتەردى ۇزدىكسىز ورىستەتۋ ارقىلى عىلىم - تەحنيكادا جاڭالىق اشۋدىڭ جەتەكشىلىك رولىن تولىق ساۋلەلەندىرىپ، ىلە اڭعارىندا ٴبيداي ٴوندىرىسىنىڭ تەحنيكالىق ورەسىن جوعارىلاتىپ، كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتەدى». 

چاپچال سىبە اۆتونوميالى اۋداندىق ورمان شارۋاشىلىعى جانە جايىلىم مەكەمەسى پارتيا باسشىلىق گرۋپپاسىنىڭ مۇشەسى جاڭ حۇڭشي بىلاي دەدى: «جينالىس بۇكىل اۋدانداعى ٴار ۇلت كادرلارى مەن بۇقاراسىنىڭ اسقاق جىگەرىن اناعۇرلىم قاۋلاتتى. 2023 - جىلى ٴبىز ورمان جانە جايىلىم سياقتى ەكولوگيالىق جۇيەنىڭ ورنىقتىلىعىن ۇزدىكسىز كۇشەيتىپ، مەملەكەت جەرىن جاسىلداندىرۋدى جانە جايىلىم قۇرىلىسىن ٴتارتىپتى ورىستەتىپ، ورمانمەن كومكەرىلۋ مولشەرى مەن جايىلىمنىڭ جالپى جامىلعى مولشەرىن ۇزدىكسىز جوعارىلاتىپ، ورمان مەن جايىلىم بايلىعىنىڭ جالپىلىق ونىمدىلىگىن جاپپاي جوعارىلاتىپ، بىرگە باسقاراتىن، بىرگە رەتكە سالاتىن قىزمەت ارناسىن قالىپتاستىرىپ، تۇتاس قوعامدا <تۇنىق سۋ، جاسىل تاۋ − باعالى بايلىق> دەگەندى امالياتتا ايگىلەيتىن دامۋ ۇستانىمىن قالىپتاستىرىپ، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق كورىكتى چاپچال قۇرۋعا ۇلەس قوسامىز».

«بۇل رەتكى جينالىس كەلەسى كەزەڭدەگى قىزمەتىمىزگە ايقىن بەتالىس كورسەتتى، ٴبىز جينالىستىڭ رۋحىن ٴىس جۇزىندىك قوزعاۋشى كۇشكە اينالدىرىپ، ٴداۋىردىڭ <ۇتىلامالى تاياقشاسىن> مىقتى ۇستاپ، ماركا جۇيەسىن جەتىلدىرىپ، سومداپ، اۋىل شارۋاشىلىعى ونىمدەرى وڭىرىندە الەۋمەتتىك ماركانى، ەرەكشە اۋىل شارۋاشىلىعى ونىمدەرى ماركاسىن جانە كاسىپورىن ماركاسىن وزەك ەتكەن اۋىل شارۋاشىلىعى ماركاسى جۇلگەسىن قالىپتاستىرامىز» دەدى كۇنەس اۋداندىق اۋىل شارۋاشىلىعى، اۋىل - قىستاق مەكەمەسىنىڭ باستىعى ياڭ چۇنحۋ، ول تاعى بىلاي دەدى: «مۇنان كەيىن كۇنەس اۋدانى اۋىل شارۋاشىلىعى ونىمدەرى ماركاسى جۇيەسى قۇرىلىسىن اناعۇرلىم كەمەلدەندىرىپ، سيىر، قوي جاعراپيالىق بەلگى كۋالىك تاۋار ماركاسى، جاعراپيالىق بەلگىنى قورعاۋ ونىمدەرىن ٴوتىنىش ەتۋ اياق الىسىن جەدەلدەتىپ، اۋىل شارۋاشىلىعى جاڭاشا تيجارات تۇلعالارىنىڭ ماركا جاراتۋىن قولداپ، جەرگىلىكتى ماركالاردى مەملەكەتتىك اۋىل شارۋاشىلىعى ماركالارىنىڭ تىزىمىنە ەنگىزۋدى بەلسەنە تانىستىرادى. ورگانيكالىق ٴوندىرىس - تيجارات تۇلعالارىن ٴتۇرلى كورمەلەۋ - ساتۋ كورمەسىنە قاتىناسۋعا ۇيىمداستىرىپ، ماركانى قورعاۋدى كۇشەيتىپ، جاسىل، ورگانيكالىق ماركالاردى جارىققا شىعارادى. بازا قۇرۋ قىزمەتىن بەلسەنە ورىستەتىپ جانە التى مۋلىق كولشىكتەگى كۇرىش، المالى قالاشىعىنىڭ ساباعىندا قۇرعايتىن ورىگى، قارابۋرا قالاشىعىنىڭ الماسى مەن شاپتولى، نارات قالاشىعىنىڭ بۇلدىرگەنى، تۇرگەن اۋىلىنىڭ تارىسى سياقتى جاڭاشا اۋىل شارۋاشىلىق تيجارات تۇلعالارىن ماركا تانىمىن ورناتىپ، جەرگىلىكتى ايگىلى ماركا جاراتۋعا باستايدى».

تەكەس اۋداندىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى ۋاڭ چياڭ بىلاي دەدى: «ٴبىز وسى رەتكى ٴماجىلىستى وراي ەتىپ، ىشكەرىلەي ۇيرەنىپ، جەتە ٴتۇسىنىپ، كۇش - قۋاتتى، نازاردى اۋىل شارۋاشىلىعى، اۋىل - قىستاق، شارۋالار قىزمەتىنە شوعىرلاندىرىپ، اناعۇرلىم تىڭعىلىقتى شارالار ارقىلى استىق حاۋىپسىزدىگىن جانە ماڭىزدى اۋىل شارۋاشىلىعى ونىمدەرىمەن ٴونىمدى قامداۋدى قامتاماسىز ەتەمىز. عىلىم - تەحنيكالىق جابدىقتارىنىڭ قولدانىلۋىن كورنەكتىلەندىرىپ، بىرلىك ٴونىمدى ۇزدىكسىز جوعارىلاتىپ، جالپى ٴونىمدى ارتتىرۋعا كۇش سالامىز. جوعارى ولشەمدى ەگىنجاي قۇرىلىسى نىساندارىن ىلگەرىلەتۋگە كومەكتەسۋدى مىقتى يگەرىپ، نەگىزگى ەگىنجايلاردى تۇگەلدەي جوعارى ولشەمدى ەگىنجايعا اينالدىرۋعا كۇش سالامىز. <ٴبىر قىستاقتا ٴبىر ٴونىم بولۋعا>، <ٴبىر اۋىلدا ٴبىر كاسىپ بولۋعا> تاباندى بولىپ، ەرەكشە اۋىل شارۋاشىلىعى ەگىمشىلىك كولەمىن ورنىقتى كەڭەيتىپ، قارا ٴبيداي، بالاۋىزدى جۇگەرى، اشىق جەرگە ەگىلەتىن كوكونىس، جۇڭگوشا ٴدارى ٴشوپ، جەم - ٴشوپ ەگىمشىلىگى سياقتى باسىمدىققا يە 90 مىڭ مۋ جەردەگى داقىلدى زور كۇشپەن دامىتىپ، ەگىمشىلىكتىڭ ەكونوميكالىق ونىمدىلىگىن جوعارىلاتىپ، اۋىل - قىستاق كاسىپ سالاسىن ۇزدىكسىز جەتىلدىرەمىز، زورايتامىز».

قۇلجا اۋداندىق اۋىل شارۋاشىلىعى، اۋىل - قىستاق مەكەمەسى كەڭسەسىنىڭ كادرى ياڭ ليلي بىلاي دەدى: «جينالىس بۇدان كەيىنگى اۋىل شارۋاشىلىعى، اۋىل - قىستاق، شارۋالار قىزمەتىنە ايقىن بەتالىس كورسەتتى، قۇلجا اۋدانى − ەگىن، مال شارۋاشىلىعىنداعى ٴىرى اۋدان، 2023 - جىلى ٴبىز نىسانانى كوزدەپ، شىنايى يگەرىپ ناقتى ىستەپ، ەگىن، مال شارۋاشىلىعىنداعى ٴىرى اۋداننىڭ باسىمدىعىن تولىق ساۋلەلەندىرىپ، استىق - ماي، جاسىل، ورگانيكالى جەمىس - جيدەك، كوكونىس، ساپالى مال شارۋاشىلىعى ونىمدەرى كاسىپ سالاسى شوعىرى ارەكەتىن كۇش سالا اتقارىپ، استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى بار كۇشپەن قامتاماسىز ەتىپ، اۋىل شارۋاشىلىعىندا قۋاتتى وبلىس قۇرۋعا اناعۇرلىم كوپ كۇش قوسامىز».